各位,
以下事項為截至12/10/2010為止的魚樂網情況匯報,活動計劃安排及網友問題統一回覆
1) 近期發生一事,事因有友網朋友到本網發表一帖被刪除,
於友網發帖表示不滿,而該帖又成為別有用心人士作為攻擊本人及魚樂網之用,
事情發生甚無奈...
因網站經常性受到極度討厭人士發垃圾廣告帖,
近期更變本加厲,回帖亦不放過,對於作為管理網站一員嘅我,
想無可想之下,採取新用戶過濾審核方法,
任何人士,如果係新註冊最低級別會員,
如發帖或回帖內容如包含超鏈結,該帖就自動進入審核狀態,
初期我亦會於網站後台逐一檢查,經過一段時間之後,
基本上發現待審核嘅全部都係垃圾廣告帖,如下圖...
而且一日多達幾佰帖,小弟實在無能為力一一檢查,
決定設置每日早上固定時間,自動刪除,
但於此情況下,我不能保證會否出現誤刪情況出現,
友網朋友,正正就碰上此情形,為此小弟深感抱歉!!
如有其他網友,遇到相同情況,敬請諒解及通知小弟,
我會另出專帖講述此情況及建議做法!!
2) 我基本上會將網站系統升級至最新版本,但暫未有工作時間表,
如有決定,會第一時間通知大家,其實我已安裝測試版本,
如有興趣,可以入內試吓,用番原本魚樂網帳戶就可以,
http://myshot.talkhere.hk/
新版本,會為大定帶來更新體驗,功能安排亦較完善,
最大分別係與Uspace現有功能整合,
如兩方面有相類似嘅更會合而為人,特別係個人資料設置方面,
群組功能亦更強化,更融入網站架構中,
為往後網站架構重整及會員個性化要求更容易滿足要求,
可以咁講...係將Uspace融入魚樂網之中,
眼見依家Facebook太火熱了,基本上類似嘅平台亦難於維持,
發展過程,改變係無可避免的...去蕪存菁,適時配合係重要的,
魚樂網本身架構,我亦會不斷思考如何改進,
維持競爭力不二法門係...進步進步再進步,
他人未想到的,你要做,他人需要的,你亦要做!!
3) 認識小弟的朋友都應知道,我曾於Facebook內發表過對一D事嘅不滿言論,
小弟從來做任事情都係盡力而為,但求無愧於心,
此種事我亦不欲於網站多談,但多人問起...
而且事件亦與網站有關,所以借此講兩句,
我強調,網站與網站之間,有競爭無問題,
有本事者,能發揮,就好好大幹一場,
無本事者,就無謂用極其下三流方式行事,
世界本不大,釣魚世界更細,
用得太多此類手法太多,只會令人覺得你係真正下三流之人,
身邊朋友亦唔係你使用下三流手段嘅工具,
我自己情願做真小人,亦不願做偽君子!!
4) 有關網站黎緊嘅時間,會繼續安排不同嘅課程及活動,
繼現有正在安排嘅比賽之外,跟住落黎重頭嘅就係磯釣賽,
其實一年前已經開始商討,今年或明年初基本上係決定會舉辦,
詳細情況,會出專版同大家再商討,原則上都會喺賽制上動一動腦筋,
屆時大家記得留意及多提意見!!
反而依家重點會多D工夫喺未攪過或少攪活動嘅釣法上,
希望盡量平衡一吓各版活躍度!!
有趣味嘅玩法,攪小比賽,亦係發展重點之一,
相關內容,亦會喺下一節再講!!
5) 強化釣魚趣味性發展,係來年發展重點,
釣魚活動發展,按我個人理解,能夠享受個中樂趣就值得去做,
釣大魚好玩,釣小魚亦好玩,推廣釣小物樂趣,亦係我來年發展重點之一,
雖然路亞釣小物,已開始多人參與,但其他釣法上更有發展空間,
來年我會花更多時間,認真籌劃推動發展方向!! |
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡
你 ........... 加油 !!!
加油 ! 
我地支持你 !! 
支持!!你........................
