珍惜而家擁有既一切

今日island生日,同左佢慶祝生日,今晚有好多人都有出黎,我今晚好開心呀,因為我真係唔開心左好耐,
父母又話離婚,失業,同拍左7年拖既男朋友分手,又認清左邊d係真正朋友,樣樣唔開心既事呢2個月內
發生晒,我曾經問自己係咪我自己既錯所以個天先咁對我,但係我自問對得住天地良心,我對朋友好真既,
工作雖然成日大頭蝦,但係我都會盡我最大既努力去完成我既工作,男朋友方面可能同佢緣份已盡,佢唔
珍惜我唔係我既損失,但係經過今晚見到咁多朋友仔之後我真係成個人鬆晒,開心番又做番原本既我,其
實今晚小腳佢地唱'人來人往'既時候我真係好想喊,因為d歌詞好岩我既心情,
'時間會走 剛失戀的我開始與旁人攜著手 但甚麼可以擁有 纏在那頸背後 最美麗長髮未留在我手 我也開心飲過酒 '
同埋'永遠愛著你'呢首歌係佢成日唱比我聽既歌黎既,但係我同自己講唔可以喊,因為我唔想破壞氣氛,
而且個個朋友都想tum我開心我唔可以再諗起d唔開心既野,其實原本我今晚唔想出黎見人想收埋自己既,
但係如果我唔踏出第一步我永遠只會沈寂於傷痛中,我最多謝island佢當我係妹一樣照顧我,安慰我,亦都好
多謝tiger車我出入,同埋亦都好多謝所有人佢地真係好關心我,多謝晒你地,個個都話我瘦左幾靚女既,而家我係
時候整裝自己重新開始,我瘦既話唔怕冇人要,希望大家支持我,而且我瘦左之後有正盤介紹個黎啦

p.s  係呢個網我識得既人,我都當佢地係我既好朋友黎既,10月我生日吹雞既話大家都要出黎呀

嘩....玩嘢咩.....三點幾講D咁嘅嘢......但....我哋朋友黎....嘉露....再心裏....

嘉露.....心照不宣.....

10月吖...收到啦
我support you..my friend

原帖由 TiGER 於 2007-7-31 04:56 發表

                               
登錄/註冊後可看大圖

嘩....玩嘢咩.....三點幾講D咁嘅嘢......但....我哋朋友黎....嘉露....再心裏....

多謝你呀老虎先生,原來你真係好似珍珍咁對女仔好有風度架,做朋友既野真係在心中既,
不過講心又講埋金得唔得呀哈哈(講笑) 多謝晒你呀

原帖由 island 於 2007-7-31 05:15 發表

                               
登錄/註冊後可看大圖

嘉露.....心照不宣.....

我真係好多謝你一路tum我開心呀island,可能我係獨女,感受唔到有兄弟姐妹照顧個種滋味,
但係你比到我有種好親切既感覺,我真係當你好似我家姐咁既,放心,邊個蝦你我實幫你KO佢既

原帖由 anglerboh 於 2007-7-31 08:58 發表

                               
登錄/註冊後可看大圖

10月吖...收到啦
我support you..my friend

多謝蹼蹼,到時我地又成班一齊問心過啦

老友我撐你,我梗幫你,baby

快d開心番la! 個個都好鍚你gar!

原帖由 nortoncamel 於 2007-7-31 10:22 發表

                               
登錄/註冊後可看大圖

老友我撐你,我梗幫你,baby

維記好多謝你呀, 有機會真係要同你食餐飯先得:me14