亞昌台釣的階梯

其實我都好想學霍大俠咁寫下自己台釣既歷史!!
2001年, 我同朋友到大尾篤玩, 當時好奇的我走過去睇下人釣魚啦!!
e, 呢d魚咁似我屋企條網紋獅頭既, 條條2斤重, 唔通自己眼花??
過多幾個月又同朋友去玩, 之後响大尾篤公厠見到有d人响度分魚, 於是我走過去睇睇, 嘩, 好大條立魚喎, 睇真d, 真係網紋獅頭黎架!!
跟住, 我上網search到一個叫"潮塘特區"既網站, 睇睇下原來真係水塘有網紋, 於是我決定一試!
當我第一次釣淡水用既餌係青虫, 壩頭釣了一個下午都釣唔到, 於是一對好心既夫婦比佐兩條大網紋我, 我開心到不得了, 決定一定要自己釣到網紋為止!!
我只記得我初初玩鯉魚籠好click, 魚獲只有藍刀, 一條網紋都釣唔到, 大約一個月去一次左右咁啦!!
到佐2001年既初秋, 我一個人把心一橫拎起魚竿去探險, 目的地係東壩平台, 估唔到個度中到我第一條大鯪魚同大網紋, 當時東壩平台很多大鯪魚魚釣, 可是自我學懂釣魚之後魚獲就不斷下降了!!

2002年我好像是沒有釣魚的!!
直到2003年沙士期間, 一天, 我如常到壩頭玩鯉魚籠, 我旁邊又有位人兄又在釣魚, 那時大約係下午3點到, 我見佢一下又一條, 一時一條, 一時又兩條, d大網紋係咁上水, 由於佢見我一條都釣唔到, 結果佢用我枝投竿挷佐條魚絲, 結果是日我用呢個方法釣佐兩條大網紋, 那人還對我說釣淡水係用手竿的!!
之後既半年, 我經常到壩頭作釣, 但由於我唔記那人教我挷釣組既方法, 我便是是旦旦咁釣啦, 反正我都係想釣網紋者!! 現在外界可能經常覺得亞昌點解成日話要釣網紋, 正因為係佢, 才有現在你們認識的亞昌!!
2003年9月1日, 我唔返工去釣魚 (yuyu而家好學唔學), 我清早8點就已經到佐壩頭, 釣佐一整天, 我釣佐好多大網紋, 正當我差唔多想走既時候, 就見到上次教我釣魚的那個人, 當時他以為水塘禁釣期, 所以沒有來釣魚, 直到9月1日便立即去釣, 我說, 今年沙士, 政府取消了休魚期; 之後他看看我的釣組便重新教過我, 之後好快就入黑了, 因為我沒有燈, 於是他便提議陪佢釣一陣魚, 我說好呀, 因為有野學嘛!!
還記得當天晚上一黑之後d兩斤網紋就不斷上釣, 大約有10條, 仲有我第一次見到有人用手竿釣大頭魚, 是二十多斤一條的, 當時既心情真係難以形容, 那人仲叫我幫佢宰魚添, 我竟然可以用一把小剪刀將一條大頭既頭斬落黎!! 呢次亦係我第一次釣魚由上午8點釣到夜晚10點!! 呢位釣魚師傅就係我既啟蒙老師 --小強師傅喇!!
好快又一星期了, 亦係我第一次正式台釣, 竿架是插地的, 坐的是小強送我的摺櫈, 那天我同小強又到壩頭作戰, 他說日水小魚多, 黃昏去釣, 釣到10點, 魚才大, 是晚係我人生第一次用手竿起條斤半土鯪, 開心到暈呀, 之後小強師傅又用手竿釣到廿斤大頭, 真犀利!!
因為之後很快就已經係冬天, 魚就開始不多了...... 但是我還是未掌握台釣就進入冬天了!!
同年年頭沙士既期間, 我開始留意到"窮人釣會"的存在!!

快D寫落去LA

方小邪 發表於 2011-9-28 00:41

                               
登錄/註冊後可看大圖

快D寫落去LA

多謝小邪, 咁我寫埋04年先訓啦!!
04年應該多野寫d, 不過我打字慢, 等等呀!!

亞昌 在 呃分
我都係每次19分算喇

2004年係我最瘋狂釣魚的一年, 當年年頭, 認識了肥明, 大強, 阿良, 我和小強他們一行五人經常到壩頭作釣, 可是當年我的釣技是所有人最差的一個, 當期時淡水湖白鯽大咬, 最大咬的一個晚上, 他們輕易而舉就釣到20多條白鯽, 而我就只釣到五條白鯽和一條兩斤的鯉魚, 五條淡水湖白鯽, 都不知道要再釣幾多年才可以遇上了; 到目前為止, 亦係我釣到唯一一條爆頭既網紋, 就係在那夜上釣的!!
2004年3月, 得到"窮人釣會"網站揸fit人誠一郎既邀請之下, 第一次到九龍水塘夜釣, 我記得當晚既心情係, 咁黑既, 心裡係有d驚, 不過有地膽帶路, 死就死啦!! 當時, 水很小, 路很斜, 好唔容易我開到位, 因為當時仲未有台釣櫈, 是晚既魚獲係一條錦鯉同鯉魚, 第一次釣到錦鯉呀, 之後幾乎晚晚都同一郎去釣九龍水塘, 仲識佐佢地一大班朋友, 晚晚都嘻嘻哈哈咁, 好可惜既係佢地之後都冇咩台釣了!!
之後第一次响九龍水塘釣到鴨咀鯊, 紅鰭鯽, 而鴨咀鯊亦係我好想再釣返既魚種之一, 那時我又跟阿良常常到九龍副水塘釣魚, 就是他幫我買我第一張台釣櫈的(現時還在, 不過已經好小用), 那時這裡的鯪魚真係的很大, 差唔多有一斤, 不過我經常都係釣唔到的, 因為當時既阿良真係好勁, 我釣上來的多是鯉魚和錦鯉, 可能鯉魚的食相是比較大吧!!
一天, 我上養魚網睇到有人話香港仔水塘有一線天釣 (一線天係我最心愛既慈鯛, 個形係同網紋一樣), 我於是膽粗粗自己殺上去, 當時我唔知有小巴上, 行那條奪命斜路真係好辛苦, 冇計啦, 我第一次上香港仔就釣到人生唯一一條白鱔, 釣佐幾次之後發現原來傳說中的魚只是網紋獅頭而已, 由於當時我只是一個新手, 到新地方釣到有鯪魚, 錦鯉, 已經好滿足了!! 不過香港仔以前同而家都一樣, 魚精但大條! 有次走時發現原來香港仔水塘有好多紅鰭鯽, 心裡不禁暗生歡喜!!
那年我記得為佐要尋找是否所有水塘都有網紋獅頭的存在, 去過既水塘已經有九龍水塘, 九塘副水塘, 德羅塘, 城門水塘, 薄扶林水塘, 香港仔下水塘.......
2004年係名風釣具搬到大埔的一年, 我見到店中的魚, 於是問老闆娘是在那裡釣的, 她說是在 "歐陽"釣的, 那種魚就是百花獅頭了......
唔洗問, 梗係要試試啦, 阿良仲叫我一定要買凍餌呀, 去到釣d大非真係釣到你傻, 又大鯉魚大塘虱, 人生第一條塘虱就在此誕生, 當然小不了目標魚 --百花獅頭啦, 嘻嘻, 那天我又係由朝早12點釣到夜晚10點 (yuyu, 其實你真係幾似我).......
至於淡水湖d紅魔鬼都係响呢年第一次釣到, 不過都係大強最勁, 釣到一條約25cm深紅色大咀紅魔鬼, 到目前為止, 都未有朋友再釣到!!!!
2004年11月, 我地聽聞涌尾有大非釣, 我就跟阿良大強肥明釣下啦, 我响淡水湖既紀錄級7斤鯉魚又在此誕生, 當晚仲有一條3斤鯉魚, 中那條7斤的鯉魚時我以為係click底, 手放開了一陣, 再起弓就發覺好似有d郁, 之後揪極都唔郁, 超級重, 唔願上水, 玩佐好耐, 最後由大強幫我撈, 那時涌尾的羅非真的是很大條的, 又多!! 而我淡水湖第一條錦鯉都係响涌尾釣的, 又係好好玩, 因為當時用既係軟竿!!! 唔知點解那年阿良大強佢地好易中到d3斤土鯪, 不過我釣極都釣唔到, 上到的都只是10多兩的鯪仔!!
2004年12月, 係我第一次見到林爸爸的, 地點在涌尾, 我當時對他的印象是很嘈和很煩; 同行的有張叔, 亞倫, 盲b, 文仔同爛手輝; 那天記得當時張叔釣到條大鯉魚, 有d行山客見到就叫張叔放返, 結果一班行山客就以掌聲歡迎張叔放生大鯉魚, 見到盲b釣佐好多大非, 但係我就打龜..........

一個階梯下成功的傳奇故事！

lambaba1189 發表於 2011-9-28 01:57

                               
登錄/註冊後可看大圖

一個階梯下成功的傳奇故事！

我一路打字一路回想, 心情都有小小激動添!!!
林生你睇下先啦....
04年就已經開始有你份喇@@

亞昌 發表於 2011-9-28 01:43

                               
登錄/註冊後可看大圖

2004年係我最瘋狂釣魚的一年, 當年年頭, 認識了肥明, 大強, 阿良, 我和小強他們一行五人經常到壩頭作釣, 可 ...

...印象是很嘈和很煩...

寫咁多字,支持下你.幾好記性.