烈日當空下再戰江湖

總之，釣晨光到中午啦。我都怕出相係問題

釣魚郎DON 發表於 2012-5-3 15:42
總之，釣晨光到中午啦。我都怕出相係問題

師兄，出相又好似無咗某左趣味，男人都係鐘意隱隱約約，咁啱遇到先興奮。
如果香港果邊，有冇好去處呀？

336338兄，是真的，指出位置而釣唔到仲失落，試過太多次。港島區其實好多位釣，確實不能盡錄，坐幾十蚊艇仔首選南丫島鹿州，次選黃竹角。維港由西環招商局碼頭，上環卸貨區、中山公園、打後的地方因海濱公園工程影響了不少、再去杏花邨石堤、柴灣倉石堤、海防博物館、南灣半島、黑角頭、歌連臣角亦是好地方。

哈哈 ~ 九龍人話香港島多魚D ~ 香港島人話九龍多魚D ^^ 呢個已是習慣 ~ 各有各地方好魚 ~

看好個位 ~ 要捕 @@ ~ 別看鐺神係咁上魚 ~ 他不是一(蕉)一夕的 HAHA

小鐵兄，對呀！打游擊戰兩三年、肥騰騰四圍騰。說到底都係要搵啱位「捕」一輪、仲要試早水定夜水、退水定漲水、乜餌較得食。
唉、每次都要準備好好、然後就.......等！

陈百强的名曲：“等~~~寂寞都夜深.......”

釣魚郎DON 發表於 2012-5-4 10:05
336338兄，是真的，指出位置而釣唔到仲失落，試過太多次。港島區其實好多位釣，確實不能盡錄，坐幾十蚊艇仔 ...

師兄，絶對認同，我自己就覺得，就算同一個位，每日流水唔同，天氣唔同，啲魚既情況都唔同。無話次次都釣爆的，重有個人技術問題，唔係都唔會有人一齊打粉，有人釣唔停，有人就打龜啦。不過，我都尊重個人價值觀，有人睇個一蚊大過個月亮，有人簫洒走一會。只是覺得，由其他人指明某個位置而去釣，就失去左釣魚過程既其中一種樂趣姐。
師兄，你提供的位置我差不多全部未去過，我大部份時間都在北角，因我落樓下就到，好方便我偷釣，今年真係要去下其他地方試釣。再次多謝你的資料。

336338 發表於 2012-5-5 12:13
師兄，絶對認同，我自己就覺得，就算同一個位，每日流水唔同，天氣唔同，啲魚既情況都唔同。無話次次都釣 ...

客氣了，我現在在一個未龜過嘅礁、九點到現在都未有一口、心情總會失落、但一日未收礁、下一分鐘都重係機會。

未龜過嘅礁....師兄太強了吧= =
說起欣奧.想釣星星要步兵半個鍾...好辛苦...

曾經有Ching講過，太容易去到既釣場係冇魚釣的！