真係釣魚仲勤力過返工，而家出發沙螺灣！

沙螺灣上星期去過龜咗比之前去靜好多連魚毛都無。D大船又比以前多好多往來以前間中只有避水警浪而家差不多每10-15分鐘就要避浪。可能趕住起港珠澳大橋而家連小魚都無埋下次我會去機尾釣起碼唔洗避浪

加油 !!!

強心針 發表於 23/4/2013 13:19
沙螺灣上星期去過龜咗比之前去靜好多連魚毛都無。D大船又比以前多好多往來以前間中只有避水警浪而家差不多 ...

十分讚同
日水只有避同埋避
但係六七點打後會好啲 無咁多大船經過

加油ching, 爆釣多D!

沙螺灣釣後感
因為食野買野關係我同兩個朋友搭11點果班船入去~
入到去差不多12點當然落船第一件事就係點返支煙啦~
然後就環視四周...碼頭已經見到一個呀伯釣緊~我諗佢係原居民...因為著人字拖的
但碼頭位太細我地3個人再+個呀伯我怕佢會十分不開心...之後碼頭橋中間又有一個人字拖街坊開左3支竿搏殺緊
我地廢事同人地爭位啦~然後碼頭望海方向既右手邊~爬石應該有個唔錯既位...
但無著機鞋同埋我地之中有個女仔既關係所以都放棄左~
之後我地原住條石路行入左村再過埋天后廟,之後再走左入條山路...
P.S.我地3個都係第一次入黎~SO唔知點行去後山位~
條山條路巴到震~左1箱右1箱...勁多蚊同蜘蛛網~但無理由行返轉頭咁笨實丫~
唯有頂硬上~發覺條山路原路D樹都有黃C帶~我地就係咁一行行左半個鐘~
對於一個無做開運動既人黎講...我夠膽講...當時有一刻我係想返屋企既~
終於行左半個鐘後開始聽到海浪聲~果股衝勁又返左黎我身邊~
出左個山林之後分左右兩邊~右手邊對於我呢D新手黎講有難度~
因為上到石企到位但前面有好多暗碓...又勁多蠔石~之後我地往左手邊去~
右手邊係叫做屋仔石...左手邊係叫散石...面中間位個名叫做針板(總括黎講係後山)
上到散石位再行入D就見到D釣魚人士留低既垃圾~我就肯定係呢個位~
原碼頭行入黎果陣我地見到個牌"紅黃旗CALL艇"好彩當時有MARK低~
如果唔係都唔知點行返出去~我肯定呢條路正常人一日係唔可以行兩次~
當然第一時間開竿啦~跟手就約船...船家收6點~就約左6點~行得咁辛苦緊係盡釣啦~
試左底之後發現得5呎水...掉遠D都係8-10呎到...餌用青虫/蝦仁同生蝦
我個人比較喜歡用青虫~等一下掉落去唔夠一陣就大沉~點知唔夠快走左~
再黎又係咁~可能掉得太遠睇得唔清楚~掉返近D~中左條黃腳立BB手指SIZE~
跟住我朋友中左條石九~心想黃腳立~發達啦~有細就有大係左緊架啦~
點知再用青虫話咁快又沉~密口到我個心都飛埋出黎~爆釣喇喂~
頂你個肺~雞泡魚當雞泡出現之後就失去哂所有既魚訊~
崎嶇既山路...太陽既煎熬加上雞泡既出現~我開始知道中暑係咩感覺~
我為求有魚已經去到不惜一切~我公再近岸既石九公~魚訊爆升~
但十分精口~我地既女仔朋友決定拎支筏仔出黎~話咁快比佢起左5條泥鰻
我當然緊係釣唔到啦~不知不覺時間已經去到5點半~
朋友們已經心灰開始執野~亦將D粉掉哂落海~
呢個時候我用蝦仁去掉~沉得好快~但我無比到反應~因我仲以為又係D泥鰻細咬緊~
當我個心數到3果時~一HIT~就咁就大大隻蝦仁無左~
再試多次~又係失敗~最後掛埋石~成組腳無埋~個天都迫我收皮~
船亦呢個時候到~總結我相信呢度係有魚釣既~不過自己技術未夠~
係度盡力提供資料~等其他CHING幫我報仇~
細魚亦全放生了~上一手既垃圾都幫手清埋~魚獲相就登黎都羞家
~~~~~~~~~~~~~~完~~~~~~~~~~~~

係機場剛剛上左2條黑沙,快去!

聽完師兄報告之後，真係笑左出黎！！
多謝分享！！！

聽完師兄報告之後，真係笑左出黎！！
多謝分享！！！

交遊一日，相當吾錯！

koo8768 發表於 24/4/2013 08:14

                               
登錄/註冊後可看大圖

交遊一日，相當吾錯！

係相當辛苦至真~