信錯朋友上錯排.......

玩筏仔年幾以黎,小弟上過既排唔多 , 黎黎去去都係果幾個咁前排有個朋友wtapp左d魚獲相俾小弟,又紅鮪又星鱸,仲要3,4斤size,仲有得釣通頂,講到鬼死咁吸引.
咁二話不說就比埋電話我,前幾日幾個人收工上去啦 ,個排係大埔, 朋友就話係石x個排隔離.咁去到碼頭打電話上船,點知話去錯碼頭!

心諗冇理由架,xx明明係呢邊上,咁去岩碼頭就見到隻好似出礁咁款既艇,寫住xxx
上到去已經覺得個排咁得意既,個排好大但唔係一格格反而係一大個水池咁仲要一個人都冇,咁開好晒竿就準備開粉搓波,突然有個朋友叫住我埋去睇d野,見到寫住 "魚獲$40斤" ,即刻好多個問號 ,再睇清楚d !! 我立即所有粗口都飛晒出黎,原來同魚場一樣釣養魚!!仲要唔包魚! 雖然一心唔係拎魚,但當堂想反屋企訓,完全冇心機釣,之後粉都唔開釣南極蝦算 , 問佢釣排出面既魚係唔係唔計魚獲 ,佢話烏頭同黑立就唔洗,我勁想問候佢"個海你架?!" , 點知幾條友成晚清一色連米,跟住天光即閃 ,仲要拎埋d粉番屋企....
我當時真係好想介紹個排比我個朋友係到,等我可以幫佢沖個涼鬆下骨,2個排中間有座山都可以話係隔離, 咩紅鮪咩班全部係養魚,仲要唔講!!
一心上去止痕,點知仲痕左!! 味試過拎住粉去拎住粉番 ,仲要唔知幾時先再就到一齊釣通頂! !
我實在好興谷住谷住先係到同大家"分享"我既感受...

你個朋友冇講清楚，比佢……

賣豬仔

打開門，做生意....人人手法不同。

魚排嘛，釣籠内養魚攞魚獲走，大多都會收費。俾咗上排費，釣排外魚，魚獲都要收錢，我都覺得有點過份。

日後上排前問清楚如何收費，魚獲怎樣計算。以上不歡情況定不會再發生。

為免影响他人做生意，更唔想有太多激烈討論。對於樓主原文作出少許更改，亦關帖處理。