好在有鯉

已經一段時間無釣魚，天氣實在冷又大風。一月六號見有些少太陽，午飯後收拾釣具出發前往魚場。由於交通阻滯，差不多下午四時才到達。

一進場就碰到兩位師兄正在收拾釣具準備離開。二人齊說當日一口魚訊都冇。吓？山長水遠到步竟然冇魚釣？再聽老闆娘話好多人在星期日都無魚上，水可能太冷喎！

心諗，既來之則安之，嘗試一下好了。整整一個鐘全無魚踪。羅菲亦唔見出現。突然間被我見到有條錦鯉在水面，即時向它拋線，讓毛鈎下沈，忽然間一下拉線，再直出塘中，哈哈哈有魚上鈎了。看它走勢應該係鯉魚了。又收又放也有十幾分鐘，爽爆了。當天第一條入網的是錦鯉。影相後即時放回塘裡。

其後對同一方向點拋投，在毛鈎慢沉時，又一下拉線，這次又再直出塘中，看其走勢，亦應是鯉魚。一輪收放，入網的是塘主叫"日本宮廷鰂"，管它叫甚麽，有理冇理，影相後馬上放回塘内。

隨後再一次有魚上鈎，只可惜甩了。天色已黑，三小時上了兩條魚，心滿意足，回家去。

很好的釣魚心態

多謝分享!!
真係太凍d魚唔肯開口,冇法!!

martin4234 發表於 8/1/2014 23:05
很好的釣魚心態

釣引發作，無計。

FELIX009 發表於 8/1/2014 23:20
多謝分享!!
真係太凍d魚唔肯開口,冇法!!

水凍，真係好難釣。

是鯉吧,不像宮廷鯽

er007er 發表於 9/1/2014 00:42
是鯉吧,不像宮廷鯽

大家姐見到條魚，佢話係咪信佢囉。哈哈

3個鍾中2條魚！

kk.kk 發表於 9/1/2014 23:58
3個鍾中2條魚！

人哋無魚咬，我三個鐘上兩條算對得起自己，有交代啦！