竿的選擇

我又開始到而都係用緊一支5號竿, 但我想加強比魚姦的感覺, 所以想買支細號竿
但我又唔知竿的感覺會差幾遠, 所以想問問各位師兄意見, 再去選擇

例如我玩路亞, H竿, M竿, L竿, UL竿, 或係UUL竿都玩過知到上手的分別
如果以飛蠅竿, 5號會似咩路亞竿的釣味呢?
如果我想買支UUL 咁的飛蠅竿, 又要買到幾多號好?
另外係CASTING方面的分別又大唔大呢?

謝謝各位師兄指教

等學野！

#5 竿為中型號，釣上二三斤魚已有少少釣味及手感。當然，用上一支 #3或#4號竿更能感覺魚嘅力度。手感及釣味亦然增加。
在拋投方面如果已能掌握暢順，用上輕虢竿應該問題不大，用上的毛鈎當不能大大，#10至#24 毛鈎絕對無影響拋投。本人曾經用一支 #2 號竿釣上一條十多斤鯉魚。手感絕非筆墨能形容。不可不提，飛蠅釣法是以柔制剛，同其它釣法之強拉極度不同。竿/線配對及加上拋投技巧只在於把毛鈎送遠引魚上釣。
如果只作淡水釣，建議選購一支 #2 竿/線。在拋投上多加少少操練。掌握得好，定能得心應手。

首先多謝UNCLE 解答

其實我都想用飛蠅玩海水, 但不知從可入手
如果真係有咁既一日, 2#又夠唔夠應付海魚呢?

謝謝解答

genesis 發表於 2/4/2014 14:59
首先多謝UNCLE 解答

其實我都想用飛蠅玩海水, 但不知從可入手

釣海魚，最小都要用上 #6 竿。再要看目標魚是甚麼。如要釣上魚非 #10 以上不可。

類似石狗小魚 #2 已卓卓有餘。星鱸纇也最少需用上 #6，可還要有足夠後備線，否則亦難做得到。

原來係咁，咁我玩下淡水先啦～
但我想問下細一個號碼，其實差幾遠呢
因為我睇2號竿的話，選擇比3號少
而再細號啲，選擇會更少
但我又見過有0號竿，玩起上黎會係咩感受呢？

謝謝UNCLE解答

同埋我想問埋，如果我海魚的對象係好似石狗公比較小型的魚
選擇上又要點呢？

謝謝～

近日在各竿廠出產 #2 係比較少，只著重大廠還有。#3也是不錯選擇。雖然相差些少，手感乃算不錯。而且更可加上#4 號線加強拋投距離。對釣石狗公類小魚手感仍在。
再細號的竿出產也不算少，名牌 Sage 有出 #1， #0，更有 #000 等細號竿為追求特別手感經驗飛蠅人所喜愛。價錢也一點不平。再加上有終生保養保用。

謝謝uncle解答，我再研究下先，不久應該會有新竿玩。