星期日難得隻佬休息,可以帶我上排釣魚...買左隻未用過既Truxxman的粉搓波...
上到魚排,我開竿,佢開粉...同時排主係度用手排拖魷
我問「用手排都得架?!」
排主:「得架~」
(未幾...聽到有噴水聲,佢拖左隻好大隻的大尾魷上來啊!) 見排主準備要處理隻大尾魷...
我膽粗粗問「哇!好勁呀~可唔可以借黎玩下?」
排主:「攞去玩住先囉~」
嘿嘿!我掟左隻木蝦出去...拖下拖下..最尾收番黎feel到中左野!
真係中左...第一次用手排拖中左第一次大尾魷~好開心!係意外收穫
不過一次意外之後...d粉唔ok,好散,唔聚魚ge...隻佬乜野都釣唔到...只係中左條坑Lim,就真係龜左...
我就冇啦叉中左呢條咁既海狼...片得好勁!!.....buT樣子好惡...好意外,仲以為係烏烏Tim
今晚整曬黎食~蒜炒新鮮大尾魷超好食!清蒸海狼都幾好,好甜ge..(不過今晚七個人食飯,大尾魷唔夠食)
(一陣隻佬見到個post可能勾起佢既傷心事...係度say定聲sorry先ru~~~^^")
|