26/12 三點鯪鐘

今日再去樂園，睇下同錦鯉有冇緣相會。

十點幾到達樂園，竟然空無一人。考慮過落去壩下面釣，但係太鈄，而且今朝落過雨，真係怕怕，都係去返泥灘穩陣D。


頭一個鐘冇魚訊，之後每次浮標都升兩、三目但係抽唔中。攪左好耐，終於黑標喇。一抽，原來是林哥孖寶攪攪震。


十二點幾，再黑標，一抽，好重。雖然用緊04腳線，但噤凍，估佢無力，照拉，係40-45cm鯉魚。點知原來佢唔係無力，係未發力。一發力04腳即斷。


換過08腳，無哂魚訊。等到三點「鯪鐘」，亦係星期二上泰鯪的時間，泰鯪果然準時現身，又俾我上返3條30-35cm。之後四點幾走人。

D 死人鯉真狡滑, 專吼幼絲先咬埋唻. 吹漲....!