石澳附近一帶

想請教各位,小弟唸住响石澳附近艇釣一天,
因我地有成七個人去,預算買餌方面唔太清楚
生蝦應買幾多呢??買唔買埋蝦仁同蟲呢??
希望各位可以分享一吓心得......謝謝!!

想請教各位,小弟唸住响石澳附近艇釣一天,
因我地有成七個人去,預算買餌方面唔太清楚
生蝦應買幾多呢??買唔買埋蝦仁同蟲呢??
希望各位可以分享一吓心得......謝謝!! ...
ccs-75 發表於 2009-7-29 08:51

                               
登錄/註冊後可看大圖

師兄

你係扒艇仔定係出大頭艇呢, 釣位唔同消餌會有好大分別.
你七個人應該係出大頭艇. 估計你當日唔係太開口,
每人三兩蝦釣一日都要20兩, 每人四兩就穩陣啲.
去街市買$20蚊蝦仁醃好, 補5兩青蟲都相當夠做.
不過咁熱天時要養活咁多蝦我唔建你用水養........死九成.

參考吓點旱養生蝦: http://www.fishinghk.com/forum/viewthread.php?tid=4463&extra=page%3D1
或用 [搜索} 功能: 搵 [生蝦]

如果一定定要水養一定要夠氣, 唔好養生倉. 搵個誘餌袋大個啲養, 溫度易 keep 啲.
千祈唔好用海水, 攞釣店嗰啲水.
雪定4~5支結冰水, 幫蝦降溫, 要低過20度, 14~18最理想. 攞黎飲又得.

唔明再問,ok?

多謝指教

粉哥你好,多謝你既回貼
仲想問問,蝦仁點醃好呢?/有啲話用糖,有啲話用鹽,邊種好呢
石澳附近有冇啲排口可以提供吓呢??
啲生蝦我地唸住買兩斤半,但如果唔用水養,咁大量放响冰箱裡面有冇問題呢
同埋我真係好耐冇玩艇釣喇,架生方面都要買過,用咩絲好呢??幾多號起步??鉛呀鈎呀又點買法呢??釣組點樣配搭好呀??
嘩!!講吓講吓又咁多問題添,阻住你真係唔好意思
萬二分感謝

                               
登錄/註冊後可看大圖

阿九師兄
好建議大家多啲利用 [搜索] 巧能, 以下係搜索得到嘅精彩文章, 好值得參考.
http://www.fishinghk.com/forum/v ... 8851&extra=page%3D1
醃蝦仁我自己就會先鹽後糖再加南極蝦汁.(其實可以唔醃)

石澳如果唔係大東風周圍都好釣,  排口要艇家帶你去.唔同艇手都有自己秘位.
圍住石澳正灘同後灘嘅半島好多驚喜, 尤以最出尖咀係常有大物出沒.
正灘對出[五分洲] 嘅兩條水巷亦好多石口位, 沿岸邊一路向鶴咀方向都可以,
到鶴咀尖都夠你玩半日, 再過就係禁區.
以宋崗到鶴咀尖嘅中間有一個大排, 上次我都斷咗一口惡物.

兩斤半即40兩蝦, 每人約6兩, 應該好夠用或會有剩.
咁多蝦確實好難全部旱養. 建議一半打氣水養加冰種降溫養, 一半用冰箱旱養.
記得照足舊帖: 最少兩層, 方形筲箕放入冰種, 隔墊, 毛巾, 落蝦, 薄紗放面.

傢生係好個人嘅, 附近一帶最深都係40~60尺, 一般不過30~4尺.
並唔太深, 簡單工具足以應付.
艇釣一般以手繩為主, 艇玩小筏可以逸待勞, 遇上大物用小船竿上 PE 線力搏亦無不可.
手繩三幾副, 10~30磅炭絲或美絲夠做, 筏仔3號做主, 小船布線20磅起. 藏絲有100M 就蚊洲都夠用 .

用鈎我一向以 [咁大口餌就咁大個鈎] 做準則, 你可以用3~5號立鈎起步,
鉛你就咩都上啲, 水流, 釣位變化有時好大.

釣組就以簡單中通鉛以 [散瀨] 開始,  流太大時可考慮以重鉛壓底, 橫出瀨腳以 [企頭} 方式作釣.

感激分享