新學筏仔..想學差波仔

搞清楚問緊艇筏,當然搬過泥好D啦:fb30
TinTin 發表於 2009-8-1 21:26

                               
登錄/註冊後可看大圖

唔該哂田爺,
有時係釣法混淆,
好多釣友都唔知點分都好. thx

揚餌球,用浮標睇魚信嗰種
  船到玩搋波仔,唔適宜用筏竿,因為水流會令架艇走位,而要下下調整支竿鬆緊絲好煩,
  用短磯竿或假餌竿,浮標,玩之揚餌球就穩定好多,擲出餌球後鬆定啲絲,見佢拉沉支標先揪.....................最重要係場,宜較靜水,有排口,而又少岸邊人滋擾到.

我諗住同Fd出海釣(第二次/西貢)，想釣多d魚(上次我得5~6條)一日(班仔都冇)，有冇高人教我點差波仔 =  =聽講好似同打誘餌一樣 不過唔洗扔... 係咪嫁@@ 教教我  我支野仲未開過竿 ...
烏絲 發表於 2009-7-30 18:54

                               
登錄/註冊後可看大圖

先回應差波仔釣法
上面己有開粉嘅短片,
以下係日本名人 遠矢國利 示範紀洲釣搓嘅波

遠矢先生係以磯竿配合浮標作紀洲釣, 以筏竿就唔適合.

因為一般磯釣會以太空豆或擋結去設定釣棚水深, 筏竿頭guide太細不能穿過.
而筏竿太短不足以操控太長釣組.

打誘餌只適合磯釣方式, 釣組要同誘餌同步,
船釣好多時都係跟住流水行, 船家搵到排口會 [候] 艇頂流,
亦會經常轉位, 唔係長時間打誘餌聚魚, 四圍打只會將魚群打散哂.

以魚排搓波方式用作船釣亦不可行, 一般係釣靜水喺釣位將餌球入水到底再收緊竿頭,
收緊後竿頭會下墜, 爆波後竿先因為本身彈性回復略為回直,
此時當魚就餌就會明顯睇到魚訊, 抽竿作合. 等候魚訊其間亦無需持竿.
船釣因船身受浪上下彷動, 當餌到底拉緊一彷動就會扯爆波, 亦難睇到魚訊,
因此不能以此法作釣.

筏竿使用誘餌鑨係可行, 但因筏竿竿先太幼調性軟, 誘餌鑨嘅水阻同墜鉛會會令竿頭好吃力,
失去筏竿敏感嘅特性. 建議以小船竿配合誘餌鑨.
亦可以用養魚嘅生倉網入幾磚南極蝦沉入水中作誘餌, 不過此方法只能喺船落錙時候先有最好功效.
夏天釣雞魚多用呢種釣法,