最強之七月初四經歷...（最終回）

本故事不是導人迷信...只是小弟之親身經歷...喜歡的可以看下去...不喜歡的請返出去...

如果有睇開小弟之深涌編...大家仲記得...有位學兄給予小弟一道符咒...而那道符咒自那次之後仍袋在袋中...

故事亦係深涌之後無耐發生的...而發生地點...正是...梅窩碼頭...而日期...正正是今天...七月初四

係經過左深涌既一次之後無耐...對靈體呢樣野...有另一種體會...好難解釋...只可以講...緣份...

故事發生在十幾年前之七月初四...那年那天...約了二位朋友去釣通宵...如無記錯...那晚是星期日晚...

有何生及陳生與我同行...而陳生因有要事...要遲些先入到來...而我跟何生...就先入去玩住先...


那天下午...我跟何生買完魚餌後...就去到中環碼頭乘船入梅窩...那時只有慢船...沒有現在的快船...

當船差不多去到梅窩口時...戴在何生之佛手繩...好特然地...斷開左...個陣時...完全無會意到...那天已經踏入舊歷七月...

跟住何生問我可以點做...我同佢講...你試下...綁返埋佢...

(其實我地個陣時真係悟知道...斷左就等如無用...因為佢已經幫左你檔左一刧)

雖然只差幾分鐘就到梅窩...但呢幾分鐘內...何生...已經去了二次廁所...小解...

但當時我與何生...完全無為意...

到達碼頭時間...大約下午四時左右...咁我地就開始作釣...因為星期日下午的關係...碼頭非常之多人

因那時未有青馬大橋... 每個人去大嶼山...搭船是必經的...開始作釣時...真的沒什麼異樣...

好邪地...又係有三隻狗仔係個度...我都有餵野食比佢地食...跟上次分別係...並非三隻都係黑色...


但漸漸發覺有問題（仲係四點幾五點）何生隔一陣就要去toilet...點解我會知...因為要幫佢睇埋佢既釣俱...

如是者...半個鐘頭二次...漸漸地去得更加密...那時..我地仲未會意到...是什麼一回事...

只跟何生講...係咪你個腎有事...點解..去小解可以密得咁緊要...已經係非常之悟正常...

那時亦只是大約六點左右...而那時...陳生亦到步...亦開始跟我們作釣...


陳生到步後...亦發覺何生非常之有問題...因為無可能一個正常人...每個鐘頭入面...要去五至六次尿尿...

直至太陽落山後...情況更加失控...尿完無耐又要尿過...真係悟識點型容...

因為人開始少...何生直頭連廁所都悟去...直接...係碼頭向住個海解決...

見到何生咁...我開始好擔心佢既健康...但係特然間靈光一閃...

記起係船上面...何生那條佛手繩斷開之後...就發生了不斷尿尿的事故...

跟住...就將我上次那道符咒拿出來...叫他合十地唸...因為我地咩經都悟識唸...就不斷咁唸...南無阿尼陀佛

唸了幾回之後...真係講你都悟信...何生之尿尿...奇怪地...停止了...但...這只是開始...

[ 本帖最後由 最強幻象 於 2007-8-16 14:26 編輯 ]

晚上十時至十一時左右：我們一路作釣時...其實我已經開始見到很多靈體了...

除了向海的一面...巴士站...花槽...等等...都多到數悟到...(比深涌那次還要多）

半透明的...半身的...半空飄浮的...到處皆是...但未想同行之朋友玩得悟開心...

還是選擇了...悟話比佢地知...因為...尾斑船...已經開走...

由那時開始...那三隻狗仔...會不停咁向一些方向...狂吠...

有時直頭係追住一個方向一路吠一路跑...有些目標我見到...某些目標我見悟到...

那時同行之二位朋友亦開始感覺異樣...悟係係咪因為那三隻小狗之行為令佢地驚...

咁我就話...不如悟好釣魚... 大家座埋少少傾計就算... 那他們都贊成...

而當我地座埋之後...那幾隻小狗...吠既次數...追住去既次數...比剛才買要密...還要多...

因為每當我見到多到一個數量時...狗仔就會追出去...跟住我就會拎道符咒出來唸幾次...

那些靈體...就會消失一陣...我地就會得到一陣...靈靜...

[ 本帖最後由 最強幻象 於 2007-8-16 16:12 編輯 ]

大約二點拎三點：那些狗仔仍不斷咁..隔一陣就狂吠...但特然間...三個人...你眼望我眼...

好似感受到一陣好大既壓迫感... 何生亦沖口而出...嘩...係咪有野呀...特然間...好驚好驚...

而我亦感受到有一個好有power既靈體...由遠處飛過黎...三個人同時間起晒雞皮...

（以下呢一小段...真係講你都悟會信...但真係我既...親身經歷.........................

係同一時間...我腦海入面...悟知點解...多左一個picture...重碟左我既視覺...真係悟識點解釋比大家聽...

係我正常見到既野之外...仲有一個畫面...係由個山上面...飛緊落黎...睇到既野好清色...好清楚...

正正係...飛向我地既方向...係飛到好近我地既地方時...畫面...就消失左）


我地三個人...同時感受到那份壓迫力...真係好大...同時間...三隻狗仔佢地只係吠左幾聲...

跟住就頭dum dum咁... 又係lay係我地既後面...我地個陣時真係...真係好驚...

我即時提議...大家座係度...三個人品字型咁面對面...大家你眼望我眼...就係呢個時候...

原本係度追住目標個三隻狗仔（我見不到目標的）...特然間...好驚咁...lay係我地三個人中間...

全身震斗...好驚...係呢一刻...我地三個完全感受到...係我地後面...有個好有power既靈體..

圍住我地咁...不停轉圈...不停轉圈...不停轉圈...真係轉左好多個圈... 好慢...好慢咁...不停轉圈...

雖然睇悟到佢...但絕對感受到...佢所在的位置...

[ 本帖最後由 最強幻象 於 2007-8-16 16:15 編輯 ]

呢個時候...我醒起之前那道符咒...再一次拎出黎唸經...南無呵尼陀佛...南無呵尼陀佛...南無呵尼陀佛...

而陳生見我有此動作...佢亦拎出他的那道符咒...一齊唸...但...只感覺到...那靈體...完全無理會我地...

感覺上真係好似...睇下想食我地邊個咁...那時候我記起...何生之手繩...已經斷左...他手上什麼都無...

咁我就叫佢...做個手勢...類似觀音既手勢...一齊唸經...

那刻...我地三個人真的...心膽俱烈...手震震...心怕怕...連...Ｄ狗既震動都感受到...

時間仿似...停頓...各個人既呼吸聲...都清色聽見...那靈體...仍然在我們身後...不停轉圈...

我估過左都有一至二分鐘之後...感覺那靈體耐我地悟何...好似好無耐咁...飛走左...

悟只我感受到...因為係何生與陳生先出聲.......依....係咪走左...

因為個種壓迫力...真係一下子咁...消失左...我地都鬆左一口氣...

[ 本帖最後由 最強幻象 於 2007-8-16 16:13 編輯 ]

自呢個靈體出現後...我地再無釣魚..深怕坐近海邊...會被佢拉落海...真係好怕...

那唯有...傾計傾天光...但其實...直至我地坐到天光...其他個Ｄ靈體...從來未消失過...一路被我見到...

好辛苦咁...等到天光...我地都悟敢釣魚...等到頭斑船來到時... 即走...

到左返到九龍...大家去食早餐...就拎返件事黎講...

(因為其實我同佢地係同學認識...而且我地無所不談...直至現在亦時常見面）

首先何生發言... 佢都覺得好奇怪... 因為佢完全未見過呢類野...今次雖然見悟到...

但絕對感受到...那份壓迫感...真係非筆墨所能型容...

到陳生...原來...自入黑後...佢都見到好多好多...有Ｄ我都見到...有Ｄ佢見到我見悟到...

但佢型容花槽個Ｄ...直頭係...係花槽度...鑽出黎...佢之前都有見過...但...以今次最恐佈...

自此之後...超過十年...我再無入梅窩碼頭釣魚...尤其事釣通宵...

但近呢幾年...都有去玩夜水...當然會係尾斑船走... 可能因為...有暗影...

[ 本帖最後由 最強幻象 於 2007-8-16 16:13 編輯 ]

快d打埋個故事出黎

幻象兄又講鬼故啦:fb28

咁堅,看來我要跟C兄去見識一吓!

快d呀~我要睇呀~快d~快d