多謝各位師兄回覆.:fo3
其實隻獨木舟係小弟老豆同友人夾份買黎租比人玩既(好似總共有8隻) 甘小弟係太子爺身份, 當然免費啦.
由於唔係康文署所租出, 唔使任何証書都可以租, 但當然玩家要自量啦.
唔識游水就千祈咪制呀. 同埋唔好自己一個去玩呀(我當日都有朋友一齊去, 不過佢玩手絲生蝦).
同康文署一樣, 玩家係需要著救生衣既, 而我就著返自己件墨族自動吹氣救生衣.
隻獨木舟破浪時都會有水入, 整濕屁股在所難免, 所以一定要帶多套衫去換.
相信好多師兄都知道, 大尾魷出沒魚比較水靜既內灣位, 所以大浪唔會係大問題, 如果風太大亦不宜作釣啦, 係咪?
隻獨木舟係為釣魚而設, 艇身比較肥及穩定, 係水面擺動唔大, 一般遊船河出租既中式遊艇經過後既船浪亦唔會反.
最後關於價錢方面, 其實見人見志, 有好多人會認為甘既體力勞動. 去大清水等租2匹艇仔仲好, 而小弟就覺得甘既釣行比較另類, 值得一試.:fo10
另外小弟亦會同老豆商量, 可能定下一D專位釣魚既price plan, 如反應熱烈, 就薄利多銷嘛.
遲D小弟仲會試下搞其他野, 西沙灣海域有星盧, 可以拖下膠蟲, 又有小物等, 一定要去攪攪佢. |