各位師兄師姐好呀:
小弟在30年前出現一段恐怖經歷,當時我得十幾歲咩都唔玩只愛釣魚,每次見d前輩夜釣返黎都好多收穫 大秋立 大青班 大紅油 雞公立 ...........叫d前輩帶我去佢地一定話我太細有咩事發生搵唔返個仔還比人喎= =但我唔會死心既,終於求左好耐先有一前輩肯帶去
地點 珠江口一小島 三角洲
集合於 長洲 用大頭艇(卟)過去 隻艇(卟)左兩粒幾鐘先到..........
恐怖事就係上岸後果幾粒鐘裡面不時出現!
當晚不時有飄忽不定既光系岸邊出現,前輩話係螢火蟲黎,但心想螢火蟲邊有咁大架!
不時有涼風吹過,前輩話秋天夜晚係咁既,但心諗邊會秋天有風涼到好似冷氣機吹果d風咁架!!
不時聽到有人講野,前輩話果d係虫聲黎喎,也有虫識講國語既咩!!!
不時有臭味飄來,我一話點解咁臭,前輩佢就話 下次唔再帶你釣魚 咁我只好成晚做啞仔囉!!!!
時間好快又到 眼見大頭就到 我比前輩既一個動作嚇死 見佢起身雙手合什面向山邊不停咁諗 有怪莫怪 小朋友不識世界 阿彌陀佛 嘩!!!
當我用電筒照向山邊就比我見到一樣令我永世難忘既野!!!!!!!!!!!!!
我見到 一個只見上半身既死屍呀!!!! 當時真系驚到腳軟,艇到左都唔識行要人抱返落艇,艇家仲馬上幫我燒左一張黃紙落海,仲話而後唔車人黎喎,當時記得個天仲係紅色既......
一返到長洲d前輩就話去飲茶,一d都唔體諒下我既我仲好驚喎,天又未光得晒.......但唔去隻艇得返我一個人咁咪仲驚......馬上大聲叫等埋呀.
係茶樓 前輩就同我講sorry????做咩同我講sorry呀,佢話原來上艇果時冇睇清楚個位就上左去,上左去先知左面行唔到既,只好向右行但行左幾步就見到果條屍喎,(原來佢一早見到條屍既)當時又冇話我知= =,再行多幾嚿石又行唔通,只好原地作釣喇,佢話我見到果d真係 鬼火 鬼講野 陰風 屍臭味 黎喎!!!你仲嚇我,會嚇死人架
唔寫喇全身起晒雞皮 886
[ 本帖最後由 釣椅人 於 2008-10-15 22:09 編輯 ] |
... 
咁...........你要先介紹你大佬比我識先,
顯身卡
好耐之前有個前輩教過我...
