我只是去釣魚途中要經過一個墳場吧...
當時大家都是第一次去, 聽釣友講 過左墳場就係釣點..
咁大家就一齊行啦....行到一個分岔路..前面就係直上..
右面就係小路...當大家討論直上還是右邊時, 我就看到直上個頂(唔係好遠, 大約50步到)
有個人企左係棵榭隔離..跟住朋友叫我想唔想行右邊的路時, 我就好自然咁望一望右邊..
望左一秒就望番直上果條路...果個人就唔見左了...咁我都冇諗d咩既...覺得是有人企左棵樹度..可能之後走左吧..咁我地最後都係選直上..免行錯路...
行到棵樹果度時, 我才看到樹下有個墳頭...原來我們已入左墳場範圍..突然打左個突...
之後釣到晚上12點..因我要趕尾班船..我都是自己一個經番原路走..一路起雞皮一路行..
本來要4個字到碼頭, 我就用左1個多字就番到去..哈~
之後先打電話同我朋友講...之前我見到d野...^^
還有另外一個吧..
在我家發生的..十多年前了...
果時夜晚通常都是3點先去訓...咁就有一晚..
訓左落床剛合埋眼時...就聽到有人唱歌..心諗...我頂...邊q個3點仲唱歌丫....
咁我就開眼聽啦...又係d呢唔明既語言..但知道是條女唱歌..
唱左十幾分鐘都未停..咁我就試下用手 加 用被蓋住耳朵想話唔好聽到咁大聲啦..
點知...遮同唔遮係冇分別...一d聲都冇減少...
我就好自然慶架啦...咁我就係個心度講野咁講...
話: 姐姐丫...可唔可以唔好唱丫..我要訓覺, 聽晚我再聽你唱丫...
點知我講左呢一句...真係冇再唱..成晚都冇唱...咁ok啦..我就去訓..
第2晚...又差唔多時間....阿姐姐真係又唱過..超準時, 咁我今晚就聽耐少少啦..
因尋日講過話今晚聽佢唱架丫...聽聽下..又想去訓了..
跟住又同佢講, 我想訓了..明天再聽吧....之後又立即冇唱...
到第3晚...又係3點開始唱...咁我心諗..唔係辦法喎..晚晚都要聽佢唱到4點..
人到傻啦...咁我就又係個心度講...姐姐..唔得 架喎..我唔可以晚晚咁聽你唱歌..
你可唔可以唔唱丫? 講完後, 呢次佢冇停..仍然唱落去..咁我就好自然要call我大佬幫我擺平去..耶穌基督吧..因我是基督教的... 諗完一陣, 又向大佬報告了做細既俾人攪..
當我一講"阿們"時...把女聲以後都冇再出現過...真係講都唔信.... |
顯身卡
因為幻想既空間係無限大...
... 
你估我想見架咩...
