手竿的問題

我自己玩開假餌

但間中都會用極軟既手桿玩小物
釣味重啦

其實我家附近直博位比較少,而磯石位就多,所以先諗下用手竿作釣會唔會方便d
再加上手竿唔洗用攪,長時間渣住都唔覺太累
而我對象魚係黑立為主
如果誤中大物,明知上唔到條魚,又可以點樣保住枝竿呢? ...
pippenfan 發表於 2009-5-23 23:49

                               
登錄/註冊後可看大圖

偉兄手竿未必輕過前打竿、買竿切記節數不要太多５至６本最好‧開多幾支作比較、重心要好千其唔好太聚頭、如果唔係我第日就要叫你做（大隻佬偉師兄）啦！釣黑立為主硬調○Ｋ‧三四斤都沒問題‧鱸魚６–７斤都沒問題‧如中大物如要保住支竿可竿頭直指條鱼的方向‧等魚絲承受鱼之所有衝力、鱼絲超負荷就會斷絲收場＝你已輸了比條鱼喇

唔該哂龍哥同遊客哥解說
小弟對於手竿作釣都有d影像了,先來個謝謝,
希望遲下可以post魚獲喇

想請教... 如果粗絲掛底可以點做?
拉杆又怕會鎖炮..... 你地會點做呢?

龍師兄見笑啦，大家都係交流下，吹下水。

同意師兄所講，海釣適用的又要起到幾斤魚的手竿其實未必輕得過前打竿好多。雖則話前打多隻絞，多了哥百零個 gram。但現實中好多時，一支竿、或者叫一set 配了絞的竿，平衡感同重心對舒適度來得比自重更重要。自重愈後，楂得愈舒服。而一支竿的絞座位，通常都係楂手位之下、或之後。所以其實加了隻絞，反而會幫助整支竿的重心向後移，即係會楂得更舒服。而唔係加重負擔。

再者百零克，對人體來講，可以話微不足道的。一盒檸檬茶都有二百幾三百克啦。

對於一些平衡感較差，重心偏前的平價竿。有DIY 教人在尾塞位埋鉛。自重多左，但重心後左，反而楂得更舒服，就係一樣的道理。

阿偉兄如果覺得楂前打竿重，其實可以留意下會唔會係你套竿絞本身的重心問題。

見你係隔離區問shimano 支鱗夕彩落入，應該有興趣。 其實你所講的石邊位，我都會用前打玩，只要支竿線能及的範圍，用前竿定手竿玩都係無所謂的。

但我見而家很多人都落入竿當前打用，我個人係唔建議的。前打就係前打，針對竿先以下至稍出範圍吃餌精的立魚，但中魚後可能會入石或入那些所謂「肉種」消波椿，所以先調、竿先軟而腰挺。可以探測細微魚訊，亦可快速拔魚離石。落入竿就相反，靠魚絲鬆緊和目印睇魚訊，相對下竿先較硬而腰軟，用來當前打玩，實差少少。

shimano 的前打落入竿，自重一般高少少，相對如 nissin 的。但亦可以話佢條腰更強。買shimano 竿，我自己就會睇有 zoom 的，我用緊支舊版的鱗夕彩前打，4米幾zoom 5 米幾，zoom in 時比一般竿重心都後而好楂，zoom out 時就會重手少少。而我一般都係zoom in 用，因為4 米幾都夠。

14# zion1

呢個問題都幾難答，因為一般都唔建議用線 over 支竿，除非你要魚不要竿。

手竿的話，唯有慢慢帶下佢睇下甩唔甩到，或希望磨斷條線。

要保竿，但又要用粗線抗磨石或對附利口魚，就用粗子幼主，咁斷就最多都係斷主線。唔使炸竿lor。

原來係竿尾加鉛可以平衡支竿

以前淨識粗主幼子一味

學多樣 粗子幼主

粗子幼主lee個方法係就係好
不過只可以用係直感釣法
因為你如果一但掛底,唔會有人知道係會斷個電車結丫?定係會斷竿先結......
如斷既係竿先結的說,那你心愛的浮標就會隨著潮水既改變,比人帶返屋企....

龍師兄見笑啦，大家都係交流下，吹下水。

同意師兄所講，海釣適用的又要起到幾斤魚的手竿其實未必輕得過前打竿好多。雖則話前打多隻絞，多了哥百零個 gram。但現實中好多時，一支竿、或者叫一set 配了絞的竿， ...
遊客 發表於 2009-5-24 15:04

                               
登錄/註冊後可看大圖

4米幾好多位唔係幾夠用~我都諗緊入支長d但又驚重~

我之前用枝4.3m係磯石到打魚,感覺唔夠長,所以買左枝5.4m-6.0m番黎玩,加埋隻攪之後感覺比較重手...
所以就想試下手竿會唔會輕身d,話哂都無左隻攪.....
睇左你地d回復,下次試下係竿尾加幾粒鉛試下先!!