 釣左幾十年魚,對魚結下不解之緣,彼此間似有深仇大恨,攪個你死我活.忽然間,對魚卻有另一番感受及回憶,以供分享......
魚:
係我老豆升天前10年,佢已經無晒牙,但佢又唔食豆腐,所以屋企就每餐必有一魚.每年除左年卅晚至初三,每年就係咁食左最少三百六十一條魚.之後,就醒覺左一個小時候uncle既一個大話,就係佢話食魚唔會近視,因為猫食魚,所以從來都唔使帶眼鏡.
泥孟:
講起泥孟,最想試但又唔會去做既一件事---就係用薑去蒸,因為唔知係咪真係會臭猫屎味.細個果陣,成日聽阿媽講泥孟蒸唔熟,食左成肚生虫;大個後,聽過以前無線一位高層食左唔熟泥孟生左成肚虫而死.唔知幾時,開始學左台灣人叫臭肚.又記得讀小學果陣,係而家西貢差館對落海邊,水退時係d水氹仔會有泥孟係度,用手去捉,吉到飛起,個friend話痾篤屎就可以止痛,咁就即刻除左條褲fae落去….
雞泡:
另一樣好想試但又唔會去做既一件事,食雞泡.以前好憎雞泡,因為試過艇釣釣過過百條雞泡.但自從同東磯寶鑑去佢既私竇見佢連起幾口粗野,包括佢果條超級綠衣,而家有少少改觀,因為佢話要釣走晒的雞泡,d粗野就會繼續來….
牛廣:
一隻令我由開始磯釣就如痴如醉既魚.8-9年前,每逢星期六便幾乎入左去老愉,俾d斤頭磅頭牛廣仔爽到欲仙欲死.有一年匡湖居口2-4斤裝牛廣大咬,由白沙灣扒架艇仔去拖假餌.中左後,成隻艇仔拖住來行.第一次出南油,拖中條20斤,一瞬間,走左成百米絲,攪左20分都攪唔起,結果,筋疲力盡下,都係假手於人.
幽面:
初初玩磯,有位c兄話佢老婆淨係鍾意食幽面,唔鍾意冧蚌,當時心諗,你釣唔到啫掛,因為果陣時d幽面真係多到爆完又爆.但後來,我知佢無講大話,因為,我同我老婆都鍾意食幽面,但一樣鍾意黑毛.
沙鑕:
一樣我用來串人既魚.當有人話邊有魚釣架,咁我就話係咪我釣一條你食一條.我個仔5歲果陣,我已經帶佢去釣沙鑽,我只係幫佢穿餌同投出,咁佢自己就可以釣到返.所以以前我d同事話要釣魚,我就一定係帶佢地去玩哩一科,十拿十穩,從無失拖.魚神之名,就係果時來..哈哈. |
提升卡
置頂卡
沉默卡
喧囂卡
變色卡
千斤頂
顯身卡
樓主
