魚..我所欲也!

原帖由 東磯寶鑑 於 2007-6-30 10:46 發表

                               
登錄/註冊後可看大圖

每種魚講一篇,都有排講

係呀,得閒諗下又講dd.
哩條就係東磯寶鑑同大家一齊釣晒d雞泡之後中既超級大綠衣,當日仍仲有幾口白立同斷左口超勁赤立...老友,好野!

原帖由 JL-Crazy 於 2007-6-30 11:12 發表

                               
登錄/註冊後可看大圖

我都係鍾意聽呢 d，多過起大野o既過程

其實生活有好多瑣事,釣魚係其中一種,我地捱更抵夜,千山萬水咁同d魚你爭我奪已經好辛苦,所以,釣魚之餘,都係鍾情於小品一番,細水長流,回味無窮!
果然係"咩咩"(唔記得)都有知音人呀,多謝各位知音人呀!

原帖由 朱記 於 2007-6-30 11:46 發表

                               
登錄/註冊後可看大圖

其實生活有好多瑣事,釣魚係其中一種,我地捱更抵夜,千山萬水咁同d魚你爭我奪已經好辛苦,所以,釣魚之餘,都係鍾情於小品一番,細水長流,回味無窮!
果然係"咩咩"(唔記得)都有知音人呀,多謝各位知音人呀! ...

曹操都有知心友,我就聽過

哈哈！相信要豆晒朱大哥d精彩小品出來，無十零廿支bb 起步都幾難law！

**************
*  P A R T    I I    *
**************
[2007年7月1日]
釘公:
而家西貢翠塘一帶係填海填返來，讀小學果陣，有個同學係果處Ｄ海邊Ｄ木屋住，佢隔籬屋就係以前係西貢墟推架鐵車仔賣紅當當老味雞腳既阿叔。以前讀書屋企無咩錢俾，所以好多時都走去＂痴＂Ｄ老味食。咁以前都已經知無免費午餐哩回事，所以返學前（讀下午班），就同個同學攞副２磅仔手牌拍Ｄ水＂甲由＂就係海邊釣Ｄ釘公俾阿叔蒸同煲湯。以物換物。有得玩，有得食。
油追
我從來未攞過一條油追返屋企煮，一來我好驚Ｄ一條條會郁既野，二來我老婆唔鍾意食，早期釣親，都係發癲咁撻到佢血肉蕪糊為止，後來當然剪絲放生。８５至９０年間，係我艇釣既黃金時期。果陣個艇佬，每次釣到油追，都話轉位，因為佢話有油追係無魚釣既，就算後來佢講左果事實我知點解一定要轉位，有油追係無魚釣哩個觀念到而家都仲係我腦海度。事緣有一次，艇佬係長咀釣到條油追，返去當開後，發現條油追肚度有Ｄ頭髮。因為油追係食腐爛物，所以有油追咁海底就可能有。。。。，８０年代以前西貢一帶海域係游水偷渡勝地，每年都有多次腐物報告。所以，艇佬唔想撞到正，咁就轉位啦。
鬼頭刀
近期出南油，無論去或回程，都會一早掘起身，然後走去船尾放長線拖鬼頭刀。因為一個人係船尾怕死跌落海，所以我一定著住件救生衣。而哩件救生衣，係我老婆批出來既ＰＥＲＭＩＴ：＂唔著救生衣，唔准去南油＂。一個人係船尾望住條百幾米長既ＰＥ，於清晨既海風中，別有一番滋味。幻象似的希望，再加上突如其來既一兩聲＂啫，啫啫，啫。。。。＂既磅頂出絲聲。出南油，就係要哩種感受同享受。
梳蘿
每次釣完魚上到碼頭，我都會望下有無Ｄ衣著唔係咁光鮮既婆仔，問下佢地要唔要Ｄ魚攞返去食。細個果陣成日同阿媽去街市買菜，好多時見Ｄ婆仔只可用一兩蚊買Ｄ梳蘿同廉米等魚仔返去蒸來食。佢地真係好赤貧，一餐送只可用十蚊八蚊。想食魚，就唯有咁。但後來，哩Ｄ赤貧婆婆唔知去晒邊，只係見Ｄ富婆仔係公園天下圍攻。
大眼倉
１０年前，麻南芴遊艇會未係Ｄ啹喀兵做看更果陣，我成日入去玩手絲。第一次係浮橋的燈光下見到Ｄ手板細既大眼倉時，點釣都釣唔到果份衝動感，到而家仍然記得。漆黑既仲夏夜，一個人趴係條浮橋度，掘左成個頭出去，攞住條手絲點左擺右擺，都係睇住Ｄ大眼倉係度吹佢唔漲。

原帖由 鄧波比 於 2007-7-1 01:50 發表

                               
登錄/註冊後可看大圖

哈哈！相信要豆晒朱大哥d精彩小品出來，無十零廿支bb 起步都幾難law！

波比兄,你既事蹟,我地都係要洗耳恭聽啦.哈哈

一段段令人回味的體驗...........
每個令人動容的回憶........
令人感到生存在世的妙趣......

朱記....你見証咗釣界好多魚種的興衰，好似釘公和幽面依傢已經唔易釣到，不過我都好鍾意雞泡，釣到佢地成日都有運行。

真係好正呀，樓主
(電台有得點唱)，唔知我可唔可以貪心d，想點講呢

想聽下釣魚界o既傳聞，好似話個個碼頭，都會有一條巨物在碼頭底果 d 呢

期待更多你的釣魚故仔