小C妹係本網新手~請問有冇人玩緊海葵同小丑魚共生呢？~

近期愛上左玩EGI，順便睇下本網其他板~搵到呢度真開心~因為我都有養緊鹹水魚~
大約半年咋~事源幾個月前當大潮退仲係響日抖既時候，我成日都去掘蜆既地方捉野尼養~
有槍蝦、各種蟹仔、水母、各種魚仔、海星及多款海洋生物等等~(太多講唔哂)
而家就養緊藍吊 X 1、坦克(類似木盒) X 2、木盒 X 2、雞泡 X 2 、火鳥 X 1、小丑X 2、黑武士 X 2同奶咀葵X 2 ~
睇住4條小丑係咁玩海葵，真係我又開心佢地又開心呀~
不過我仲係超新手，希望有養呢D野既各位C兄C姐交流下，點養先會養得好D啦~
遲D先分享下我寵物既相相啦~因為.......而家好眼訓喇~嘻嘻~

木盒，牛角，坦克呢類，最好唔好養，一死會放毒，到時反缸，同埋唔見議四圍拾野養，好易帶咗d病毒入缸

生物缸，玩海葵，蟹仔、水母、海星

木盒，牛角，坦克呢類，最好唔好養，一死會放毒，到時反缸，同埋唔見議四圍拾野養，好易帶咗d病毒入缸 ...
萬寶路 發表於 2010-12-28 11:06

                               
登錄/註冊後可看大圖

放心啦C兄，我知道佢地係會放毒架，所以有哂心理準備架喇..... 不過佢地個樣實在太得意喇！所以我就買下一隻，買下又一隻咁.....嘻嘻~
我都知會帶病毒入缸，不過其實響魚店買既咪一樣有病毒......我反而覺得自己去玩，見到邊隻捉到邊隻再揀d合眼緣既尼養，咁樣好似係緣份咁，
因為個海咁大都比你搵到佢仲要捉到添！~而魚街買既就冇呢種緣份既感覺喇~
同埋魚街冇咁多品種比你揀......我捉尼養o個D生物十樣有9樣魚街都冇得賣架.....所以.....
點都好，多謝C兄你提醒我呀~~~

生物缸，玩海葵，蟹仔、水母、海星
michaelws501 發表於 2010-12-28 11:12

                               
登錄/註冊後可看大圖

C兄養葵唔養埋小丑魚？睇佢地共生好得意架~
水母好難養呀.....你係全部野養響同一個缸？D蟹唔會搞水母同葵咩？

我初玩果時都係玩RT缸，又要用鹵仔燈又要用水冷，佢地就舒服，我屋企人就投訴，後尾覺得好煩，跟手轉玩FOT齋養魚，早二年一次突然轉凍，落唔切暖管，一晚之間缸水跌咗成十度有多，d魚收晒口，救咗幾日，睇住一條一條歸西，冇晒心機，心灰意冷，送晒比人，連d架生60吋缸一次過送晒

放心啦C兄，我知道佢地係會放毒架，所以有哂心理準備架喇..... 不過佢地個樣實在太得意喇！所以我就 ...
yuko 發表於 2010-12-28 11:27

                               
登錄/註冊後可看大圖

    點都好，買同捉都最好搵個醫生缸養幾日先，睇清楚冇問題先放入主缸！

我依家都唔養葵，試過兩次隻葵自己走去過做流度!!!!! 差d 返缸!!!!

我初玩果時都係玩RT缸，又要用鹵仔燈又要用水冷，佢地就舒服，我屋企人就投訴，後尾覺得好煩，跟手轉玩FOT ...
萬寶路 發表於 2010-12-28 13:22

                               
登錄/註冊後可看大圖

呀.....好慘呀....我都試過d魚係咁病、接住死.....醫極都唔斷尾......好難過又心灰意冷架真係.....
不過我鍾意既程度係隔一排又會玩返~嘻嘻~因為養魚其實好有挑戰性架~睇住佢地游來游去又好開心~

點都好，買同捉都最好搵個醫生缸養幾日先，睇清楚冇問題先放入主缸！ ...
萬寶路 發表於 2010-12-28 13:25

                               
登錄/註冊後可看大圖

唉.....我冇醫生缸架.....因為係哎左媽咪好耐好耐先比我養缸16"缸仔咋.......
但我每天都好留意我所有寵物既健康~所以so far咁耐都未試過有咩大問題，最嚴重o個次都係死左2、3條魚....