比賽場地簡介及策略

今屆路亞賽將於鹿頸雞谷樹下村"金門海釣場"進行,
相信有唔少釣友都去玩過,
此管理場有一特色,共有六個塘可以作釣,
三個咸水塘及三個淡水塘,
一般咸水塘會放養青班,盲鰽,黃鱲倉,紅鮋,星鱸,包公及其他雜魚,
至於淡水塘則有放養生魚,塘蚤及羅菲,
本屆比賽釣區範圍極有可能會包括六個塘,
此管理場亦不會限制使用何種假餌,
任何類型大小軟硬路亞產品皆可使用!!

現時咸水塘嘅狀態...
於塘邊位置底部放置有障礙物,
而塘底有不少水草生長,
以上兩個情況都屬於標點之一,
塘中亦無放置水泵設備,
但有抽水設備抽取新鮮海水入塘,
比賽當日,現場係會有其他釣客於相同範圍作釣,
不過其中一賽區(咸水塘)係我地比賽用,

現時淡水塘嘅狀態...
三個淡水塘內,羅菲數量不少,
若最後決定比賽會包括淡水塘,
羅菲亦有可能包括在認可魚獲之內,
但處於秋涼季節,用路亞釣食性可能較差,
呢點大家要注意!!
至於環境方面,就較天然,四面雜草較多,
但無人工放置的標點,夏天時水面水藻較多,
對於生魚係不錯標點,但最近已少左好多藻,
到比賽時,塘主會否放入其他淡水魚,
現正商討了解中...

比賽策略...
基於分三區取分制,
如能順利三區都取得魚獲,進入Team A,係最有爭勝機會,
正常黎講,比賽一開始就應盡量到各釣區的各個塘,
盡快了解標點及探索魚群集地方,
上半場把握於三區都上到最基本條數,
若夠成功打底,下半場就選擇有把握的位置增取條數,
如只能兩區中魚,下半場就應主攻一區,
我地亦會於中場用膳時間馬上公報上半場賽果供大家參考,
俾大家及時調整策略!!

各位可以因應以上資料,調整自己比賽時的方案!!