灘釣新手一問 請指教

......之前sydney兄話澳洲一般灘投會用2oz~8oz鉛左右  如果要用到8oz... 咪即係要用到成90kg 既力線cart2world 發表於 2010-10-31 10:00

                               
登錄/註冊後可看大圖

2oz~8oz 係一個大約數姐，如果你枝竿負重冇咁勁，用咁重鉛盞炸竿。又或者冇d老外咁大隻，加埋魚餌釣組之後，根本要dum出去都好難，莫講話遠。
我建議可以因應你枝竿，試試 2~3安士鉛先，上到 4oz+ 已經好重。

P.S. 我所見的formula好似是以磅計，i.e.，4oz鉛要用 (4 x 10lb + 10lb)= 50lb 力線。同其他師兄的有少少唔同，唔知一般用邊種計法多。

好求其咁砌番出來，影左相，你睇下睇唔睇得明啦。

由右至左：pe 主線，1m leader，遊動三叉 (三叉下應該接2m 捨棄線，未接)，star sinker/snapper sinker，1m 威也，子母鉤。

捨棄線其實即是乜線都得，但要幼過釣組上的，預你在粒鉛kick 石時拉斷。

加leader 的用意：對像為 1m size 的鯊魚，鯊魚除了牙之外，個身也好「鞋」，pe 主線如果磨到佢個身或尾會好易斷！1m 威也 + 1m leader 就有2m，對像為1m 的鯊魚時，就可以避免pe 被佢個身或條尾磨斷。

但其實爆叔設呢版的原意係講灘釣嫁，所以小弟唔再多講啦。如果你想釣鯊魚，應該去綜合區或石鯛區問會好d。

照你咁講即係 當我未拋竿果陣 條力線係會係個絞入面   但係每加1 oz既鉛 條線就要粗好多  (10KG)  即係成22bl嫁喇wo...  咁會唔會對遠投有好大影響...?  
cart2world 發表於 2010-10-30 11:26

                               
登錄/註冊後可看大圖

又討論吓力線長度問題。
其實力線係越短越好，因為力線咁粗，同導環的磨擦力相對較大，過長會影響拋投距離。

力線需要幾長，要睇你用乜野拋投法。
如果你用pendulum cast：一般玩pendulum cast 的話，在胸前持竿準備時，以竿尖向天計，鉛會垂到約眼平高度。這時力線線尾應在攪內繞着5~6圏左右，只要是投出時主絲不會受力就足夠了。所以力線長度約要 2 x 竿長多一點，按需要增減。

如果你玩普通overhead/off the ground casting，一般鉛冇dum得咁低，可能在胸前持竿準備時，竿尖向天計，鉛只會比竿尖低2~3呎，咁力線會相應可以短一點，只要仍然保持這時力線線尾應在攪內繞着5~6圏左右便足夠。如果你枝竿比較長，咁力線長度同玩pendulum cast時就會有相當分別。

其實例如力線要在攪內繞3~4圏、定係7~8圏先得，都係睇情況。釣魚好多時冇絶對o既準則，各師各法。自己覺得適合就okay了。

岩岩打完好多字HANG 左無晒。

講番灘釣，首先樓主師兄你有無真係係Brisbane 附近釣過魚？或至少有無到過釣場沙灘睇下？其實你應該先諗下幾樣野：釣法、釣場、對像魚...

好似你之前所講，想玩「灘釣」，但又想釣到「鯊魚」.......咁樣的話單單係呢個網的分類上，可能已跨左幾個區。

例如你想玩日式哥種「灘釣」，用天秤鉛，用意係唔想有多門鉤的釣組纏到主線，又可投得遠，因為餌輕，只集中用鉛的重量飛出去。

但釣大野時，用餌講緊係整條活魚、或半條死魚落，可以講口餌分分鐘仲重過你個天秤鉛，而且釣組只會有一門子線，咁仲有無需要用到天秤鉛呢？而且，當口餌同鉛有兩個重量一齊飛出時，多數會係空中打轉的，唔會係好似「灘釣」哥種咁順的方法飛出去的。


約場：如果你有睇開D 雜誌，係澳洲講緊的 SURF FISHING 往往都係 high energy surf，即哥d 大風大浪，打到白晒哥隻。南澳、new south walse 的，多數係呢種。

但 Brisbane.......Brisbane 整個地區都被 Moreton Bay 包圍，相比之下，所有位都算係極之風平浪靜的大內灣。

要有 High energy surf，你一係要南下落到gold coast，一係要北上去到sunshine coast，或搭船出離島，如下：





所以單單係沙灘，唔同energy 的環境，對所有要求都已經好大分別。

就以上圖哥種 high energy beach，要用死餌做灘釣，就真正係sydney 師兄講到用緊幾多幾多oz 鉛，成條沙甸，gang hook，釣tailor.......哥種環境。但就絕對唔岩日式哥種「灘釣」玩。一來這些位沙鑽本身唔多，風、浪、湧太大了，這些位是釣 pelagic "迴遊魚" 的。二來沙鑽哥種灘釣釣具，去到只會顯得太輕巧，唔好講感唔感覺得你條沙蟲有無被魚吃，單單投出去後，你條蟲可似keep 到幾多秒唔比水流沖甩都已成問題。

以下呢d 幽面係我係上面的沙灘釣到，當然我都有開大竿打沉底，但比較重型偏向似打石鯛.....所以唔係呢版講啦。

我只係用緊七尺的假餌竿，pe主線，有用最簡單的中通鉛釣組釣真餌，也有用鐵板假餌。

風、浪、和流都太大。要釣魚仔，這時用幼主線，及個人要跟住口餌走，是重點。唔好諗「定點置底」、或灘釣哥種手法，這些環境跟本係定唔住的，唔知要用到幾多oz 鉛，鉛一重，魚仔就唔食餌，或感覺唔到，好難釣。





相反，係　Ｍoreton Bay 入面哥種大內灣位，因 Brisbane River 排出太多泥，對出全是泥底多的。反而岸邊，就有沙石底，而魚就係幾十米的範圍內，就算好淺水，一尺水，都會有沙鑽，你投出百幾米，反而才無魚。釣又近又淺水的魚，又有另一種方法，如果用天秤鉛，一掉落去，就嚇走了。

所以叫你先去釣下，實地睇下，係咁解。唔係下下要跟足另一個地方的某一種釣法玩，有時可能唔太適合。

兩三年前我都迷過台灣哥種「浮游灘釣」，即用浮波、誘餌籠，磯釣哥種方法，但用係沙灘中。效果都係麻麻，始終唔及本地的、簡單的方法好。

好求其咁砌番出來，影左相，你睇下睇唔睇得明啦。

由右至左：pe 主線，1m leader，遊動三叉 (三叉下應該接 ...
遊客 發表於 2010-10-31 18:21

                               
登錄/註冊後可看大圖

唔該晒C兄你咁詳盡既解釋~~ 條leader上面果粒係擋珠定係太空豆黎嫁??? 另外個遊動三叉係BCF到買?  平時好似唔多覺眼= =

其實我平時釣魚唔係南下就北上  北面最遠去過Noosa Heads 南面就Byron bay 正常一個禮拜去1~2次   放假可能會去2~4次左右  不過真正灘釣淨係試過2次  一次係GS 一次去到Byron bay  不過就用我果枝普通路亞竿= =
其實灘釣係咪一定要沉底?  可唔可好似我第1頁果張圖咁玩呢  咁樣好似 多d選擇bo
c兄張相係咪 north stradbroke island ?  我都去過釣  都釣到幾條  不過釣釣下見到海豚游埋黎  就已經準備執野走
c兄知唔合邊到有得買生餌   搵左好耐都搵唔到/_\

回復 21# sydney

嗯... 唔該晒SYDNEY既建議  用幾重鉛我會慢慢摸索嫁喇  咁你係用4oz鉛要用 (4 x 10lb + 10lb)= 50lb 力線  呢種方式? 有冇試過斷呀?
因為我諗住上60bl  pe線  咁仲洗唔洗加條力線
我上網睇d西人玩pendulum cast  佢地既方法係好似c兄你所講  竿尖向天  但係我見 leoncody2639 既教學入面見佢係向地下
其實2者有冇分別? 係咪向地果隻要大d既空間呢 定係關遠近事   如果照leoncody2639 兄既教學既話條力線咪可以短d lor @@

無生餌賣，要自己捉。

回復 27# 遊客


    好多謝 遊客 師兄 及前版主 sydney 熱心解答

回復 22# 遊客


請問  個遊動三叉係咪要自己整嫁?  我今日行BCF見唔到有得賣...