第二屆路亞賽謝言及下屆展望

小弟十分感謝今屆路亞賽給予支持參加的各位網友,
對於今次比賽的報名情況,初初實在有D擔心,
因報名人數實在與預期有幾大的出入,
好在最後都有19名網友支持,賽事亦得以順利進行,
我地亦不太想花時間去想為何參賽情況不能達到預期,
或許存在有好多原因...
費用...
釣點不夠吸引力...
無獎品...
新的賽制...等等...
無論如何都好,辦一場比賽都係有點吃力不討好,
特別係我等無乜資源的機構,
我地亦唔係只為比賽而攪比賽,
最少比較值得嘅係...吸引到一D新手參與,
有你地嘅參與,已經令比賽充滿意義,

昨日賽事,有一點係比較無奈情況出現,
事因塘主於比賽初段時間突然放魚,而且係石斑,
令到有選手可以於腳邊較近位置攻擊誘騙目標魚,
當然...我地係有商討及留意情況發展,
對於任何比賽亦係有不可預期及難以完美嘅情況,
小弟在此希望各位多多包涵諒解!!

可喜嘅係...三位得獎者都係能夠進入第一組分數,
獲獎係實至名歸,魚獲係真正覆蓋到三個區域,
昨日C賽區實在係非常難釣,下半場大家亦非常努力,
亦只得4名選手能夠三區都有魚獲嘅...

今屆比賽玩的賽制,我個人覺得係較有挑戰性,更具競賽味道,
對於新手黎講就可能難度高左D,
來年下一屆賽事,會否沿用此賽制暫時仍未能決定,
要睇選擇的釣場而定...
但有一點可以肯定,就盡量會思考競賽的趣味性為主導,
為鼓勵更多新手投入比賽活動,
我地積極考慮更入Junior組別,
亦會有獨立獎牌以作鼓勵,
詳情論留意下一屆賽事細則!!