11月10日西水無斑之旅

11月10日,3個同事包船東涌出發,沿大嶼山去分流,一路釣,一路睇白海豚打水,上半場悶到蝦都死埋,細蝦大蝦都唔多受歡迎,得船家起條絲立,我起兩條黃腳立,加埋d什魚都唔夠2斤,生意淡薄就食個排骨飯,又有水警黎查牌,攪完都2點,又同佢死過,轉一轉位我釣死蝦,口餌落水唔夠3秒就炆住走,我全程用廿磅粗絲,玩力的表現,用暴力扯上黎,牙點一條,開始左半小時,個個都叫拎撈基,個個都起牙點,黃腳立,連我同事落左副絲行去船尾柯尿,副絲都扯住走,幫佢扯上黎,又係黃腳立,我同事用幼絲,突然間話好重,係咁扯落船底,船家即刻叫佢唔好鬥力,仲搖住魯就住佢,一上水,黑炆炆既,原來係噴水細鱗,少見,船家話十幾蚊一兩,唔知真定假,過左陣又靜晒,到臨收工船家突然叫拎撈基,上水原來係條黑沙,今日冇斑釣到,黃腳就個個有份上,冇咩什魚,十幾條黃腳,4條牙點,1黑沙,1噴水細鱗,過到手癮,我發現原來用蝦肉釣黃腳得食過用生蝦仔架,臨走趕車,冇影大合照

牙點仔

手震ing

32cm黃腳立,好肥

噴水細鱗

船家釣既黑沙

大魚獎,噴水細鱗,大黑沙

同事拎既魚獲

黃腳d牙都好勁架

肥嘟嘟,成肚春

大黃腳魚春,半邊都大隻過雞翼

豉汁蒸黃腳立

nice catches

好掂！:pp8

D魚春好好味咁喎
師兄

由生到熟,越睇越肚餓

好好收穫啊, 弓起晒

噴水細鱗係咪即係鐵鱗？

相中咁多條鐵鱗最難食

嘩, 條黃腳肥到....................., 一定好好味

弓喜師兄! 好肥喎......