第一屆前打賽相片及花絮報導

今次係魚樂網第一次舉辦嘅前打賽,
相信亦係香港第一次嘅前打賽,
所以別具意義...
集合當晚都有少少擔心...
入到比賽地點"坪洲"會太大風,
亦預備另一方案,如果環境真係唔理想,
就頭班船返中環繼續比賽,
既來之則安之,人齊夠鐘後就齊齊上船出發,

經過短短嘅航程...好快就到左坪洲,

天氣狀況又幾好喎,無乜風仲有D熱...

因為要兼顧最初訂下嘅目標魚未必好有把握,
所以將"笛鯛科"及"石鱸科"魚種都歸納入比賽魚種,
經過簡單講解及分派用品,大家亦逐一開竿準備比賽,

比賽初期其實並無特別驚喜情形出現,
雖然好快都有參賽者中魚,不過都係"火點仔",
直至開賽兩三小時後,開始有人中鱲及知道中了魚獲斷絲,
其實晚間作賽真係幾辛苦,精神要好集中,又特別傷神,
我地幾位工作人員當晚係準備左打邊爐,
諗住會天寒地凍,為自己補給亦為各位選手補給一吓,
不過晚間實在好溫暖,攪到成4點幾先有意慾開始食野,

喺呢個時候,傳來好消息,已經有人中左非常理想嘅目標魚獲,
對大家實在係非常大嘅鼓舞,其間亦有其他選手上到可接受魚獲,
因今次比賽係以數量取勝,勤力作釣係最重要因素,
我地亦知道大家日間工作應該好辛苦,
不過大家整晚同我地一樣都係咁走來走去...
好快天亦開始放光,意味著整個比賽最重要時段天光水要開始,

見到大家好努力作最後沖刺,
有不少釣手喺呢個時間選擇大利橋及島作為最後取分地點,
我亦跟上去睇睇個環境如何,
起初大家都係分散於不同作落,
直至有人中魚,情況就馬上改變,
大家會集中埋一齊攻擊同一範圍,
中魚聲此起彼落...眼見已有人領先了,
我地就返回直駁位置睇睇其他釣手情況,
原來Alex亦已有6條魚獲在手,
與橋上領先者一樣,
直至早上8時正,比賽正式結束,
我地記錄成績後,發現同分者眾,
經商議後...決定同分者以釣到鱲魚者為勝出,
整個比賽,實在好多謝天公做美,
有個咁好嘅天氣配合...
另一樣就係,晚間時間無發生任何危險意外,
雖然魚獲並未如我地預計一樣,
但係能順利完成一場前打比賽,殊不容易,
十分感謝大家的支持及包容,
吸收左今屆經驗,期望下一屆可以辦得更加出色!!
少少比賽現場相片分享!!

做咩咁多人變左fit妖

做咩咁多人變左fit妖
zac11164 發表於 2010-11-15 12:44

                               
登錄/註冊後可看大圖

只係得一個工作人員負責Fit墨俾我地打邊爐
其他人全部係參賽選手

想當年...我第一條四斤牛屎...就係呢樹起架啦...

又凍又餓好彩有得打邊爐咋！
食完成身暖晒！
多謝晒樑總隻墨！
多謝晒呀峰個煲！
多謝晒冰火美食！
多謝爆叔舉辦比賽！

今日成身肌肉酸痛= =

今日成身肌肉酸痛= =
ben_chow 發表於 2010-11-15 13:20

                               
登錄/註冊後可看大圖

我尋日攰到直情想死

好似幾好玩喎, 有得釣魚, 又有得打邊爐

今日成身肌肉酸痛= =
ben_chow 發表於 2010-11-15 13:20

                               
登錄/註冊後可看大圖

幾痛都抵啦！咁大條立！

我尋日攰到直情想死
naobao 發表於 2010-11-15 13:38

                               
登錄/註冊後可看大圖

我都昏迷左一個星期日！