一點感想..

laiben · 發表於 4/3/2008 10:49:56

自從我上了第一條佬後, 見到我既破處地一星期七晚晚晚被爆, 好擔心唔知呢個釣場幾時會死亡.

去年夏天第一次玩臭臭, 雖然好臭, 不過成條河只有我同另外兩個同行釣友, 感筧很爽, 釣完仲可以去上水好出名既廣成嘆個下午茶. 估唔到而家已變成人山人海, 仲有人chok 魚..

狗狗碼頭呢.. 我第一,二次踏足時釣況不錯, 果時七小褔仲未出世. Fit 左個幾鐘後有人提議傳位, 雖然大家都中到魷, 但都冇異議, 因為其實大家都知道一個釣場你爆得佢多, 遲早玩完. 結果呢個狗狗碼頭公開後, 聽聞現在已幾乎變成零生物..

如果大家都唔比個釣場休息, 就算all released, 最後只會大家都冇得玩. 又或者各位師兄見到咁環境, 就唔會再係呢度同大家分享釣行 (要知道呢個網除左站友仲有好多其他人睇的, 包括唔係玩假餌果 d 都會去用生餌釣埋一份)

有感而發, 不喜勿插.

蝦頭 · 發表於 4/3/2008 10:57:02

好贊同你嘅睇法....好似以前沙田有條大渠口...一到立季有好多立釣

..不過自從公開左之後..好多人一家大細去殺d立一家大細.

.結果個場死左...唉一個好釣場咁就冇左...

~LEO~ · 發表於 4/3/2008 10:57:43

香港依家多人釣魚~但係真係有魚釣又方便gei地方可能只得果幾個

~所以咪會咁lor~

naobao · 發表於 4/3/2008 11:26:28

我個人意見覺得...
短時間內同一地點多人去玩...釣點就一定會出現疲勞現象,
無錯...就算大部份人都係C&R都會令到釣果泠清...
其實呢樣都唔係最大問題...
基本生態無破壞,繁殖基群無滅族,環境無污染...先至重要...
我地目標又唔係淨係得果一佰幾拾條魚或魷,
年年有繁殖就有新魚新魷...就有得釣...
泠清左自然就小人去玩,
呢個只係正常自然循環黎啫...
無魚並唔一定係俾人玩得多,仲有其他種種原因...
要擔心嘅就只係...影響水底生態嘅種種問題...
可惡嘅就只係...果D大小通吃,大攞特攞斷種滅族人士...

**備註**
1)臭河chok魚,一路以黎都有,並唔係最近嘅事,同最近帖子無關!!
2)有時雖然無公開釣點,但若有釣友不斷咁去同一個私人秘點作釣,
結果都會係一樣,所以問題並不單一由公開分享釣點引起!!

arcticwind · 發表於 4/3/2008 12:09:25

我相信樓主並唔反對分享釣點及釣獲既喜悅, 只係想借依個機會帶出一個信息: 比釣場休息既重要性.

其實開發新釣場係一種樂趣, 成功感並非一般中魚可比

希望其他師兄都認同我既睇法, 多找新位, 令每次釣行好似探險一樣充滿新鮮感.

其實依家網上世界有甘多好工具, 例如google map, 中圓地圖等等, 發掘新位並唔係難事.

naobao · 發表於 4/3/2008 12:15:39

原帖由 arcticwind 於 2008-3-4 12:09 發表

 登錄/註冊後可看大圖

我相信樓主並唔反對分享釣點及釣獲既喜悅, 只係想借依個機會帶出一個信息: 比釣場休息既重要性.
其實開發新釣場係一種樂趣, 成功感並非一般中魚可比
希望其他師兄都認同我既睇法, 多找新位, 令每次釣行 ...

絕對同意!!

anglerboh · 發表於 4/3/2008 13:26:30

係香港釣魚就係咁啦..地少人多
而家仲邊有什麼秘位唔秘位吖

今日post張相出黎..聽日個釣點可以已經企滿人啦

naobao · 發表於 4/3/2008 13:42:23

不過喺感嘆呢種情況之餘...
我覺得應該好似湯記所講,
大家要有開拓嘅精神...

只係感慨又有咩野用??

RGiggs · 發表於 4/3/2008 13:45:25

>>> 其實開發新釣場係一種樂趣, 成功感並非一般中魚可比

非常同意!
但係好多人都只會去返自己中過既地方,
或者收風知道邊度有就去,
而缺乏左思考下唸情況、咩月份、咩天氣、咩流水會係咩地方有咩野釣!

naobao · 發表於 4/3/2008 13:52:46

原帖由 RGiggs 於 2008-3-4 13:45 發表

 登錄/註冊後可看大圖

>>> 其實開發新釣場係一種樂趣, 成功感並非一般中魚可比

非常同意!
但係好多人都只會去返自己中過既地方,
或者收風知道邊度有就去,
而缺乏左思考下唸情況、咩月份、咩天氣、咩流水會係咩地方有咩野釣! ...

好意見!!!

一點感想..

評分

回復 5# 的帖子