鯛

其實鯛系咪指一切品種既立?定系成年既立?赤立

打鯛系咪一定指前打?
石鯛系一種釣法 定系 魚種?

系咪因為立魚精口先至比人歸納出一種獨特釣法?

多謝解答

回復 1# chanqq


    [疑問] 鯛

                               
登錄/註冊後可看大圖

其實鯛系咪指一切品種既立? 可以咁講 鯛即係鱲  黃腳 赤鱲 黑沙 牛屎等...... 定系成年既立?赤立 唔係 打鯛系咪一定指前打? 無錯 石鯛系一種釣法 定系 魚種? 石鯛係一種魚 打石鯛係一種釣法 系咪因為立魚精口先至比人歸納出一種獨特釣法? 釣鱲有好多種釣法 磯釣 前打 投釣 假餌等...... 釣法只係個人喜好 目標魚可以係鱲 又可以唔係 唔同場 用唔同釣法 一樣可以釣到鱲 但會有唔同效果 多謝解答 唔洗 有錯請更正

石鯛系咪個嘴似鸚鵡,d牙好利 果種?
學名系咩?
算吾算系立類?

回復 3# chanqq


        http://www.fishinghk.com/forum/viewthread.php?tid=97777&highlight=%E7%9F%B3%E9%AF%9B
http://www.fishinghk.com/forum/viewthread.php?tid=25369&highlight=%E7%9F%B3%E9%AF%9B
石鯛有兩種
斑點石鯛 學名 Oplegnathus punctatus　
橫紋石鯛 學名 Oplegnathus fasciatus　


唔係鱲

參考用
http://zh.wikipedia.org/zh/%E9%B1%B8%E4%BA%9E%E7%9B%AE

鯛主要係魚既分類鱸亞目入面某d魚既稱呼
但係包括黑鯛石鯛等等所屬既科
鱸亞目下已經有18個以鯛為名既科

而即使科名唔係以鯛為名
甚至唔係鱸亞目既魚
亦有部份被名為鯛或鱲（俗名）
跟據唔同科既分類
所謂既鯛外表都會唔一樣

「正式」既鯛一般係指「鯛科」屬下既魚
http://zh.wikipedia.org/zh/%E9%AF%9B%E7%A7%91
包括黑鱲/白鱲/牛屎/黃腳/赤鱲磯釣比賽所接受既鯛科魚亦都係指依D
「石鯛」（石金鼓）樓上有提到並非鯛科而係「石鯛科」
但石鯛科係同鯛科同屬鱸亞目

而冧蚌（黑毛/尾長,口太）則屬鱸形目既舵魚科
舵魚科入面亦有魚被稱為「鱲」
又好似香港人所講既「油鱲」亦都唔係鯛科
而呢d魚自然唔係所謂「正宗既鱲」勒

釣魚時提到既鯛係日文單字傳用
所指主要亦係「鯛科（タイ科）」既對像魚
一般指黑鯛（クロダイ、黑鱲，磯釣等釣法主要對像魚）
真鯛（マダイ、赤鱲）亦都係鯛科對像魚之一
石鯛（イシダイ）則會特別寫明

另外日文亦有非「鯛科」甚至係鱸形目（スズキ目）/鱸亞目（スズキ亜目）以外既魚
而被命名為「××鯛」（××ダイ）既情況
比如係キンメダイ（金目鯛）佢同香港人所調大眼雞/木棉樣係類似但唔同屬
有時會被稱為日本大眼雞
詳細可以參考日文維基
http://ja.wikipedia.org/wiki/%E3 ... E.E4.BB.A5.E5.A4.96


PS
日文對同一種魚既稱呼
會隨地點（所謂唔同鄉下，即係類似中港台唔同俗名）
甚至係魚成長到唔同大細而唔同名
而會出現後者情況既叫做「出世魚」
http://ja.wikipedia.org/wiki/%E5%87%BA%E4%B8%96%E9%AD%9A

日文既鱸（スズキ）指海鱸
通常釣魚對像魚黎講會稱為sea bass（シーバス）
スズキ亦都係「出世魚」既其中一種
體形較細時會稱為「セイゴ」（但關東關西標準有唔同）

獲益良多..感謝