原帖由 leoncody2639 於 2008-3-31 23:53 發表
聲名:
首先可能大家搞錯左我的意,我講ge外國灘投,玩魔鬼,玩鯊魚,只是想做個誇張比喻,我冇話過投竿要拿來釣巨物,我所講的意思係,灘投都有一斤至五斤size魚誤中,除非你專登去玩,而且我沒有話要灘釣釣巨物,(也沒有話過 ...
十狂師兄,其實你自己都知,釣怪獸就算係無心撞到,後果都係可大可小,
雖然只係網上言論,我都希望各位都要慎言!!!
你都知,你老人家已經上過釣魚雜誌,人家新手真係會當你偶像咁睇,好容易令人誤解!!
雜誌唔同網上世界,唔係單向....就算你講得唔啱聽,人地最多唔買,
但網上世界係有互動性,一不小心,就好容易鬧得不愉快,切記!!
係灘投中到果D幾斤魚並非怪獸,只係濕濕碎,用投竿玩亦無妨,
如果你要同各位分享拋投技巧,呢點係好值得欣賞!!
我亦知呢排你好努力咁去搵咁多關於投釣嘅資料俾大家睇,
亦親身去嘗試去實驗一D釣組嘅效果....
其實我好明白你喺咁多個帖入面想傳遞咩野信息!!
"投"係用竿釣之始,呢點網上好多好多師兄都非常非常清楚....
唔需要再花時間去解釋....去證明.....
我或者用管理網站人嘅角度去講吓,
每一個釣法版區嘅設立,
最主係俾到大家好專門咁去探討一種喺香港現時可行嘅釣法,
當然中間一定有D技術性嘅野,係可能會重疊,亦可能同出一轍....
探本求源固然重要,釣魚發展史喎,個個都中意聽,
不過呢個時候....應該係面向前面,盡量將多D專門釣法喺本地好好推廣,
先吸收人地,再從中創自我先係....呢個就係我開唔同版嘅原意!!
就算我知香港好少人玩Fly...我一樣支持開此版!!
如果凡事都攪到混淆不清,就失卻釣法專版嘅原意,
大可好似某討論區咁樣...一個版就算....
我諗住定性新版喺"灘投"範圍,主要原因有兩點,
第一,依家我地所買嘅日產投竿,
主要都係用於此類釣場,釣組及目標魚種!!
第二,香港都應該可以好好發展吓呢種對應釣法,
雖然有D釣具及道具,香港未必咁易買到,
可能經推廣之後,有市場就會易容買到!!
關於個版嘅名稱問題,我已交待過了....
請你睇睇上面我嘅回帖.... |
顯身卡
算啦~算啦~
樓主