有咁耐風流有咁耐折墮

morimami · 發表於 6/1/2011 00:34:43

本帖最後由 morimami 於 2011-1-6 00:45 編輯

自釣淡水以黎
用既都係文具舖幾蚊舊既手工用魚絲（主10lb同子6lb，鼻涕竿用3lb既係手排絲）……
上次鼻涕竿之役只係鬆過綁鈎既結（之後條線尾留長d就冇出過事）
但係sofar咁耐以黎暫時都未斷過線
可能係暫時未遇過野生既大野啦
morimami 發表於 2010-12-5 21:51

登錄/註冊後可看大圖

7磅都斷……
真係啱晒我d未比魚斷過既去體驗下
morimami 發表於 2011-1-2 23:41

登錄/註冊後可看大圖

口出狂言既結果就係……
今日終於被魚姦

諗住咁凍都應該冇咩大魚食口又輕
近排玩兩三轉都只係中細魚
細線細鉛細標玩下魚仔都夠冇死啦

點知唔知點解今日無啦啦比大物突襲

一下黑標就拖住咁行支竿吱吱聲
打八字不成功之後變成拔河狀態最後拉斷左一孖08子

應該係一次銜晒兩條子既結果

嚇一跳之餘深深不忿想報仇雪恨
換左副1.5大鈎
但魚訊麻麻又換番副細野

結果——
今次連鈎都斷埋

死狀恐怖

之後前前後後甩三口
一係就黑標都抽唔中
最後入黑太凍幾條手板咁大既菲+藍刀一條收工

今日用釣組（鉛座粒鉛係咁細粒）
調4釣2鈎倒刺已經夾爛左

以下有問題想請教：

1/ 天凍魚訊細所以用細標細鉛咁做啱唔啱？但細標配細鉛翻身慢（有時估計標未翻身到底已有魚接口又睇唔到），應如何處理？
2/ 應該點樣調配線組大細，平衡到魚訊細同應付大物入窩？
3/ 比如係對付1尺以上既羅菲/鯉，或者夜釣大物，台釣線組通常幾大會適合？（地點係上水臭河）
4/ 黑標都抽唔到既原因係唔係同調標調得唔好有關？定係抽竿時間唔好？定係個下其實唔係真係黑標？
5/ 會逐d逐d食到支標沉晒（比黑標慢好多，好似平時細魚玩標咁嗒下嗒下既速度）依d會係咩魚？應該點掌握時間抽竿？

先多謝各位師兄解答

亞昌 · 發表於 6/1/2011 01:34:00

1, 有魚接口已經可以揪
2, 唔識答
3, 1.2~1.5腳
4, 有魚仔, 調錯標
5, 出到呢d訊可能已經冇晒餌

bluerose · 發表於 6/1/2011 09:34:44

菲菲

登錄/註冊後可看大圖

鯽魚 · 發表於 6/1/2011 11:39:00

本帖最後由鯽魚於 2011-1-6 11:41 編輯

1~浮標反身快慢主要係浮標重心高低與標腳長短有關.
但冬天活性低.反身前接口有幾何??有都南刀多......
2~一般06~08腳配合漸進式抽竿加打8字已經足夠凍水魚.
當然怪獸另計.
3~冇一定.個人習慣.
4~黑標抽唔中有好多原因: 勾過大~腳線過長~釣目太靈~抽竿遲疑......
5~水凍魚活性低.開口細小.任何魚都有可能.不能一概而論.個人做法
~等~等明顯有力下鈍訊.
不自量力亂答請見諒

hideson · 發表於 6/1/2011 12:55:50

本帖最後由 hideson 於 2011-1-6 18:06 編輯

回復 1# morimami

1/ 天凍魚訊細所以用細標細鉛咁做啱唔啱？但細標配細鉛翻身慢（有時估計標未翻身到底已有魚接口又睇唔到），應如何處理？
個人認為如果標番身前已經比魚食曬冇左粒餌，即係魚相對都係開口既，只係差在有冇大魚到位。可換大一點的浮標試試。很多人都認為大浮標出不到訊，其實一支質素好的大浮標(不是價錢貴)配合調標方法出d訊一樣都可以好好。

2/ 應該點樣調配線組大細，平衡到魚訊細同應付大物入窩？
好難答，如果我自己做法係會減低主線為主。例如1.5主1號腳出唔到訊，要0.6腳先比較有訊，但係0.6又對付唔到大物。可以用減主線方法，1.2 - 1.0 主 1.0 - 0.8 腳做一個平衡，出訊會比1.5主0.6腳更好。

3/ 比如係對付1尺以上既羅菲/鯉，或者夜釣大物，台釣線組通常幾大會適合？（地點係上水臭河）
都要睇番支杆軟硬，線質量同個人抽杆習慣等等而定。當然唔會太過份，例如3.0腳釣大非咁太過份。建議0.8-1.2腳；1.0-1.5主釣大非。

4/ 黑標都抽唔到既原因係唔係同調標調得唔好有關？定係抽竿時間唔好？定係個下其實唔係真係黑標？
個人覺得黑標命中率其實十分之低，一係細魚，一係藍刀，更多時係魚刮到你條主線。一般魚食餌都唔會食到搶屎咁黑標

5/ 會逐d逐d食到支標沉晒（比黑標慢好多，好似平時細魚玩標咁嗒下嗒下既速度）依d會係咩魚？應該點掌握時間抽竿？
我諗到3個可能原因。
1‧調錯「釣目」。可能支標沉曬其實你2粒餌都未到底，原因係因為你調標果陣有小魚逗你支標，你以為調岩左「釣目」其實只係細魚頂住左支標，當你釣果陣細魚頂你粒餌頂慢左或冇咁密口果一下就會慢沉沒頂，如果時不時有咁情況/拋杆拋唔準就會咁樣，好大機會係依個原因。標沒頂時都有機會中魚，因為標係降到調目同沒頂果一下，餌下降比之前慢，魚比較易接口。
2‧標調岩，魚入口果下睇唔到訊/標未番身以經食左餌入口/出唔到訊，魚又冇警覺自己含住個勾，支標入水沒頂果陣抽杆中魚。多數會係細魚先咁笨。
3‧調岩標，不過釣點下面有什物，水草石頭等等。拿拿聲移過2尺釣。

我係亂答!

釣魚戰士 · 發表於 6/1/2011 14:17:37

冬釣我只會釣大魚, 細魚好多都唔係好開口. 開口多數係藍刀. 或者細口菲.
開硬餌釣底.

鯽魚 · 發表於 6/1/2011 20:39:49

回復 7# 釣魚戰士

我岩岩相反.冬天開軟餌輕餌釣大白鯽.

kev · 發表於 6/1/2011 22:09:38

mori姐的問題小弟也問過，標訊依家野太複雜，最後都是要釣得多自然會知。近期釣梧同，鯽訊都唔係容易，好多時都是托托托，慢落一秋就中，沒有明顯頓口。

冬天吃口細，想釣得多點用細標06腳，加條幾米長的失手繩上魚機會大好多！講真無繩，一號，號半都有可能照斷。
小弟有三條繩，5M，7M，10M加埋彈性，放到河中間都得。

highbeam · 發表於 6/1/2011 23:39:44

乜放假咩? 幾時再去?

MWL · 發表於 6/1/2011 23:48:25

底釣就底釣,浮釣就浮釣