我又同日置先生玩灘投

今日因為機緣巧合既情況之下可以同日置先生
仲有約左好耐都就唔到,終於擇日不如撞日既十狂師兄等人去左西貢玩灘投
目標魚係沙鑽
日置先生果然有姿勢有實際



日置先生英姿

從日置先生身上學到好多投釣技巧,連點樣去揀適合既虫釣沙鑽都有一套學問
可以話係獲益良多
但係睇日置先生釣釣下......見到高田先生自己一個響度FIT魷!!






高田先生既手法打破左我一貫玩 EGI 既傳統
我終於忍唔住去左請教佢 EGI 之道
高田先生意想不到咁 NICE
仲用左成個下午同我兩個人走左去另一個海皮特訓
我真係有小小受寵若驚
但係佢就話佢唔鐘意教人玩 EGI
因為好多人釣到大尾魷都會害死佢地
就算你放生D大尾魷,但其實佢地都係死路一條
最後高田先生教左我最好既放生方法
同埋用高田先生枝竿玩左一陣灘投


中左條角魚,留心D睇其實我係用緊高田先生枝LURE竿架

佢地見到角魚好似覺得好得意咁,拎左去俾大家觀賞......
叫做可以活學活用,即刻就拖到野
玩多陣之後大家就返西貢食飯
中途請教左高田先生同日置先生好多釣魚既學問,獲益良多
亦好佩服日本釣手對釣魚既熱愛同埋心得
最重要係佢地真係唔會吝嗇自己既技術,有問必答,鉅細無遺
咁既態度真係值得大家多多學習
最後送埋日置先生一行返酒店就結束今次既旅程喇


與高田先生合照


同日置先生既合照


日置先生響我件衫度簽左個大名,仲有"地球!夢之樂園紀行"字樣

上左我釣魚生涯中最寶貴同重要既一課

咁可唔可以教教大家點樣放大尾魷先係最好呢？

原帖由 RGiggs 於 2008-4-18 03:20 發表

                               
登錄/註冊後可看大圖

咁可唔可以教教大家點樣放大尾魷先係最好呢？

會呀,等我組織下點打先

鴿子????

原帖由 bennychn 於 2008-4-18 16:02 發表

                               
登錄/註冊後可看大圖

鴿子????

你係..............??
你點知我呢個名架???

原帖由 順仔 於 2008-4-19 00:16 發表

                               
登錄/註冊後可看大圖

你係..............??
你點知我呢個名架???

玉器大肥,肥老板
做乜咁耐冇見你...得閒快D落我舖頭帶我去釣魚
做乜我唔知你釣魚咁叻..我仲以為你走鬼左去攪魔術添
pm我電話...釣魚好多野問你

真係好難得的機會向高手吸收經驗！真係狠死隔離！

原帖由 bennychn 於 2008-4-19 01:50 發表

                               
登錄/註冊後可看大圖

玉器大肥,肥老板
做乜咁耐冇見你...得閒快D落我舖頭帶我去釣魚
做乜我唔知你釣魚咁叻..我仲以為你走鬼左去攪魔術添
pm我電話...釣魚好多野問你 ...

原來係你,大肥哥
咁耐唔見我咪就係因為我返工又返學,好鬼忙囉
釣魚我唔叻,只係身邊好多叻人,跟佢地學下野咋
魔術只係我消遣,釣魚先係至愛
電話PM左俾你喇,約個時間去玩下啦