好野打唔到，打著條大肥佬！

RGiggs · 發表於 4/5/2008 02:40:36

上星期同朋友上躉，有幾條唔細既火點，仲斷左條斑，今個星期揀岩好流水，就唸住再去搞搞佢！

魚餌準備左4兩沙蝦仔

同埋d好靚既花竹仔(希望可以砌返條斑)

我地下晝四點幾上到釣點，見流水好急(水大流)，於是我就只係開支筏仔放係度玩下，唔駛拎竿拎到手軟！
點知朋友第一口貼躉邊一落就中魚！
上來原來又係放生紅鮪（懷疑係上星期同一條黎！）
由於今次條魚係再犯，所以就無得即捕即介，實行困佢入籠，等釣到第二條魚先放！

跟住就一直等到6點都無魚咬過
6點打後，水流開始慢落黎，係時候要開架生喇！
點知我勾都未綁好，朋友己經連續上左兩條手板牛屎，
仲要睇住佢下下落絲都有魚食

拿拿聲我又落先
但係我落個位就偏偏無得食，見朋友個位就下下食，除左頭兩口牛屎係爽落之外，跟住見佢食好多口都食得好精口，抽幾次都抽唔到，有時又見佢未抽就己經俾魚偷左隻蝦去！

於是我都走去佢隔離個位釣，落左幾下，終於有得食，仲要係托起晒來食，帶緊些少，佢又托高d，好似想沿樁邊游上來咁！
第一口俾佢咬爛晒隻蝦，第二口再落又來食，今次終於俾我抽到佢！
點知收多兩手就爆口！

跟住朋友先抽中一條（前後食左十幾口餌），上來一睇，原來係手板黃腳，唔怪得食得咁精口！

上左一條黃腳之後，己經轉左乾流，d魚又收晒口
水流仲開始急添，唔通我今晚要打龜

朋友個位都再無立食，點知俾佢落落下絲釣到兩條斤零重既鱸
佢仲鬼咁興奮，以為中到咩好野添！

而我見再無立食，就轉粗絲勾大蝦落去試下，
不過結果四圍試都係無！
再走返去朋友釣開個位試，一落絲就己經"擔"住，慢慢行入去躉底，等我抽你條死鱸出來啦！
仲唔係細條添！終於開齋啦，5斤幾！

今晚個乾流，好快就慢晒，朋友又開始有立食餌，我就繼續用大蝦四圍捕！
朋友密密有得食，但係又係抽極都抽唔中！而我就依然無魚肯來搞下我隻蝦！
原本我都唸住放棄架喇！將隻大蝦放落去朋友一路釣立個位，唸住搞下事....
隻蝦沉到底，我仲將支竿放低係度！
點知支竿一放低，就一路灣落去，我即刻執返起，就住佢落，然後抽佢
原來又係鱸，今次仲大條仲肥，起碼有成8斤重！

到臨尾，朋友再釣多條2斤零重既鱸，12點就完場

總結今日釣獲: 5條花鱸、2條牛屎仔、1條黃腳仔
目標魚火點同斑一條都無（上次我地唸住釣黃腳同牛屎，就釣到火點，今次一心想釣火點就…）
今日有好多黃腳仔食餌，朋友餵晒四兩蝦俾佢地食....
而我今晚好彩中兩條肥佬，雖然唔係咩好魚，但係收收放放，過足手癮，頂到膊頭都有d痛！

最奇怪既係，今晚所有既魚，都係同一個位中！
仲要那個位以前係無乜鱸魚釣既添！
而且己經五月頭啦，仲有咁多鱸係度！？

這些朋友拎返去食

這些太大條唔拎走，放返落海，下次再黎同你玩過！

hiu2006 · 發表於 4/5/2008 02:59:21

好好景喎！仲有牛屎仔添！

佢唔拎埋兩條大鱸返去提鍊火水，佢係咪唔夠力呢？

RGiggs · 發表於 4/5/2008 03:26:56

我唸佢應該係無咁多隻手拎，
佢仲要養埋d花竹返去，話聽日去紅磡釣喎！

nortoncamel · 發表於 4/5/2008 09:54:38

有大肥佬都好

RGiggs · 發表於 4/5/2008 10:08:47

原帖由 nortoncamel 於 2008-5-4 09:54 發表

 登錄/註冊後可看大圖

有大肥佬都好

近排真係釣親都釣到鱸，下次決定一定要去搵紅魔喇！多謝維記加分

tagtagtag · 發表於 4/5/2008 10:21:57

請問師兄D花竹仔可以在那裏買到

Adam仔 · 發表於 4/5/2008 14:53:57

黃腳仔用尾指蝦好釣d ga
師兄下次可以試下

新手报到 · 發表於 4/5/2008 23:31:28

唉..我这里现在的黄脚不吃虾专吃虫.郁闷死了.......

RGiggs · 發表於 5/5/2008 02:30:11

原帖由 新手报到 於 2008-5-4 23:31 發表

 登錄/註冊後可看大圖

唉..我这里现在的黄脚不吃虾专吃虫.郁闷死了.......

有得吃就是好

RGiggs · 發表於 5/5/2008 02:31:46

原帖由 tagtagtag 於 2008-5-4 10:21 發表

 登錄/註冊後可看大圖

請問師兄D花竹仔可以在那裏買到

海鮮檔，不過唔係時時有，有亦未必時時有細隻既

[釣行] 好野打唔到，打著條大肥佬！

評分

相關帖子