鬧爆大堆頭!!

人地有心上來分享，你一下就鬧爆佢，
唔單止唔會教曉佢放生既好處，
反而令佢有反感，以至唔再上來同大家分享！

夠食而又真係食到咁未算囉，不過南油果D就真係似大屠殺多D，其實係唔係真係食得曬呢？

可以攞得即係食得....
有釣到做乜唔攞....唔係次次都有境架

釣唔釣魚係自由，釣魚用何種形式都係自由，放唔放係自由，攞唔攞都係自由，一切無立到法，係大眾的自由空間中再強行自己嘅理念，值得欣賞但好傻，推行這理念，釣魚人,一定唔著，一定失多過得，理念係對自己做嘅野作出心理補償而已,其實唔係真係理念黎，因為有人揸住把刀講仁慈，試想，釣魚形式取向都可以閙到天番地覆，香港海灘是否適合灘投都有唔同的聲音。始終,最有資格批評，一定唔係釣魚人, 係唔釣魚人，我愛釣魚，我唔會扮清高，我知訂，會自律，做好自己，唔係理念，係作出補償，係基本動作, 因為揸枝竿就形同揸刀，係剎多剎少嘅問題，有良知的，越剎得多，惑受越強, 除非係無知無覺啦，人生學習過程黎，快慢各異，自發為本，外界影響為輔，若決意徹底要推行這理念， 收埋枝竿啦師兄，死未！你有咩嘢講？ hehe, 所以釣魚人要慎重揸準枝竿, 目的唔係釣大魚咁簡單, 係磨練心性, 磨練好心性, 你釣到好魚, 不一定有魚, 更不一定係大魚, 希望大家釣到心情好魚同大魚啦, 細魚, 放佢一馬啦, 有好魚就夠啦! 對唔住, 我現在釣到魚, 一定唔會 post, 無機會, 因為即放, 把魚離水多幾秒都唔想,唔會影相, 同魚講聲對唔住,即放, 別人攞魚, 無論大細多少, 我讚成, 尼D係你對人家的自由, 作出基本的專重, 連尼D都未做到, 其他無謂講啦! 唔知你家人叫你唔好上咁耐網, 你會點樣, 老婆而家鵝緊

[ 本帖最後由 漁痴 於 2008-5-9 02:59 編輯 ]

公眾認同=教養
  人之初 性本善 性相近 習相遠 養不教 性乃遷 子不學 斷機緣
  人生於世,出於自然,唔會有言語,唔會有文明教育!
  品行,出自學習跟隨,點解話,唔好大教壞細!
  貪念,唔係話,有型有物先至有,您做得,點解我唔做得,點解有著數,您攞得,我唔攞得,您識得話知人死,點解我唔可以!
  教育,承擔了現代文明一切格式,點解唔可以帶頭做好喲,人地點做,人地負責,您做得好,四維身邊都看到,放生這種行為,只會越來越多人做,分別只是,幾時'幾多人,看到自己醜!
  鬧人,當然唔好,當我釣到魚仔,就即釣即放,距看在眼裡,好定唔好,就唔知,起碼我自己做到先!

釣魚=搜擸
  起因追素至遠古文明,無左搜擸,可以講無左現在格式文明,祖先留下根基,後輩只有揣摩跟隨,所以對釣魚來說,應該點做,點樣去做,只有隨緣隨樂.

[ 本帖最後由 歐穎海 於 2008-5-10 23:49 編輯 ]

大堆頭有兩大問提ALL die OR用魚扣養住、如果用如扣養住可能最後都會放生呢!我話放生你又之是真的？自律以OK 了扮清高不如連魚都唔好食、有D人自己釣不到叫朋友留條給我啊、他無殺魚不過是不是=呉殺呢？朋友見你釣唔到問你要唔要、你不要？要哈哈、你有無要過亞？

有時覺得,條友D釣技又唔係我教既
佢D架生又唔係我俾錢買黎送俾佢既
又唔係我請佢去邊度邊度玩既
佢用自己既時間,自己既方法,自己既釣具中到既收穫就係佢自己既
我又憑咩去鬧人??
人地之前投資左咁耐(投資了時間,精神,金錢)
而家人地有收穫我地憑乜叫人地一定要放生

其實響大家鬧一個人之前
大家有無諗過對方同自己係一個完全唔相關既個體
佢唔係你親人,佢唔係你朋友,唔係你同學,無跟你學過釣魚,無欠你任何野
唯一相同之處係大家都響魚樂網呢個平台度出現過,發表過
大家點解會誤會左自己有權力去討伐一個唔C&R既人呢??

做好事都可以有好多方法
大家響條街度見到有需要人仕有無伸出援手??
見到人衝紅燈有無阻止佢地??
見到人亂拋垃圾有無人會行埋去叫佢執返起??
有無阻止人掟煙頭落海??
定還是自己都掟埋一份??
咩叫正義??最低最低既要求係要合法先
下次如果有人唔C&R不如各位師兄報警叫差人拉佢好唔好??
如果各位平時都一直有犯D無傷大雅既小錯
咁樣叫正義??

下次想出聲鬧人之前不如問下自己憑咩去鬧人