選購飛蠅釣具小貼士

香港能夠購買飛蠅釣具嘅店舖非常少,能見到嘅亦未必適應初學者,以下希望可以幫助有興趣在釣具店甚或在綱上選購飛蠅釣具一點小小貼士:

1/ 飛蠅釣竿:
    飛蠅釣竿主要由重量分等級,由AFTM #1 - AFTM#12 多款(亦有 AFTM#00 及#0 為特輕),由六呎到十二呎不等，主要係針對魚種同場地環境之需而選用。AFTM (American Fishing Tackle Manufacturers) 係美國釣具廠商聯會嘅縮寫, 對所有釣竿重量有一定指引。以香港鱼種同環境因數應以AFTM #5 ~ #6為初學者之最隹選擇。

2/ 飛蠅線較:
    在所有線較上定印有 #3/#4，#5/#6 或 #4/#5 至 #10/#12 等字樣。在購買線較時要清楚號數同釣竿吻合，以最高號數為準。如釣竿為 5/6，較號要選 #6, 但係我建意用 #6/#7, 點解? 我會在選購飛蠅線時再詳細講解。用料方面,當然要以能夠適應鹹淡水為實用。線較主要用途當然係以貯放飛蠅釣線為主，但在中"大" 鱼時亦需能發揮其功能性。

3/ 飛蠅線:
    所有飛蠅線與竿較同樣分號數,基本上以 #5 竿佩用 #5 線, #6 竿佩用 #6 線, 由於個別廠商都有出產 #4/5, #5/6, #5 或 #6 (其它號數) 等竿, 其標準可能有些少差異及準確性, 我建意比例上用高壹號線,如 #5/6 號竿用 #7 線, #4/5 號竿用 #6 線, 如此類推。亦因為每號線之粗幼不同，我已建意買高壹號嘅較用以貯存同號嘅飛蠅線,亦為原因也。每號飛蠅線有分 浮動線 (floating line) 中層線 (intermediate line) 及沈底線 (sinking line) 叁種, 建意上主要購買浮動和中層各一款, 而當中以最實用仍浮動線。由於飛蠅線長度只有約 30 碼,在線較上雖加備約 100碼或以上 20 磅 PE 線作後備線供上鱼時游走用。又,買飛蠅線最好選購 double tapper line 或 weight forward line (頭重) 方便初學飛蠅拋線 (casting)。

請留意毛鉤本身係無重量, 主要依仗竿同線嘅動力帶出遠處。

如有其它不明之處,定當再詳細解釋。

c兄：如你所講買一枝竿，2欵線加埋隻攪，要多少銀兩？

原帖由 kk.kk 於 2008-5-12 22:31 發表

                               
登錄/註冊後可看大圖

c兄：如你所講買一枝竿，2欵線加埋隻攪，要多少銀兩？

由於在香港飛蠅釣具係有但並不齊全,我會在數天內尋找多些資料給你參考。以竿為例由數佰元到幾萬元都有,較亦有數佰元至幾千元不等。

我特別喜好美國牌子嘅竿,約三佰美元一支而有終生保養 (Life time guarantee/no question ask)。 在香港有賣嘅竿,叁佰多亦能買到,但係無保養。

飛蠅線在香港買唔到。一定要綱上諚購。

耐心等待可提供上綱資料以便直接購買。

相信 kfd 版大手上都有綱上資料。

我都要,美國玩係咪主流?

先講竿...幾多號...對新手黎講都幾抽象...
唔知有咩野方法可以令到我地容易了解D,
大概係幾軟幾硬...調子又如何??
長度又應該點選擇??

請大家耐心等待﹐香港係將會有則數保證既 fly 用具出售﹐屆時請留意魚樂網廣告位置。 綁制材料大概下星期推出﹐飛蠅線﹐備線﹐子線大概係六月推出

號數越細就越軟﹐較適合溪流作釣
號數大就會重D﹐但拋投比較遠
一般係大風下作釣 (海邊)﹐ 會用上大號數的 (5號以上)

竿的軟硬程度亦對拋線有不同影響﹐ moderate - fast action 竿 (回彈力再竿中至竿尖) 會備較容易上手﹐ slow action 竿 (傳統竹竿﹐波籤竿) 就較重釣尾

竿長就要視乎作釣地方既障礙物啦

原帖由 naobao 於 2008-5-13 01:49 發表

                               
登錄/註冊後可看大圖

先講竿...幾多號...對新手黎講都幾抽象...
唔知有咩野方法可以令到我地容易了解D,
大概係幾軟幾硬...調子又如何??
長度又應該點選擇??

飛蠅釣竿號數分釋:

#1-#4    適合溪河作釣小物,因環境地型限制而不能作太大拋投動作, 竿長 6-8呎。
#4-#6    適合水塘,內湖,及大河用, 竿長 7-9呎。
#6-#8    適合海岸邊作釣, 竿長 8-9呎
#9-#12  適合出海釣巨物, 竿長 9-11呎

由於各製造商有不同標準製件,以上竿長只供參考。以 #4-#6 為例 當中亦有 竿長 7呎半 8呎同 8呎半。

每竿調子各分有 快 (Fast Action) 中 (Medium Action) 慢 (Slow Action) 叁款。對初學者當以中調 (Medium Action) 為首選,比較上能容易掌握飛蠅拋投技巧。快 (Fast Action) 調子只適合對拋投有一定認識,能面對強風嘅升級版。幔 (Slow Action) 調子只適合在範圍狹窄及能掌握精巧拋投技嘅釣友。

如何選擇竿嘅長度? 在竿號分釋中不難地可以睇到,比較上長一點嘅竿為快調,而短小嘅係慢調。從中選擇便可。在綱上諚購前亦可要求製造商提供調子表以作參考。當然有實物在手用手感係更加容易挑選。

選購釣竿亦應以碳纖維 (Graphite) 為首選。

[ 本帖最後由 flyfisher2010 於 2008-5-13 12:30 編輯 ]

kfd 版大, 有冇 fly rod and reel 呀?

[ 本帖最後由 flyfisher2010 於 2008-5-13 12:36 編輯 ]

討論返點揀釣具啦~