從未試過這情況, 最龜的一天

27/2/2011 星期日 晴
今早去了西頁買左生猛靚蝦, 去了三星灣附近的排, 未試過去魚排諗住過下隱感受下啦, 點知9點到釣到11點幾, 竟然5個人一條都無, 仲係每人只感受過一兩下魚訊, 都有收番上來無左隻蝦, 咬左啖的情況, 自問釣沉底係等運到, 但都不會咁失敗吧, 各人都覺得個排唔掂!! (最後諗番都唔關佢事既.....)

跟住走啦, 淨咁多蝦無謂浪費時間, 去左碼頭上左架僕僕仔, 諗住去西貢市附近玩下, D魚係細D, 不過用下D餌都好呀

12點半出發! 出去時已見紅潮, 再行遠D就無左此情況, 落隻生猛鮮蝦, 等等等等等..... 等左好耐拎番上來, 仲係好生猛! 腳仔健全係背脊穿左個勾。又再等等等等等....轉位...等..轉位...等..

就係咁, 等到4點半, 全船加埋船家6個, 未咬過! 船家話水底太凍又缺氧, 佢話做左呢行廿幾年, 都未試過咁既情況, 幾衰都有D魚毛玩下隻蝦呀, 竟然大鑊到無掂過!

隻蝦上到來摸摸佢, 係冰凍的, 好似浸過冰水咁, 又無死喎。2點幾已見不少快艇載住人番碼頭方向, 無晒客咁又出番來。訪問碼頭阿叔or隔離船, 情況一樣, 今天真的很不尋常

今天死流，我係小西灣玩前打都係轉流中反3條魚毛，好彩無龜，之後無魚訊，玩左2個鐘走人

...C兄可唔可以pm 3星排電話俾我呀！....

我都覺係水太凍...我尋晚11點釣到6點..
1口都冇...用1口餌...上水又係冰水咁....又落左2次毛毛魚...
5點開始凍...應該得13度...灰爆
又大退又冇流又冇魚訊又突然凍冇著衫又落雨.......
尋晚都唔知攪乜..

請上網查你問的魚排就會搵到的!!! 但經過今日的慘況, 我對佢無晒信心了, 雖然唔關佢事, 咁講亦對佢唔公平

多謝 c hing 報料

死囉!!!我仲想响1/3行番轉....................

由上兩個星期開始就不停有赤潮.

其實又不關排的事, 整個西頁都是此情況吧~起碼個排D魚開過口, 仲好過個海, 哈!

早兩日我去青衣都係一樣咁,沉底冇魚訊,拖假餌水面水底都冇,真奇怪!

昨天27/2，同樣！
朝早去左一號銀海，兩粒鐘完全無反應，遠水近岸一遍死寂


下午轉戰尖東國際郵政，一樣完全無魚訊！
蝦仁青蟲無反應！
近岸偶爾上一兩條魚毛．．．