問題人物十狂兄份人係點??

因為最近有人話我手野係跟十狂學既,我同十狂睇完都係得啖笑
我發覺......我平時又真係絕少同佢講釣技喎
於是就令我諗返起究竟我係點識呢位問題人物既前因後果

其實認識十狂都只係短短一個多月既事,未識佢之前,都有見過佢講既野成日俾人插
但係事不關己,我都係睇完就算,一笑置之
至於好多師兄講既咩野鋼筋竿,又話點樣爆左個絞
因為小弟無咁既心機搵返之前既帖黎睇,所以都唔知咩事
但我肯定我睇完之後唔代表我就會唔LIKE十狂呢個人
可能會當係餘興節目咁消磨下時間

至於我無啦啦點解會同呢個人扯上關係呢??
因為小弟平時有時間都幾鐘意DIY各種各樣既無謂野
自從愛上左玩餌木之後就成日想由零開始整隻餌木出黎
但對於材料方面又無咩心得,都諗左好耐
慢慢睇下睇下發覺十狂有幾個POST好似對一D材料上既運用都幾有心得喎
於是就試下聯絡下佢喇
發覺佢個人都幾攪笑,唔係講野攪笑,而係對住佢已經好好笑
講野口齒又唔伶俐,語氣又無高低起伏,我笑十次佢都未笑一次,木木獨獨咁
但講到幫人,原來佢真係幾熱心,老實講,我都係俾佢感染到

我話我想DIY餌木,佢仲緊張過我
隔左一陣又打黎同我講話佢有新IDEA,叫我試一試
我話我想搵D岩SIZE又唔易生銹既鏍絲去釘死粒鉛同個蝦身個位
佢即刻搵左佢整電話用果D最細粒既鏍絲出黎,問我岩唔岩洗
我話唔理岩唔岩洗都多謝你先,初頭諗住係問你小小意見
估唔到你咁熱心幫我,真係唔該晒
果一刻開始我就覺得十狂呢個人值得同佢交朋友
之前我未必會好詳盡咁打好多字出黎去分享
但我見佢咁既九流表達能力都咁辛苦響個網度幫手解決問題
又俾佢感染左,一齊幫手出下POST分享下自己知既野

直到而家為止,其實我都知十狂講左好多問題性既言論
如果釣技上佢講得無錯,又或者佢無啦啦俾人攻擊
我都會撐佢,因為我覺得做朋友既野就係咁
不過有陣時佢講既野真係唔抵幫,所以我都唔出聲撐佢
反而私底下話佢,講D咁既野就預左俾人話你架啦
一係你就唔好講,一係就攞證據出黎
可惜十狂兄既eq就爆燈,iq就0分
小弟同佢講左咁多次十狂兄都係唔得醒目
唉,無計啦,識著你當我唔好彩

網上平台既野其實真係信唔過
大家雙眼望到既只係文字
睇唔到人既肢體動作,亦聽唔到人既語調
更加感受唔到人既心
有人吹水老作俾人當英雄
有人吹水老作俾人當狗熊
有人吹水老作抬高自己眨低人地
有人吹水老作一堆笑話無傷大雅
有人無付出無料又響度扮勁
有人默默付出唔知有無料唔知係咪扮勁
有人心腸惡毒搬弄是非
有人心地善良樂於助人
唔係想明示暗示任何人,只係作個比較
我交朋友,唔係睇對方把口
而係睇對方個心
相信真正認識左十狂兄既人都會同我有類似既感想
十狂兄,順仔響度好真心咁同你講聲
你好得意!!

[ 本帖最後由 順仔 於 2008-6-1 13:19 編輯 ]

sorry,加多一點
好多人話十狂係搏出名
究竟佢做咁多野既出發點係咩我唔知
但係佢無預知能力
唔會預見到日置淳同shimano黎香港
亦唔會預知到到時朱記會搵佢幫手
咁佢仲為投釣版咁出心出力做咩呢?
因為佢而家有左小小名氣
佢以前做既野就係搏出名(苦笑)

唔認識佢既人妄下判斷其實好唔公平
佢有得出名,我覺得佢係開心既
咁又點?呢d又唔係壞事,而係一種肯定
但佢當初既出發點
其實只係幫下手,釣下魚

告別魚樂網
去左幾日旅行返黎，睇到呢ＰＯＳＴ http://www.fishinghk.com/forum/v ... tra=page%3D2&page=1 ，覺得好唔開心，唔知大家係咪明示暗示緊我，不過就請容許我＂對號入座＂下啦，講埋呢次，我以後都唔會再響魚樂網講任何野。 節錄自某君的貼子..........

我以後都唔會再響魚樂網講任何野 結果
睇你唔起, 連做人的基本誠信都無.

[ 本帖最後由 nofishcatcher 於 2008-6-1 14:05 編輯 ]

原帖由 nofishcatcher 於 2008-6-1 13:58 發表

                               
登錄/註冊後可看大圖

告別魚樂網
去左幾日旅行返黎，睇到呢ＰＯＳＴ http://www.fishinghk.com/forum/viewthread.php?tid=16961&extra=page%3D2&page=1 ，覺得好唔開心，唔知大家係咪明示暗示緊我，不過就請容許我＂對號入座＂下啦，講埋呢次，我以後都唔會再響魚 ...

:me73 :me73 :me73 :me73 :me73 :me73

終於明白魚樂網為何變質...

原帖由 nofishcatcher 於 2008-6-1 13:58 發表

                               
登錄/註冊後可看大圖

告別魚樂網
去左幾日旅行返黎，睇到呢ＰＯＳＴ http://www.fishinghk.com/forum/viewthread.php?tid=16961&extra=page%3D2&page=1 ，覺得好唔開心，唔知大家係咪明示暗示緊我，不過就請容許我＂對號入座＂下啦，講埋呢次，我以後都唔會再響魚 ...

你鐘意咪入我囉，有乜所謂
我果一刻係咁諗，但而家聽完好多人既說話後個諗法已經唔同左
但起碼我唔會開新ａ／ｃ講野
又唔會扮晒野編輯返果個帖當無講過果句說話

原帖由 nofishcatcher 於 2008-6-1 13:58 發表

                               
登錄/註冊後可看大圖

告別魚樂網
去左幾日旅行返黎，睇到呢ＰＯＳＴ http://www.fishinghk.com/forum/v ... tra=page%3D2&page=1 ，覺得好唔開心，唔知大家係咪明示暗示緊我，不過就請容許我＂對號入座＂下啦，講埋呢次，我以後都唔會再響魚樂網講任何野。  ...

你咁都得AR...你都幾小人之心嫁WOO ...攞返E前D野泥講都有既..你咩人泥嫁

好厭呀～～～師兄你唔厭架？？
我相信依家呢個時候冇人再有興趣同心情去討論及關心呢ｄ問題或事情
關網在即　你仍好好利用呢個良好平台　依家真係漁樂網告別你囉　我真係服ｘ左你！

噢...請原諒我既失禮我;不嬲都唔會係一個講釣魚既網講埋呢D bull shit！　

原帖由 pasusu 於 2008-6-1 14:23 發表

                               
登錄/註冊後可看大圖

好厭呀～～～師兄你唔厭架？？
我相信依家呢個時候冇人再有興趣同心情去討論及關心呢ｄ問題或事情
關網在即　你仍好好利用呢個良好平台　依家真係漁樂網告別你囉　我真係服ｘ左你！

噢...請原諒我既失禮我;不嬲都唔會係一個講釣魚既 ...

咁你又入黎睇？？？？
仲要留埋言添。。。。。。
無錯關網在即
我想好好利用呢個平台講出心中所想，有問題？
響個網完結前如果可以令敵人變得成朋友唔係好事？？
都唔明點解而家ｄ人咁無禮貌
（ｓｏｒｒｙ師兄，唔係針對你而講）
可能個網就黎關閉大家心情唔好啦

我第一次係魚樂個時唸住問下d人買咩竿玩投釣la
開頭send左 d pm出去

點知只係得一個人回我
個個人就係十狂帥兄

當時我每一次pm佢,佢都會回答我問題
十帥兄更比左佢手提電話我,但我未打個比佢.當時我覺得佢真係唔錯
因為試問一下,你對一個唔識既人會唔會冇lala比個電話人

十帥兄我唔知點解佢出既post,什至解答人野都會比人成為攻擊對象
其實大家唸既方式唔同.有人解答又會成為別人攻擊對象

講真你地之間唔知係未有因因原原,但你都唔好攻擊別人先得架
有時見到象會員d post 講真你好xx囉

我係一個新手,開頭見到熱心解答人既只得幾個,順仔,十帥兄同海棠.....
古唔到其中一個係假野........