肺腑之言

爆爺

好榮幸同你食過一次飯.
好開心喺( 你一手創辦嘅 )魚樂網學到好多好多.
我參網只係好短時間,
想唔到喺呢度識左好多朋友,
仲一齊玩得好開心.

你仲有無記得我同你講:
見你地搞得咁 [行], 激發起我內心嘅一團火.

只要你曾經用心努力過, 付出過, 享受過, 珍惜過,
有啲野唔一定要永遠擁有, 只攞啲開心嘅記憶留番低,
來日偶然想起, 回味當年,
亦是一種幸福.

上次 WINE DINNER 未能出席, 憾甚!

過一排搵你同班師兄弟去食飯, 釣魚&賞 wine.

再一次多謝你比我喺呢度 [努力過, 付出過, 享受過, 珍惜過, 幸福過]

[ 本帖最後由 ivanlokc 於 2008-6-1 17:32 編輯 ]

無論點, 尊重爆叔決定

上來無耐就要關綱,雖然我多數只睇同好少post但都好唔想佢無左,因為一返工就上啲果綱直至放工,但而家要關綱只有講句可惜!!但點都好我在此學了好多釣魚知識,在此多謝爆叔...............!

[ 本帖最後由 kelvin1012 於 2008-6-1 17:34 編輯 ]

原帖由 承承 於 2008-6-1 16:54 發表

                               
登錄/註冊後可看大圖

要維繫、管理一個網真的不容易，亦非一人能力所限。你呢一刻的心情我絕對明白及感受得到，他日魚樂網捲土重來之時，必定比起現在更強大及有系統管理。 ...

亞承承

好耐有見你,
要搵亞 Alan 同你出吓磯先得.

我叫亞 Alan call 你,ok?

唔...睇本網都以經成為我生活習慣之一!返公司一開電腦又睇下
返到屋企又睇下,訓之前都要睇一次,一個網站能夠做到(入屋)真係唔簡單
從前我都會睇hk討論區,不過時間耐左就睇到好多與釣魚唔相關ga post出現,反感自然多左,最後直情唔睇la~
其實我係e度好少睇到有互相吵鬧ga post(可能我睇唔到la),所以魚樂網一直在心中ga質數係 100%!!
無論魚樂網最後會係點...
魚樂網在心中

爆叔，唔好關左個集腳既地方，無其他平台好似依度咁好！
不過都要尊重爆叔既決定！
支持爆叔！

雖然吾係成日來這個網...但都從不同途徑知到呢個網是非特別多...
主因都係小圈子下分幫分派帶動下形成的問題...
不過真係無諗到會關網咁大件事...
不過如果真係去到咁嚴重地步....加上看到網主的說話
關左它都可能係一種解脫...希望大家可以從中反醒...
當有下一個香港漁網出現時....不要再這樣了

GARY........癈話唔能講啦........你我T及有關人........全都中佢早預定既計了.....自已細心諗下啦..........有部署...........不可輕視一個隱藏起來...惡毒既女人........

爆叔...

聽到你嘅決定關閉網站, 心情都好矛盾....

一方面, 覺得你好用心經營呢個網, 亦受好多方面嘅壓力, 家陣可以話係一種解脫...

另一方面, 一個咁好嘅網因為一d必定會發生嘅問題而關閉, 實在感到可惜...
正如你話齋, 有人嘅地方, 就一定會有呢d問題...
究竟世上係咪真係有烏托邦呢?????

好多謝你, 因為有呢個網, 我識到你, 與及好多志同道合嘅人, 同好多啱傾嘅人...
不過點都好, 一個人攰喇, 就梗係要抖啦, 希望你快d抖完, 快d搵到你嘅烏托邦...



keep in touch啦... 有局記得予我呀!!!!

[ 本帖最後由 kingston 於 2008-6-1 19:12 編輯 ]

爆叔
下次去找溪哥記得call我呀！