一次ok釣獲,但極不愉快之釣行

樓主在這次釣行覺十分氣憤, 因此在這裡訴說領隊諸多不是, 但是次釣行是不是領隊需要負起所有責任?

今次的釣行我也是其中一員, 在參加時我已經知道這船十分爆, 因為我有朋友想加入,也被一早謝絶. 當天有釣友要坐艇尾, 估計這幾位釣友都是事先知道及願意這樣, 不然的話那會自動波坐艇尾. 由此看來領隊原意是不想這樣爆的, 但因有突發事件, 所以才有如此安排.

當天艇主的二艘快艇都因事先後出現問題, 因此比原定時間遲了二個多小時才接回, 我也是一個受害者, 因為這次的來遲, 我第二天就感冒, 這才是因為我準備不足, 沒估計晚上的風大了點, 所以中招, 但這是我的問題, 不怨其他人, 但因為那天遲了回家, 給家中大人停了發出準釣証一星期, 這就使我心中恨恨. 手癢癢.

如我沒有記錯, 當天樓主是上了一個向北位置, 想這個位置是完全沒有問題可以打通電話, 這樣估計樓主不難和領隊取得聯絡, 但想我這些站在向南位置的釣友, 就沒有好運, 為了要聯繫外界, 要在黑晚中四處尋找可以打電話的位置, 所要冒的風險, 估計不是樓主可以考慮, 相對我們這些釣友, 樓主可以說是十分幸運.

樓主說因為艇主比原定時間來遲, 因此在原定時間, 把所有帶來的水及食物處理好, 因而在等候又渴又餓. 這樣看來樓主的外釣經驗不足, 任何時間在外礁, 都要保留一定物資以防萬一, 直到回到碼頭才可以多餘不想帶回家的拋棄. 在我超過二十年的磯釣經驗, 曾經因為黑雨, 艇家撞了船, 我和我的釣友都要留在外礁上, 過了一夜閃光四處, 風雨交加的晚上, 還好就是因為這些預留的物資, 使大家的遭遇不算大差, 而其他不同釣位上的釣友, 都有所準備, 加上上礁時都因為天氣而選了一些安全的釣點, 因此大家都是有驚無險. 當時, 我是領隊, 心理上的負擔不是樓主所明白, 因此樓主不要怪領隊, 領隊不易為.

大家都知道艇主不是做一艇生意, 手上二艇都出事, 在接我們之前, 是不是要先接早一班的釣友? 那麼來回都巳經忙了三小時多, 在這壓力下, 那有心情和你打招呼, 心裡想的是把客人安全的送回, 還要安排明天的柯打, 所以不應說艇主那樣那樣, 大家都要搵食, 搵食難, 大家心照. 原諒一下吧.

至於樓主最為關注的大魚獎, 對我來說, 這是一點彩頭, 可有可無, 對我來說, 釣魚才是重要的, 我追求的是釣技, 過程, 而不是收獲, 為了這些可有可無的彩頭而動氣, 可見摟主之釣品.

那天和我一起釣的朋友, 是一個由釣友變成朋友的好朋友, 那天大家都遲了回家, 朋友一聲不說, 先開車把我送回家, 再自駕回家, 足足比我慢了成個鐘才回到家, 他沒有一點怨言, 這才是朋友.

最後, 道不相同, 不相為謀, 如果唔啱玩, 下次咪唔好玩囉, 唔好咁勞氣.

當天我也是同船出.我覺得只是誤會一場.
當睌我也收到帶隊電話講艇家壞船,要遲來接人.
之後我得知他盡力打給每個釣友,打不通也發SMS.
可能掛萬漏一,沒有發給你才起誤會.
試想想如果不幸地他的位置連漫遊也打不出又可以怎樣.
不能通知大家,難度所有人都要怪他選釣位有問題嗎?
而壞船是意外沒有人想發生,帶隊也是受害人之一.
相信冇一個艇家想壞艇.因維修成本不少.
師兄你遇上不快事我亦感受到,但不應因遇不快事而猜度他人,
今時今日肯當攪手已是買小見小,
還幫手安排蝦粉,臨時放飛機又要打去搵人又要改蝦粉數,
他是打工仔一名,要搵食,還要抽時間為大家安排已非常難得.
我真是見過某天有一團,釣友無意攞錯蝦粉收不夠數,
帶隊只好自淘荷包補數.
我自己搵艇家出,或跟帶隊出,船費也是一樣,
去落艇碼頭對面買蝦粉價錢亦一樣.
如師兄你所說帶隊可能有油水這也是他的本事吧,
這個油水我真是不想要,相信師兄也不樂意抽這油水吧.
如能易地而處,在他人角度想想可能心情會平和些呢.
事已過去,希望師兄可放開心情繼續享受釣魚樂趣.

今日收到朋友通知，在網上有一個關於自己的網貼，現在藉此討論，希望有關當事人及關心此事的網友，可以了解當時的情況及誤解。
          近來擔杆大咬，約了一班好友及幾位釣友在20/3出礁釣魚，並在14/3已BOOKED艇，後來收到船家的通知，得知有2位釣客(即當事人)想在當日一同出礁，其後當事人更致電給我報名，發現原來曾是同艇釣友，見船位有剩，便答應當時人。其後再加上幾個釣友，組成一個20人團。
          到了20/3早上，朋友來電說其釣會之比賽，因船發生意外故取消比賽。便問我還有沒有船位，因船位已滿，故拒絕。後來他再來電說，因平時假日要照顧子女，很難才可出席是次釣行，極希望可以出外釣魚，並用了十分鐘遊說，更主動說明自己將坐在船尾，不會影響其他釣友，本人唯有答應。才出現22人。(不是24人)
         活動如常出發 ,到了傍晚7點左右 船家致電，船出現故障 需回廠維修， 要到9:30分才可到達接人， 接到通知便致電各釣友 ，可能身處檐杆關係， 電訊時有時無 ，之後找到接收比較好既位置，及同行釣友借用電話才能通知各釣友， 其中有釣友未能接通亦有發訊息 ，本人肯定有致電給當事人，未知他有沒有漫遊服務，其後未能通知的釣友也有致電給我問其原因，另外，讓我說明一下大魚獎，通常大魚獎是當釣友人數超過一定的數量，就會有特定人數的船錢回贈(當然每個船家回饋的數量不一，亦不想影響其他辨團及釣友誤解，故不便透露，見諒)，我想這是曾訂艇釣友都知道， 當時人已說出是次活動有$700回贈    係船費$380X2位減登島費$30X2，將其當成2個大魚獎，第1名400,第2名300。

          係度想話比大家知，我唔係乜野搞手或領隊，我只係在南區有一班釣魚朋友，亦係船家認識十幾年既朋友，咁我先約埋大家去釣魚，並唔係網友所講"有錢賺，免船錢!"  ，如果想賺錢，就唔洗同大家講有$700大魚獎。
           當日我同船家都冇講SORRY，因為同船都是朋友，亦都係電話度講左會遲，以為大家都知咩事，如果大家覺得有咩唔舒服同唔開心，我係度講聲對唔住，另外，事主認為CALL 其他船接人就冇問題，老實講，就算CALL 其他船黎接，唔知D人去左邊，夜媽媽點搵?CALL得黎，時間都係差唔多，當然仲有錢銀既問題，其實接我地既艇，已經係另一隻船，只不過係同一船家揸黎。
          今日有好多朋友打黎問我件事係點? 又話個世界咩人都有，唔洗理咁多，亦有同行釣友同我講"聽到當時人話自己釣到大魚，有機會攞大魚獎，完全唔覺得今次釣行有問題同唔開心，又冇即時同船家反映問題，估唔到大魚獎落空後，就周圍發放咁既文章，有時D野，希望大家了解事情的來龍去脈，先去批評，唔好道聽途說。

回復 21# isokiller


    呀師兄！初三嗰日我是第一艇走的，某人話19個人起載，所以中途放底其中一位釣友在磯上，那個被放在磯位上的都叫做在磯釣界都有名！如果19個人是起載，那24人是什麼呢？一句講晒，收買人命加不負責任！

呢個艇家年初三都比(.)拉左上島啦。。。唔會(師兄)你唔知呀 呢個艇家出名玩(招在)啦！！！！！ ...
himm 發表於 2011-3-24 08:56

                               
登錄/註冊後可看大圖

師兄你初三比人拉左上島...邊個島呀.有無比人拉呀.住左幾日呀.初幾返呀.比左幾錢先放你走呀.有無取左你釣具叫你比錢呀..有冇呀..係咁可能新年初三你有冇比利是給.呀..如果以上冇一樣講中的話唔係叫拉..係叫(查).你要記住你偷渡出
入境入大陸珠海境人地有權查你船.唔好以為比左登島費大洒

樓主在這次釣行覺十分氣憤, 因此在這裡訴說領隊諸多不是, 但是次釣行是不是領隊需要負起所有責任?

今次的 ...
isokiller 發表於 2011-3-24 22:25

                               
登錄/註冊後可看大圖

Killer c 兄, 冇事嗎 ? 唔知你都出去釣, 如果唔係, 一定跟你出去玩過痛快 ! 祝早日康服, 准釣証早d發還 !!

師兄你初三比人拉左上島...邊個島呀.有無比人拉呀.住左幾日呀.初幾返呀.比左幾錢先放你走呀.有無取左你釣 ...
都都 發表於 2011-3-25 03:07

                               
登錄/註冊後可看大圖

    ...C兄...你又唔好咁講！...假設你係去海洋公園或狄士尼公園！....
....入到去.俾人查飛又懷疑你張飛係假飛！...樣樣唔使你做..齋坐10零個鐘！....即日假期就玩完！
....係人都嬲喇！....因為好似責任不在俾錢果個人身上！...

.....你可以話責任在賣飛俾你果個奸商！...但人地都可以話責任在俾錢個茂利冇睇清楚！....
.....(果日真係查得好耐！).....

Killer c 兄, 冇事嗎 ? 唔知你都出去釣, 如果唔係, 一定跟你出去玩過痛快 ! 祝早日康服, 准釣証早d發還 ! ...
了神 發表於 2011-3-25 11:15

                               
登錄/註冊後可看大圖

無事, 仲有二聲咳. 有心有心!

回復 1# 吾係廚房仔


    我唔知係唔係其他人驚無得出外礁釣魚,所以無人出聲啦,但我就真係忍唔到啦!最多我咪唔出外礁,

我就唔信得你一隻船,得你依個xx帶隊啦!同行的釣友>如我有表達錯的話,請出post修正!!


  我收到朋友信息,有人唱大戲...入黎睇下.....
    只講20/3/2011香港仔釣行,我當日有份出!!你哩句說話講咩.....!!你禁大個人,禁勞氣,禁有火,你一落艇咪釣爆佢兩個LOL,睇左你成編野,無POINT,只是覺得你斤斤計較!!
做男人唔好係背後做小動作,一係當埸爆,在家打禁多字,浪費時間!!做電車男!!
   首先,無人CALL你叫你去一齊玩,係你自己打比人有無位!!
   人多,你去到碼頭,你都可以數倒,而且你後落果10專虾,做成短暫混亂,你又要講SORRY AR......!!你都無講......haha....你唔講......
   你見人多,見倒南xx艇家,你可以即時走,無人阻你,艇錢虾粉,都唔洗比!!
   未知24人定22人就周圍唱,人格可想而知!! 人家自願坐船尾, 又影響你......!!出外礁已有風險,你一早已知,你又不是新手!!
   帶隊比個好位你,中倒魚,高興得同fd吹幾叻幾勁幾開心,booking埋枱食飯,你自己預計出左問題,又關人事......
   如果你無魚中,龜左唱得重勁.......
   到左19:00帶隊電話到,話壞艇,那唯有等待艇接....,忠仔一個人照顧21個釣友都好辛苦,要打十一組電話,重覆同一番說話,我地同艇釣友都會體諒!!
   你發覺唔對路,你都打番比忠仔, 証明你有keep帶隊同艇家電話,做得岩,有準備預防萬一,係好事!!
   其實,當日,22人都呆等,D蚊大咬,何止你一人中招,但人人都無發皮四,唯你獨專!!
   以為可中大魚獎,同艇上人講,到無又失落,又唱人抽油水!!你有本是中兩條更大咪得獎LOL, 又無料,又要小 !!
   我相信你無做過搞手,而且 氣量挾窄!! 你試下做搞手,你咪知LOL,未做過你咩都唔知.......
最後,無人想發生任何不愉快既事,我同搞手做朋友,釣魚已好幾年,係為釣友做事的人,我撐你.......!!!

     小弟係南區釣友，亦係忠X，南X進的朋友(一個月會約幾次出黎食野個種)。我雖然釣魚唔叻，又常常被忠X欺凌，更會被南X進笑我唔識野。我十分清楚明白，有時佢地講野有幾難聽，但我相信，我比大部份釣友都更了解他們做事的手法及立場。
     由今次樓主所經歷，以及回應，我看見從前的自己(一個超新手)，既衝動、亦魯莽。做事只看眼前，將責任推到別人身上，從不自我檢討。 因為一個成熟的釣手，唔係只在礁上，手拿名杆釣魚咁簡單，當中還涉及準備，應變及保養。

1.準備----是指去釣魚前，考慮一下會遇到的問題，例如通訊，糧食，衣著，照明，蚊香，藥品，救生用品。

•     通訊，明知出外礁，漫遊基本上是必要，自己冇，拍個同伴有，既可打出、亦可打入
•     糧食，任何戶外活動的玩家，都不會只攜帶剛好足夠的食糧，帶多D，釣友漏有，船遲左做係常有的。
•     衣著，戶外活動，天有不測，雨衣，毛衣都要考慮帶唔帶
•     照明，無論日水，夜水都要帶，最好跟身，落左海，讓人容易察覺，還要注意有冇電
•     蚊香，之類防蚊用品，唔帶係抵死。
•     藥品，防曬，暈浪，膠布都要準備。
•     救生用品，經常檢查自用的救生衣，有必要時還要準備救生繩，爬山扣之類

以上種種都最好預多少少，因為戶外活動都有一定的風險，尤其係磯釣，這些基本安全意識都沒有既人，基本上唔應該上礁，對自己危險，又要人地擔心。

2.應變-----是當發生問題時的處理方法，方法有好多，我將忠X及南X進都唔小我的方法說出來，比大家參考，當船比預期遲得多，打比忠X，因為通常忠X同X油X聯絡，佢未必次次都搵到曬所有人，咁自己打比人，好正常，一係打比X油X，佢電話NO.隻係船上大大隻，當然船遲，就一定有問題，船家一定煩躁，作為一個成年人及釣手，應學會體諒，埋怨並不會幫助解決問題。前提係有電話用。

3.保養-----我講既唔係釣具保養，係人與人之間關係的保養，我唔認為一有事就"以後唔上佢隻船"就係一個好既做法，樓主係南區友，都知道南區磯艇冇幾隻，唔通樓主認為下下出三家村好方便? 我見樓主咁耐都唔覆，都係唔想再搞大件事，証明你心底都係一個成熟有智慧的人，睇左咁多師兄既見解，雙方都明白自己有不足的地方，我見到忠X有留言交代，是負責任的行為，也沒有惡言相向。男人大丈夫，唔會為咁少事記仇。
        
        最後，我想大家明白，磯釣除了同大自然配合仲要同別人配合。記得有句釣魚網名言"沒有最好，只有更好"，希望大家明白當中的深層意思。

P.S: 其實忠X同X油X成日都諗辨法令釣行更順利和專業，希望籍此機會，大家將問題及建議放出黎，令釣界一同進步。