一起釣魚的日子

6號的下午，我收2點9，馬田收3點半。2個都咁早收工，當然係去釣魚啦‧‧‧


去到臭河，馬田同我都冇拎剪刀出來，得把界刀，我調標調得好辛苦‧‧‧
都唔使點打窩，就好快有魚入窩，馬田的爆炸勾更搶先中魚



我都好快起左窩，中左第一條非


唔使半個鐘，我的目標魚出來了


馬田近來操得支拋杆太密，支杆終於發老爛唔撈，頭節冇左。馬田一於少理，一下就成支第一節拔走，第2節當第一節用，睇到我呆左。


天黑前當第二條白鯽上左來，真係好感動 ，釣到白鯽的時間剩番唔多架啦，依家唔釣遲下夏天都幾難釣到。


比馬田偷影到我新絕招‧‧‧左手搓緊雙餌準備上勾，仲有手可以拎煙‧‧‧


爽死！第3條，仲要3條都唔細


睇一睇2支燈，左邊係馬田既「警隊專用冷光燈」  ，右面就係我果支爛鬼台釣燈 ‧‧‧幾大分別‧‧‧馬田果支好光丫。
有警隊之光射住，馬田即中白鯽



本來馬田諗住黑媽媽事但影下就算，點知影完我睇一睇，咁大條既？即刻落尺先再講。



愈來愈夜，愈來愈凍，最後釣多條白鯽同非，我就冇曬資訊嚕‧‧‧


馬田爆炸勾竟然仲有反應！！！仲破埋個人記錄魚！！！「爆炸勾釣正吃釣到最小的魚」 ‧‧‧藍刀一條‧‧‧拉到杆都差d落埋水(爆炸勾釣正吃釣到最小的魚)。馬田即刻凶住條藍刀影相



收工，明天再戰維(圍?)港

9點去到圍港，一早以經有人釣緊魚。馬田又係開杆好快上到魚，我就悶左一陣


馬田仲好快上埋有番咁上下size的非


一路釣唔到魚的我，總係想搵d野瀨下‧‧‧發洩下。係你地啦！ 嚇走曬我d魚丫！ 不過算啦‧‧‧見你地係丫姐，咀咒下你地算啦，發洩‧‧‧就免啦。


今日我想搵白鯽同網紋，但係搵左成日都冇白鯽，好在有網紋，不過望望下點解同我上年釣到果d唔同色？



拿，依條就似上年釣果個樣啦，好靚仔。



釣完2條網紋，我就冇曬境，馬田中白鯽 ！！！又係有番咁上下大條。勁丫！



馬田仲要強迫白鯽用佢細細的嘴巴吸啜自己的手指，哈哈。


食完反我同馬田收番個爆炸勾‧‧‧又一笑料
我的
馬田的

馬田下午起左一支雙飛，不過另外果邊係一舊木‧‧‧


就咁渡過左一個假期，曬曬下我番到屋企又黑左唔小。

好多魚咼!

圍港又開始好魚!!

爆炸勾達人

深喉

實在太好喇......
天水圍d網紋冇凍死晒, 嘻嘻~~

好懷念涌尾的磅裝網紋！

回復 1# hideson

我地探索小隊..偏向虎山行...嘿嘿

前晚 & 昨日臭河下游有水

本來可以去霸底/平原/什至屠房....

遇吓怪物過吓手癮

but 我們要測試臭臭上游及圍城河

-"冬後" 復甦指數
- 鯉魚籠中魚指數,
-非毛指數...

所以去咗d釣況不明朗地方               

結論是- 乍暖還寒時份, 有魚but未完全回復昔日咁好景

and.....見到 fly 版 mayble 姐姐

馬田：下次唔好用手指，用脚趾。