溫馨提示 - 新釣友夏季野釣需知

hideson · 發表於 14/4/2011 16:37:48

本帖最後由 hideson 於 2011-4-14 16:43 編輯

一年一度的夏季就快來臨，對於初次接觸大自然沒有多久，或是秋後、冬季才開始學釣魚的釣友，可能從前一直生活在文明社會，享受著科技帶來的舒適

，所以忽略了大自然對自己的影響。夏季，不同於秋冬，危機四伏，一時不留神，小則經歷一個痛苦的釣行，大則可能「比天收」！

1‧食水
‧天氣比較涼的秋冬，人體對於水的需要不大，在冬天對水的需求可能更小，一般可能一支普通size(550ml)的清水，已經可以應付全日最低要求的飲水量。但在炎熱的夏季，人體對水的需求會大大激增。若果在沒有飲品購買的野外才發現食水不足，就會面臨很痛苦的決擇──走？還是留？

‧如果計劃自己會全日出外釣魚，準備1.5公升(圓型樽之中最大size)的清水會比較好，除了可以飲用，還可以濕毛巾抺臉。

‧若果因天氣太熱感到不適，清水更有助救自己一命，免受中暑之險。

2‧天氣
‧出門前應先參考天文台預報，有個心理準備。

‧夏季風雨突別多，而且難以預測，若果可以的話，應該每次出行都帶備大陽傘，以備不時之需。但大陽傘會因風而令到釣台/釣箱倒下，同埋多數都係向水果邊趺！所以行開行埋收一收把傘安全d。

‧在大陽傘的保護下，除了避免太陽直接照射皮膚，還可以令到受太陽傘保護的地方溫度下降，更加舒適。
‧雖然天文台很努力，但天氣預報雨量命中率平均只有67%，所以應該隨時有風雲突變的警覺心。

3‧汁生！！！
‧若果因天氣太熱感到不適

頭暈

疲倦

作悶

流汗加劇

口渴

作嘔

‧這時應即時遠離高溫環境，走到室內或陰涼位置休息。腦部是人體最易壞的部份，只要腦溫上升小許，已經十分危險，這時應用室溫清水澆頭，及用濕毛巾抺身，休息15分鐘未見有改善應立即求醫。

‧所以你話拎支大水幾有用，我諗你都唔會想用臭河水幫自己急救下話？

‧若果你已經

嘔吐

心跳加速

肌肉抽搐

‧千期唔好諗咁多，唔好以為中暑唔會發生係你身上/可能唔係中暑/休息下冇事──999！！！
(我不是專業醫生，及沒有擁有任何認可的急救文憑，上述急救方法只屬本人的聽聞/網上的參考，詳情應問問自己個家庭醫生)

‧若果當日風和日麗，但係突然見到對面山黃左/白左/唔見左，及山頂有小小黑雲(黑色的...雨雲)

好可能係短暫雨來緊，應該做好準備，最起碼都收減小小野，方便逃走。

‧若果全個天色突然數分鐘內轉變，及突然刮起大風，這大多是暴風雨的先兆，收定野都未必走得切！

‧因天氣可能在數分鐘突變，所以應在釣魚前作好走佬路線準備。

‧大多數的野釣地方濕水後都非常濕滑，所以儘量避免於太斜的斜路作釣，於大雨來臨時引發危險。

‧若果發現已經被暴雨圍困，或因大雨令能見度太低而不能確定正確出路，有山泥傾瀉等等的危險，唔好諗住博好彩，999！

總結
其實好多時都係因為自己懶/博負碌/冇警覺心所以先會引發意外。釣魚的人，當然要愈爛釣愈好，但係釣到自己生命都有危險，咁又好唔值得。希望各位新加入的兄弟們今個夏季次次爆釣。

martin4234 · 發表於 14/4/2011 17:30:41

回復 1# hideson

請大家好似hideson 咁, 輕鬆享受釣魚, 妥善安排行程

wlso · 發表於 14/4/2011 18:24:44

Ching 真係有心，

發表於 14/4/2011 21:28:16

仲有防蚊呀！Ｄ蚊好恐怖

morimami · 發表於 14/4/2011 23:40:31

本帖最後由 morimami 於 2011-4-14 23:52 編輯

仲有防蚊呀！Ｄ蚊好恐怖
12345 發表於 2011-4-14 21:28

登錄/註冊後可看大圖

呢個真係重點……
防曬包到成個木乃伊咁都頂得下
但係咁包法d蚊/幪都照走入黎
抓都唔知點抓真係生不如死

一般既防蚊用品效果都係差唔多
聽講軍用蚊油有用……應該邊度買

有關熱天對人體影響
一般分為熱衰竭同中暑兩種

前者係天氣熱流汗太多
失水失礦物質會有大冷汗抽筋既症狀
要及時補水同適量補充礦物質（如電解質運動飲品）
因為出汗會流失鹽份夏天可以酌量食鹹些少

後者係人體失去調節體溫功能既情況
主要係出現響出汗都蒸發唔到既濕熱無風環境
無法有效散熱會令皮膚又紅又熱又乾有機會致命
呢個時候係以灑水吹風被動散熱為主

highbeam · 發表於 14/4/2011 23:58:50

以自己身體試過唔同飲品. 最好夏天飲品, 綠力!!! 士多幾蚊買到.

帶水出街, 最好係金屬水樽.長期用運動膠水樽對身體唔好. 因為好多都有雙酚A.
仲有最好唔好用一般飲用礦泉水之類樽, 重複使用有機會有細菌.
去 google search : "破解坊間傳聞─樽裝飲品膠樽有毒？"

防蚊依家都用 "Off" Deep wood. 效果唔錯. $40左右

仲有其實係要太陽眼鏡, 長期接觸紫外光是白內障的成因. 仲有所謂有UV 保護, 大概只有一年就無. 最好用遍光加UV保護.

方小邪 · 發表於 15/4/2011 00:28:03

"若果全個天色突然數分鐘內轉變，及突然刮起大風，這大多是暴風雨的先兆，收定野都未必走得切！"

記憶猶新

martin4234 · 發表於 15/4/2011 08:04:27

回復 7# 方小邪

,雨釣回憶...小邪

方小邪 · 發表於 15/4/2011 13:52:15

回復 8# martin4234

期待下一次的來臨

hideson · 發表於 15/4/2011 14:46:25

仲有防蚊呀！Ｄ蚊好恐怖
12345 發表於 14-4-2011 21:28

登錄/註冊後可看大圖

係！蚊水真係一年四季都必需
但係我一年四季都唔記得拎‧‧‧

[其他] 溫馨提示 - 新釣友夏季野釣需知

評分