釣魚時防蚊用品

一直以來小弟係一個非常之引蚊針既人,特別去到一D生疏既地方,往往會比蚊咬到豬頭大象腳咁, 直到最近小弟學人釣魚不論日水或夜釣亦都受到同樣對待非常大咬(蚊唔係魚),由於本人日常工作都會同樣被蚊蟲襲擊因此本人曾經試過多種方法去防止蚊蟲襲擊,有些有效 ,有些無效 以下係小弟曾經用過防蚊用品之效用分響.

***** = 效果最好

*        = 效果較差

蚊怕水  --------- 效用不高,防蚊時間較短(1-2小時),有皮膚敏感,或氣管敏感人
                     士不宜使用,用時會(癡立立),( ** )

蚊怕膏  ---------- 效用較蚊怕水高,防蚊時間較短(2-3小時),引起敏感症狀較低
                      使用時比較麻煩( *** )

蚊  香  ---------- 防蚊效用係最差勁,防蚊時間(蚊香燃燒後直至
                     熄滅,防蚊面積有局限,氣管敏感人士不宜使用
                     ( * )

以下是一種特效防蚊用品,一次偶然之中,喺 : 一個非常天朗氣清既晚上,一個位於新界區既燒烤場,一個沒有帶備防蚊用品既捐血者,一群凶狠既白蚊衣蚊圍住捐血者瘋狂吸血,突然 : 一個中年,當時貌似女超人既大姐就從佢個手袋拎出一支,細細支既液體出黎比我,並叫我使用,一用之後果然利害,凶狠既白蚊衣蚊突然四散,凶狠既白蚊衣蚊一邊散,一邊發出,嗡嗡聲類似( !@#$%^& )既聲音,當晚該名捐血者非常之安樂地繼續娛樂,經調查所得(貌似女超人)所使用既法器原來係( 花露水 ),頂...........果然利害,從此該名損血者身邊長備一支.花露水不但防蚊效果超好,不會引起敏感,不會癡立立外,仲會對體汗及體臭大既人有幫助,本人覺得係咁多種防蚊用品最好既一種(個人意見)

備注 : 各位男師兄記住,使用前三思因為花露水,係非常之香,近似香水,所以,以免釣魚使用時無蚊咬,回家後被河東獅誤會偷食俾佢咬 (本人並不負責)


以上是一般之防蚊用品,只是個人曾經使用,及用後之感覺,如果對各位有用既,加小小分數,謝謝!!
又或者你地有其他防蚊法寶同樣可以回貼廣告天下

我最近用左隻蚊油好好用查一次有效成7-8小時
如果你想知名可pm我
因為唔知可唔可以打出來

咁... 係咪咩咩嘜花露水呀??

定係有其他牌子??????

我反而覺得蚊怕水、蚊膏或蚊貼都唔及得上蚊香 … 依家試過一隻黑色蚊香超勁 … 驅蚊效果一流

原帖由 kingston 於 2008-6-27 14:31 發表

                               
登錄/註冊後可看大圖

咁... 係咪咩咩嘜花露水呀??

定係有其他牌子??????

全中就係( Two gilr 乜 ),我試過用其他牌子感覺上係無佢咁好用,喂老友加D分好WOR

原帖由 regalricky 於 2008-6-27 14:24 發表

                               
登錄/註冊後可看大圖

我最近用左隻蚊油好好用查一次有效成7-8小時
如果你想知名可pm我
因為唔知可唔可以打出來

帥兄, 可否pm告知, 及於何處購買, 小女子劑劑都做人肉滅蚊器, 剩係咬我1個.....

蚊怕水或蚊怕膏中成分DEET（待乙妥、又稱適避）係用la趕蚊用..成分愈高驅蚊作用愈大

講比蚊咬...我認第2無人認第1...
個人紀錄...一晚超過..130口....拍死超過100隻蚊!!!!!

原帖由 alexlam1016 於 2008-6-27 15:25 發表

                               
登錄/註冊後可看大圖

講比蚊咬...我認第2無人認第1...
個人紀錄...一晚超過..130口....拍死超過100隻蚊!!!!!

呵呵!!咁就要試下我介紹果隻"花露水",神勇乜乜乜,用左好處多多除左防蚊驅蟲外仲可以,暫時解除你既大汗等味道,簡直係............居家旅行必備良藥

好開心阿!!終於有師兄加分比我喇 ,多謝kingston