老人家說的~釣魚禁忌(轉貼)

• 釣魚禁忌
  
  關於釣到"油錐"既事...
  話說釣魚如果釣到"油錐", (一種長型似鱔類既魚, 不過咀較長同尖.) 就要離開唔
  好繼續釣, 因為果度一定死左人. 同埋, 唔可以釣三條, 最多兩條一定要走.
  
  話說好耐之前有次佢租左艇出海釣魚, 先釣到一條"油錐", 個艇家望一望神情已經有異, 之後跟手好快又再釣一條, 個艇家即時話, 保證佢一落絲即刻可以釣多條, 果
  然, 話口未完又中, 但個艇家二話不說就手起刀落斬斷條絲放走條魚, 跟手開艇走人.
  
  走既時候講返原因, 話如果唔斬斷條絲放走條"油錐", 水鬼(或者話浸死呢度個人
  既魂魄就會跟埋上黎.)云云.......
  
  佢仲講左另一個釣友間流傳好出名既故仔, 話說就係有個人釣左兩條油錐上黎, 放入桶養住, 見到桶水有頭髮絲, 不以為意, 再繼續釣, 結果釣左三條油錐 (其他魚唔知幾多啦), 之後走人返屋企, 當晚已經急病好唔舒服入急症, 三日後就去左.
  
  果時佢屋企人先得閒返屋企睇佢d野, 發覺佢裝住魚穫個桶冇晒魚, 得桶水同埋一堆頭髮..........
  
  呢位朋友話好多時, 釣到油錐上黎, 放入桶到養住時, 都會發現頭髮絲....... 佢自己都研究過, 係有少少科學根據既, 因為油錐呢種魚係食腐肉死屍做食糧, 所以如
  果連續釣到兩條油錐或以上, 即係果處下面有死屍哪......
  
  介紹
  油錐 (Moray eels)
  油錐魚身長且扁，沒有胸鰭，腹鰭。鰭上亦沒有棘。多出沒於溫帶水域。油鎚以食其他魚和無脊椎動物為生。在日間，多會躲在石隙中，只會到晚上才出來活動。油錐性格兇惡，一旦被騷擾即會作出攻擊，因此處理此魚時要加倍小心。(轉自釣魚學會網頁)

圖片:
你地認為會唔會真係有死屍?
大家信唔信都好回覆一下~

我覺得個海咁多油錐 , 但又唔太夠死屍 , D油錐咪唔夠食????
不過 , 就算有死屍 , 都唔一定係人類死屍 .

家下d人連油追都放生，
仲放到一海都係，
莫講話三條，
有心釣既話，一個位釣三十條都仲得！

油錐..我幾十年未釣過啦. d人係邊度放生架? 我想.....
有屍會有多d油錐, 絕對有可能. 不過我知油錐都鍾意珊瑚.
珊瑚礁多d油錐定係有屍地方多d油錐?
唔好理佢...出發....

咁多位師兄睇黎都好大膽= =+

聽番D 老前輩講......以前有咁個說法因為幾十年前多人偷渡，浸死了，海裡有屍體唔出奇。

今時今日其實已經唔同了.....