去到沙巴第四天,死lur爛lur終於搵到多一個釣友一起出艇,船長見我咁爛釣,先勉強搵多個鬼佬同我地一齊出去咋......
今次人數少(客仔得三個!工作人員有四個!),價錢由rm480加到rm520一個人.
加上今日初十五,流水好緊,想jig板,就只行左40海哩去左釣50-80m水.
第一個釣點,流水唔算太緊,100g都落到底,jig唔夠一陣就有魚,我第一次一炮雙響,好鬼正的感覺!因為我呢兩條係先食左一條,收收下第二條先食埋來既.
果度成70m水,加上條魚唔算大(約一斤)jig中一條時,力度唔算大,收到一半,再爆多兩下,都心知不妙(因為明明抽離左水底,條斑斑已經中壓,無晒戲交)再收,嘩,重左咁多野,以為有垃圾.點知起雙飛~
laiben都用骷髏頭中斑斑~
中壓中到xx都爆左出黎 呢條炮彈都算陰公......影完相我幫佢吉左野,唔知係唔係成功放左氣?!(真係聽到"吱~~"一聲架!)
今次中畫眉
個幾鐘後,船頭的魚穫.我覺得唔知係佢魚多,定係地方文化不同,佢地保存魚獲的做法比較求其,一來唔放血(如果有心食,我一定放,尤其是斑斑),二來唔怕掂淡水,三來唔會即時入冰箱,多數會儲夠數先.但係其實天氣咁熱,魚肉好易腐敗,雖然說唔會發臭咁大獲,但放得耐,始終唔好.
好在,船長都從善如流,我友善提出之後,佢都叫魚僮"做野",不過後來好似又不了了之,唔記得左,烈日下繼續儲魚......
比埋比例大家睇,唔洗半日已經釣爆箱(當然,個箱內其實都好多冰......)
中鬼晒壓
紅汀
中場休息,有人搞屎棍係度船
下半場轉陣,魚種唔同,jig中海狼仔
美麗的魚魚(係唔係將軍甲?)
今日釣行可惜的是大部份魚上到水己中壓, 眼都突埋, 不能 release....
post住先.有野做......下回再續! |
樓主
顯身卡
Patsy好勁呀, 條片好正呀!