妙問妙答

話說係5-7-2008晚上,地點於大尾篤碼頭,人物係兩兄弟+兩個唔知男女朋友or兩公婆.
事源係當晚釣釣下突然兩兄弟聽到從遠處海面傳來沙沙聲,心知大雨將置,馬上提起釣具住小食亭避一避,不久兩男女也到來,兩兄弟聽見兩男女在討論筒內咩野魚?有無毒?之後男的踎底將筒內唔要嘅魚倒落地(梳欏),剩底要嘅魚拎過黎問我"咩野魚?有無毒?",我話係石狗公無毒,咁佢地就想走,於事乎...
我問"地下D魚呢?"
男答"唔要家喇,剩係攞兩條石狗番去滾湯"
我問"地下D魚係咪就咁放係度?點解唔放番佢落海?"
男的諗都無諗理直氣壯咁答"死左家喇"
我再問"咁你唔揼番佢落海?"
男答"死左家喇喎"
我再一次過問晒成條問題"咁你唔要,釣到時點解唔放番佢落海,家陣又就咁揼晒係地"
佢地終於明我講咩野,於是女的望住堆魚問男點算,男答"...咁...咁...咁走啦...",眼望男女尷尷尬尬的離開,心裡暗喜,因為係有心令佢地難堪,再望望堆梳欏,暗嘆希望救得一個得一個(我指嘅係人)

兩條石九煲乜鬼湯呀
好心就放埋啦

釣到上黎時, 既然都諗住唔要, 好應該馬上放生.....
太無釣品了!!!!

如果可以同佢講:"既然條疏羅都死咗, 可以同石狗放埋一煲湯!" 咁就仲好....

原帖由 kingston 於 2008-7-10 12:22 發表

                               
登錄/註冊後可看大圖

如果可以同佢講:"既然條疏羅都死咗, 可以同石狗放埋一煲湯!" 咁就仲好....

絕對同意~superkao2^ 仲要唔係一條,係一堆~superkao12^

原來香港衣個所謂國際都會, 仲有好多無知嘅人,

資原唔會無窮無盡, 講得好, 救(教)得一個得一個!

我覺得d一對情侶 多數d男帶女朋友去釣魚係想威  所以釣一堆魚毛上黎..都養住....
我講緊既唔係好似我地業餘釣手   唔知有冇型容錯呢  希望有人明我up緊乜
如果係當時既我..我會話:就算你唔拎走d死魚,都唔該掉返落海..等其他魚去消化佢地

好本份!同您一齊向海笑.

.....哈哈哈"魚"到爆......GOOD JOB師兄.....希望佢地下次識做啦

妙問妙答。