大尾魷過季的真正意義??

我諗好多人,包括我自己對於大尾魷的釣期都有不少疑問,
其實所謂過季是否比較大隻嘅產卵後已經死亡?抑或已游出深海?
大隻出現在淺水區的情況,又係咪只為交配產卵??
會唔會有其他原因呢??
有興趣嘅釣友,歡迎回帖探討吓

小弟愚見: 眼見依排水溫高左, 好多地方既海草開始枯死 (例如西貢多個海灣, 小弟主場數碼港, 新手班釣點等), 冇左海草, 帶黎兩個問題:
1) 魚仔少左地方"厘"埋, 早已走佬, 依D淺水位對大尾魷冇晒吸引力, 所以釣況差左.
2) 有人研究過大尾魷冇特定繁殖期, 但冇晒海草既地方始終唔係生蛋理想地點, 所以大尾魷都唔想聚集.
其實據小弟以前浮潛所見, 西貢外海如東壩一帶既水溫較凍, 某幾個內灣海草生長至夏天八月, 應該有大尾魷出沒. 但果D地點全部都唔係步兵位, 開船去果D地方一D都唔平, 小弟冇能力作實...

哈哈.............呢個topic幾好, 等我都發表下我既個人意見, 講得唔好千奇唔好插!

首先, 關於散春後會死呢個問題, 我自己一直抱有一個懷疑態度, 如果雌性尾魷係散春之後會死既話, 何來會出現一d去到2-3斤裝或以上既雌性被釣穫呢? 同埋係散春之後會死的話, 大家有無係海到見到一條半條既死左尾魷呢, 講真, 我真係無見過, 雖然咁樣唔代表散春後會死呢個講法係錯, 但係亦都因為咁出現在一個好大既疑問出黎!

另外, 所謂過季, 最主要都係一直已來大家係近岸所釣穫尾魷既月份同多年黎既資料作一個答案, 多年黎大家都係大約9-1月份呢個時候拖到大量尾魷,再加上老一輩既人所得出既經驗, 覺得呢個就係盛釣期, 但係我自己就覺得, 隨住科技同釣魚人既技術不停進步, 現在可以釣穫大尾魷既時間亦都越來越長, 所以過季可能只係大家按照過往既經驗同資料所焗限左. 係呢方面有待大家去留意同觀察

自己個人覺得, 大尾魷的確為左交配同散春先會"上步", 點解會選擇係呢個時候上步呢, 我覺得係會按每個地方既氣候, 水溫變化, 海水喊淡度, 流水等有所唔同, 即係每個地方都會係有遲同有早, 當以上幾點有所改變既時候, 大尾魷亦都會因為呢D改變又再游返去較深水既地方.

按A少所講, 水草無左, 魚仔小左地方里埋, 所以游走左, 亦都因為咁樣, 尾魷唔再停留係淺水區, 我自己則覺得, 大尾魷係唔係一定要係水草上面散春呢, 呢個答案我自己唔敢否定, 但從經驗所得, 好多釣位, 根本不存在水草生長, 但係仍可釣穫滿肚春既尾魷, 點解呢? 另外隨住水溫越來越高, 近岸既魚仔只會更加活躍, 就算係冬天, 因為本港所處地理問題, 岸邊礁邊長期都沖滿左魚仔(我相信一大班磯釣人都有著相同煩惱)所以無水草根本不存在會影響到魚仔唔停留呢個說法, 所以我覺得, 有無水草同有無魚仔唔係直接影響大尾魷是否停留係近岸呢個問題.只要行多幾個地方, 睇多幾個地方, 不難發現以上情況.

原帖由 浦克 於 2007-4-23 13:35 發表
哈哈.............呢個topic幾好, 等我都發表下我既個人意見, 講得唔好千奇唔好插!

首先, 關於散春後會死呢個問題, 我自己一直抱有一個懷疑態度, 如果雌性尾魷係散春之後會死既話, 何來會出現一d去到2-3斤裝 ...

我認同~~唔一定要係水草同散春...我潛水果陣都見過....係一D水底爛鐵柱到有

大尾魷既卵子係道..所以唔一定係水草問題...另外想補充一點...發現釣獲2~~3斤

大尾魷的地點好像一路轉變~~我想都係同一位置係咩時候上步既問題...

另外浦浦講得岩....有人話雌性大尾魷產卵後會死去~~~我覺得絕對唔一定..

因為曾經釣獲2斤以上既雌性大尾魷我想.如果得一年時間...生長到2斤好像不太可能..

P.S小弟愚見不喜勿插

原帖由 shek9kung 於 2007-4-24 11:11 發表

因為曾經釣獲2斤以上既雌性大尾魷我想.如果得一年時間...生長到2斤好像不太可能..
1Ej:S {
@G"[/]
b
@7cKSoVwww.fishinghk.comP.S小弟愚見不喜勿插

小弟參考過一D雜誌同網頁

大尾魷3個月可生長到一斤

大尾魷係生長週期內,係可以生長到5~6斤既

師兄, 可否分享一下雜誌同綱頁, 我地都好想更了解大尾魷既習性同生張, 謝謝你.

其實根據我所知道, 大尾魷每日生長長度大約係2mm(希望自己無記錯), 如果按呢個生長速度黎計, 一個月應該係增長左大約6cm, 3個月大約係18cm, 如果按所拖穫既18cm體型尾魷計算, 如果要達到斤裝水平, 可能重差d喎.

另外生長週期係按幾長既時間作單位呢, 一年, 兩年還是更長呢? 如果生長週期係一年既話, 要上度5斤裝或以上, 真係不太可能, 另外上5至6斤裝既, 係香港同日本都叫做夢之魷啦, 一般都唔常見, 但係要生長到呢個重量, 要幾長既時間, 好老實, 我自己都唔知. 如果師兄可以提供以上資料比我地參考下, 咁就可以認識更多!

原帖由 雞雞雞 於 2007-4-24 18:44 發表


小弟參考過一D雜誌同網頁

大尾魷3個月可生長到一斤

大尾魷係生長週期內,係可以生長到5~6斤既

真係希望可以睇下．．．．大家一齊研究

生長週期內,5~6斤咁照計應該有好好多:fb1

原帖由 shek9kung 於 2007-4-24 21:39 發表
期內,5~6斤咁照計應該有好好多:fb1

補充小小,係最大可以生長到5~6斤,睇當地環境,唔係隻隻都可以生都5,6斤,就好似唔係人人都生到大大隻咁~

一到一月左右,3斤都見唔少呀

哈哈... 抱歉... 身為版主咁遲先回一個咁有趣既問題...
先討論爆叔問題...  其實所謂過季是否比較大隻嘅產卵後已經死亡?抑或已游出深海?大隻出現在淺水區的情況,又係咪只為交配產卵??會唔會有其他原因呢??
用過季來形容其實不錯... 可以講成由新一代接替... 而去淺水區捕食交配產卵都好合理... 不過唔係必然... 捕食交配產卵都可以去深水區進行...

而我見各師兄們都交出心得... 又有師兄引經據典...
不過我個人認為... 除非研究在香港水域內進行... 如不通通只可作參與...
不可以盡信... 餌木釣法在香港興起時間不太長...
但釣魷釣墨... 我老爸年青時代都有玩... 只是未有餌木... 用生蝦呢...
他們的經驗未必科學... 亦沒有分析... 但鐵一般地釣到...
我都有睇一些日本及台灣的研究... 他們釣友的分析... 套用到香港都未必合理...
不過有些生態就改不了... 而香港水質及溫室效應帶動... fit魷的季節明顯大有不同了... 今天的討論... 可能在3年後再討論已經大大不同...

不過有幾點我希望可以提出
1. 產卵地點... 不一定是大家常見的近岸水草... 海底水草一樣可以... 一條繩都可以... 大家都有睇過台灣的人工魷魷產卵場...
2. 生命週期... 一般都認為有9-18個月... 我相信大家都可能fit中過斤裝媽媽呢... 其實生幾多肉... 長幾多意義不大... 問題在於可否成長到成熟期... 我有fit過3斤裝都冇春...
3. 魷屍問題... 我確實有見過... 魷筒都超過2ft... 不過明顯有缺口... 海洋之大所發生之事... 我地人類理解有幾多... 一點可以理解是有魷死去... 早就成為大魚食物啦...  
4. 大家對重量好關心... 大家有冇真真正正去水後量量魷重... 我每次都帶boga...
一隻筒長45cm的魷魷... 連25%水... 都是3.5lbs左右即係2斤多d... 大家可以想想一隻4-5lbs的魷有多大... 哈哈 (不過我不建議去水... 因為隻魷好快會死... release 都游不回入海...)

p.s. 是否旺季不是重要... 要明白如何去保育資源...
1. release 一定要做;
2. 魷算是 冇脊動物中 高智慧一群... 處理危險及記憶一點都不差... 所以餌木生產商一個款出30隻不同... 都有一些道理...
3. 一個釣場都有循環... 讓小成長... 讓大交配...

[ 本帖最後由 gilsonli 於 2007-4-25 01:30 編輯 ]

產卵這個問題，唔一定要幾斤cup的專利，人都有十幾歲生仔啦，夠有幾十歲都做老菇婆啦，