是日龍舟水釣獲,都唔知好彩定黑仔.....

原本一早約左朋友去沙灘釣魚曬太陽,

天未光就飛車入西貢釣住魚等佢地,

點知釣到咁上下就落雨,

收到電話取消行程,

只好繼續係白沙灣碼頭釣魚,

就係呢個時候神奇既事情就發生啦!!!!!

竿頭受到兩下抽動,睇住竿先慢慢指向水面,

我控制住自己激動既心情,

慢慢數1...2...3...一抽!!中!!!!

終於俾我上到黃小姐啦!!!!!

而最神奇既事係一不離二,二不離三

雖然都係d小朋友,

但都總算釣到立啦!!!!

呢條唔似黃小姐...係咪叫黑沙呀??

仲有其他釣獲

不過神奇既事情都到此為止....

接落黎就係不幸既開始......

話說我用曬d青蟲,

諗住開番枝狗竿玩膠蟲,

一放到落底的番起果陣,

突然俾不明物體打劫,

枝狗竿即時滿弓差d俾佢扯埋落水.....

我自然反應大喝一聲抽竿 --「啪」!!!!

冇聽錯真係「啪」!!!

我心諗唔係炸竿呀???

望望枝竿又冇事,不過輕左咁多既???

原來係個攪斷柄呀!!!!

雖然佢只係一隻價值百多元既yoshikawa sc1000.....

但佢都幫我應付過唔小狗仔,

我一早已經認定左佢係我一家人....

依家竟然要白頭人送黑頭人.....

最冇陰公既係我根本連睇清楚兇手個樣既機會都冇就俾佢走左.....

有冇師兄幫我報仇呀!!!!

白沙灣碼頭成日得閒有D 怪物打劫... 一個5留神會死人架-.-"

白沙灣碼頭黎講算好好魚啦！不過真係會有怪獸突襲嫁，由其是係你諗住收工係度hea既時候！

d立真係好細條
彩色果條咩黎
呢隻雞泡係唔係值錢果隻黎
不過斷攪柄真係好奇怪

師兄有冇諗過神奇既地方係個天示意你應該買多幾兩蟲繼續玩前打先可以報仇呀？

我上次就係放低支竿點支煙時,差d就比佢拉左支竿落海,所以真係要...小心小心

J神..四種鱲都比你打曬上黎.....神!!

白沙灣碼頭成日得閒有D 怪物打劫... 一個5留神會死人架-.-"
selwynhosh 發表於 2011-6-6 16:28

                               
登錄/註冊後可看大圖

    我下次會帶枝重火d去旁身架啦T^T

白沙灣碼頭黎講算好好魚啦！不過真係會有怪獸突襲嫁，由其是係你諗住收工係度hea既時候！ ...
wilsonkof 發表於 2011-6-6 16:42

                               
登錄/註冊後可看大圖

    唔知釣夜水會點呢......

d立真係好細條
彩色果條咩黎
呢隻雞泡係唔係值錢果隻黎
不過斷攪柄真係好奇怪 ...
jason900624 發表於 2011-6-6 17:03

                               
登錄/註冊後可看大圖

    下次帶d生蝦去試下先,我今日證實左大餌釣大魚,我原本落青蟲小細舊,我見到d細魚係咁啄,d大魚就係旁邊睇,我一落大舊d既蟲,d大魚就衝埋黎

彩色果條我聽阿叔講好似叫青衣????
斷柄都唔知係我用得太粗暴定真係平野爭d.....