打完躉再打駁

尋晚星期六晚朋友放假，又實要捉埋我去搵魚，
事前四圍打探又左思友右想可以去邊度釣，
但結果最後決定釣生不如釣熟，又係上躉玩！
因為今次既目標魚係紅鮪，所以我地上左去城市花園那邊

今次一心唸住撈粗野，所以特登去海鮮檔叫佢留左d大過手指尾些少既花竹蝦做餌

19:00上到躉，由於我個較未打粗絲，結果就錯失左先機！
朋友頭四口餌落，就即起三條甩一條斤頭紅鮪！
到我打好絲，開好竿就竟然靜晒！
好彩之後釣到十點幾，我就中番一條磅頭石蚌、同一條半斤庄既紅鮪（由於size唔合朋友胃口，所以即釣即放無映到相）
跟住十一點左右，見艇家出來車人走，無謂要佢車兩轉，所以我地都執野走……位


朋友釣癮大，釣幾個鐘一定唔夠皮！
我地轉左去上駁再釣過
今次朋友轉釣組，改用浮波
而我就繼續用磯前打既方法去搵魚
不過兩個都一直係零魚訊

直至到一點幾（這條駁既黃金時間）
條魚一埋來，就己經將我成支竿拉落去，自然反應地一抽！
聽到支竿既慘叫聲！
係佢啦！目標紅鮪出現啦！
上上落落力戰幾回合，上水啦，一睇應該有兩斤半以上
朋友係隔離呆睇，我叫佢快些拎撈箕啦！
可能條魚聽到"撈箕"兩個字有反應，再發惡，
我頂返佢上水面，以免佢剷埋石斷，
點知條魚係水面跳多兩跳，竟然爆左口

唉…唯有啦啦聲勾過隻蝦釣過啦，
話都無咁快，又係同一個位又食餌，
只不過今次抽中後條魚唔係左右飛，
而係好似香港個股市咁---->"一直尋底"！
我死到唔俾你返落去架喇！你返左落去仲會上黎？！
頂頂頂....
今次撈箕就係隔離，無甩拖！
朋友一撈，兩斤青斑就擒！

之後就再無魚訊，
03:00我都收定竿，坐下抖一下，等埋朋友收工，
只係個朋友一直都歇而不捨，最終天光前又真係俾佢磨返條磅頭黃腳

05:00 走人


釣魚好得食既花竹仔



條斑好鬼肥





朋友今日既豐富海鮮餐！
有斑有立又有鮪

銅鑼灣駁???  好好收獲啵

Waahhhhh!!!  有斑有立又有鮪!!!!

無錯，不過銅鑼灣駁今年真係好疏口
今晚如果唔係好彩釣返條斑，其實都係打龜！

佢地終於肯開口啦！因為我無去.............

只可以講句 . . . :±1_56±

下次有局記得預我(新手)

原帖由 hiu2006 於 2008-7-27 15:31 發表

                               
登錄/註冊後可看大圖

佢地終於肯開口啦！因為我無去.............

上躉釣既紅鮪就不嬲都開口架啦！
上駁釣既就依然係唔開口喎！
都唔知係咪轉左食齋！

原帖由 RGiggs 於 2008-7-27 20:08 發表

                               
登錄/註冊後可看大圖

上躉釣既紅鮪就不嬲都開口架啦！
上駁釣既就依然係唔開口喎！
都唔知係咪轉左食齋！

好魚好魚
下次記得拎埋d菜呀,包呀...去試下係咪真係食齋喇

原帖由 kennethnip 於 2008-7-27 16:53 發表

                               
登錄/註冊後可看大圖

下次有局記得預我(新手)

師兄，我都係新手呀！
乜都唔識架生又無

如果有機會，一齊去跟其他師兄學下野啦！