浮標落水翻身問題

請問大家浮標落水後點解唔識翻身？
即使調到翻身，支標都係斜斜地 11目全露出水面．．．
我已經整條鉛皮卷了，沒有剪過～
最終要用夾鉛夾在標座附近才可以垂直翻身露 6-7目！

正常真的要用夾鉛夾在標座附近嗎？

Please review the image....

鉛片座上的鉛夠重標一定會沉，唯一解釋係你調得太深，鉛片座到了底所以再加都無用，支標也是歪的。

個人意見
調標前最好找找底
唔一定要找到十足十準
但係起碼心入面有個譜



簡單找底方法
1‧係鉛皮坐卷上重過浮標的鉛皮
2‧拋滿杆，(重要動作-->)唔等標翻身，拉杆向後2尺(拉向自己條腰)，標翻身後立即送番支杆去原位
3‧情況a：成支標沉曬
          把套住浮標的太空豆向上推(向杆頭方向)，重覆動作1,2，直至浮標的頭幾目露出水面

      情況b：浮標打斜露出水面/浮標露出水面目數好多/標浮唔翻身
          把套住浮標的太空豆向下拉(向魚勾方向)，重覆動作1,2，直至浮標的頭幾目露出水面

4‧依家，如果你有做到動作2，咁由鉛皮坐直到浮標露出水面的目數就係大約水深

5‧正式調標前，把套住浮標的太空豆向下拉，總共拉(你條子線長度+浮標露出水面的目數+15-20cm)(咁又唔使度到十足十‧‧‧大約就得，最緊要有個概念)

6‧跟住就用你所學的方法調標


以上動作就係大家係網上教學見到所有調標方法的先決條件
當然如果對調標熟識，對釣場水深熟識後係絕對可以省略曬上面全部步驟，直接調標。咁當然每次調標前都先用短短兩三分鐘找找底，對於正式釣魚果陣都有一定幫助。

多謝幾位大師兄賜教！
~tyjp-2-1^我下次會跟住試下～