小一入學有幾難.......

點解阿媽會咁煩?
嗰啲乜嘢面試班，
報完一間又一間，
係咪如果考唔到，
學生都會無得做？
係咪入唔到呢間，
我就會無得升班？:pp2:

點解阿爸會咁煩？
又要我學講古仔，
又要我學答問題，
郁啲又話唔合格，
發起火嚟兜頭拍，
搞到我好鬼緊張，
面試好似打場仗。:pp2:

點解老師要咁煩?
唔准阿媽陪住我，
係都要我一個坐。
搞吓抬上嘅公仔，
佢就喝我放番低。
仲問鬼咁多問題，
好似當我係賊仔。
我其實都唔識你，
梗係啋你都嘥氣！:pp2:

點解大家睇咁重？
我係四五歲人仔，
鬼識答咁多問題，
幾分鐘嚟傾傾偈，
咁就無咗個學位。
攞表遞表搞餐死，
我不如匿喺屋企！:pp2:

Rap得唔夠韻！！重作…xd