問題 : 一般前打作釣時用的主線和子線是多磅數?
答案 : 如果係釣直駁,母線1.75式或2號子線1.5或1.75號以絕對絕對足夠,
如果係釣碼頭橋躉這些空心釣場,母線2.5或3號而子線2號至2.5號就ok.
其實太粗的母線絕對影響魚訊的表現,同時粗母線的表面面積太大,
在有流的釣場因水流壓住母線做成容易飄離目標釣點及出假魚訊.
只要子線的品質夠好,1.5號子線對付一條4斤半的黑沙多數足夠.
而釣直駁上魚率就高好魚,除左打牙外,上魚率可以去到七八成.
問題 : 前打夾鉛與磯釣用夾鉛有甚麼分別?
答案 : 子線夾鉛內部設計係(V)而前打專用夾鉛內部設計係(U),使用專用夾鉛好處有三方面,
1)因前打專用鉤身有一平位,使用專用夾鉛可有效減低夾鉛走位的情況出現,
2)使用專用夾鉛可令鉤身內部空間加大,可增加作釣時中魚率,
3)前打專用夾鉛本身材料比子線夾鉛來得軟,在轉換別的號數夾鉛時來得方便.
問題 : 想玩前打，請問有咩前打杆介紹及工具及玩法?
答案 : 初初玩都係介紹支"日新"比你, 你可以選支13 Zoom 15 呎, 鉸就好多牌字都可以,
只要係餅仔鉸都得, 最平你可以買"富士輪", 係市面上有一些前打/落入專用,
但也可以用一般的立, 專用鉛方面市面都曾經出現過一批,
但相信己經所剩無幾. 線方面梗係最好係前打/落入專用線, 好處係線身有不同顏色相間,
方便知道釣點既水深及魚食餌時的魚訊, 子線方面我建議用最靚最靚最靚的子線,
一定要最襟磨, 柔軟度要適中, 不能過硬/過軟.
至於玩法, 都係將口餌放入水時, 由水面落到水底及在水底時, 捕捉所有的魚訊.
問題 : 玩前打時有冇打誘餌的?
答案 : 前打唔打誘餌,靠對腳不停行行去每個位試試,用晃餌去引魚食餌及主動尋找魚的位置.
問題 : 甚麼是無虛位啤鈴?作用是甚麼?
答案 : 單向啤鈴通常係前打/落入鉸及在fly鉸出現,但都只係出現在有自動制動形號上
(單向目的係方便你習慣右手定左手控鉸收線,現大部分的形號都可以改裝成左右手收線),
目的係在鎖緊制動時可控制出線速度.
問題 : 蟹仔點勾呀?
此主题相关图片如下：
留意以上步驟,由左至右
圖(2) - 請特別留意 勾尖插入位置.
圖(3) - 成功上勾後蟹仔理應依然"生猛".
圖(4) - 另一種上勾方法 (多數用於浮遊磯釣時另一種上勾方法)
問題 : 請問如果在晚上進行前打釣,如何判別半水魚訊?
答案 : 晚上前打判斷半水魚訊,有兩個方法,一個就好似玩夜水落入,係母線上加上三至五個夜光棒,
每段有一定距離,係釣組下沉時便可觀察在水中層的魚訊,另一方法係注意釣組的下沉速度,
全程抬起釣竿,將母線拉直,跟往釣組下沉速度慢慢將竿放下來讀取魚訊,
這兩個方法你可試試,但這兩個方法都有一定的缺點,加夜光棒令母線過長,
收線時有可能弄斷竿先及中魚後因母線過長令取魚有困難,第二個方法的缺點是,
如果在中上層有魚訊的話,抽竿作合時因抽竿距離短好難把鉤打入魚嘴.
問題 : 蟹仔用甚麼色比較得食?
此主题相关图片如下：
答案 : 在日本,白色身蟹仔(又名白殼)話係最得食,但在香港前打多年,
不覺白殼較得食(但如果作落入用,效果即較好),相反用全黑色或全啡綠色蟹仔比較好,
(可能因海水基本顏色及混濁度有關),但唔好用太大,蟹殼跟一毫子或細小小最好.
問題 : 有什麼方法可更有效地活捉蟹仔?
答案 : 散石下面最好係粗砂(砂越白蟹身顏色即較淺色),同D石唔好太大舊,
同如果D石係插左係D砂入面或埋係砂入面,就算反轉舊石都大多沒有蟹仔,
最好係鋪係砂面D散石即較多蟹仔,通常在高潮線(漲定)對落小小的地方捉,
同係香港海岸可捉到的蟹仔有五、六種,但捉完蟹仔要將D石放番係砂面,還原海岸生態結構,
同唔好去死一度捉,要分散投資,咁先至可長捉長有.
問題 : 用蟹仔作釣,方法是否跟用蝦仁及生蝦一樣?
答案 : 蟹仔跟生蝦作釣手法差不多,盡量用竿先控制口餌的活動來(妨餌)吸引魚食餌,
而用蝦仁作釣,因餌不能活動,魚食餌時因餌不動(缺乏生餌逃走的動作),反而出現試餌的情況,
增加作釣難度.
問題 : 什麼是前打?
答案 : 一種適用於防波堤,直駁,直壁岩岸的釣法.前打竿要竿先極敏感同時配備硬腰,
因為作釣地點及方法都偏向貼近障礙物,而硬腰便可以提高操控魚體能力(中魚後)而變得有需要
(而前打釣法中亦有起前打<遠投>式釣法).
前打重視直感捕捉微細魚訊並同時利用柔軟敏感竿先挑起/帶起/拉起釣餌("蟹仔"),
模仿蟹仔跌落海,或者在海裡石面爬行或跳動,
當中釣餌動態自然與否和捕捉微細魚訊直接影響魚獲.
問題 : 前打釣立是否比磯釣較差及較頂口?
答案 : 其實係因為用生餌的原因,同口餌大小的關係(蝦仔,蟹仔),
當魚見到一些活生生的餌食,魚進食時先把口餌第一時弄死,以妨餌食逃走,
魚無手無腳,弄死目標的唯一方法就是用口,玩前打就是捕捉這種第一時間的魚訊,
所以應該唔存在頂口問題.
餌的活躍度,好多時跟魚訊多寡有直接關係,同時有可能因餌以死,
魚無須急於把餌弄死而出現試餌的情況.
問題 : 蟹仔大細会否影響釣果?
答案 : 實際上有用母趾甲大小的釣到大的魚(二三斤以上)，
但也有用尾趾甲大小的比較得食也一樣釣到大的魚.
問題 : 前打如何在光線不足時觀察釣組表現?
答案 : 在竿先上加上夜先棒,釣組用2B或3B咬鉛,當釣餌下沉時,竿先應微微向下指,
而母線應該係拉直,當釣組到底時,竿先回復好似冇加咬鉛時的表現,
每次晃餌都應有這樣的表現.
問題 : 人工斜石駁用蟹仔玩前打有乜要留意?
答案 : 小心蟹仔跌進石洞, 控竿時要注意石口的高低差落, 若蟹仔落進石洞, 中魚後較易斷.
問題 : 石駁前打用蟹仔釣立魚時，是否只針對底層?
答案 : 石駁係咪指斜石駁呀,如果係的話,底層差不多係唯一的選擇,
因為用蟹仔做餌係主力捕捉蟹仔在水中沉降中的狀態,
及蟹仔差不多到底時蟹腳亂舞來吸引魚食餌.
問題 : 前打應該用什麼類型餃比較好?
答案 : 前打都係用餅仔鉸比較好,運作方便度同好玩,控制小量收方線的靈活度較高,
線離開鉸後的狀態最直,最重要係可以單手控制出線同收線.
問題 : 如向在流水急時用前打釣法作釣?
答案 : 可先用2B鉛作測試,先確定釣埸深度/流速,所定你的目標為置,
向流頭方行十至十五呎左右,再將口餌向流頭拋,口餌到水後再放出多3/4呎母線,
將母線拉直地放在流頭,觀察母線動態,當母線下沉速度減慢,即時慢慢抬竿拉緊子線觀察竿先情況,
看看是有魚食還是口餌到底(魚食餌,速度減慢前有一下好輕微的拉動,你以可以抽竿),
到底的話,拉線看看釣組在你站立點之前定之後,如果係之後即鉛唔夠重,個人習慣係5B為上限,
如果用到5B都不能在20呎內到底,就選擇去避流位,暫停或轉位.母線用細號數的,
這樣下沉速度較快一點,同時再將母線放係流頭,一樣有加快下沉的功用,到底後要勤妨餌,
這可同時可減掛底,步伐要最跟流速,除非玩超前打或地形有好劇烈的變化.
否則應該避免亂放出母線,盡量令口餌在你的正下方或竿先的正下放,因流速高,
母線備水流壓往,如果口餌到底你唔知道,這樣好多假拉竿的現象,
最重係你一定要知口餌的位置.
問題 : 請問夜釣前打點樣睇魚訊?
答案 : 可以試試於竿先安裝螢光棒.
問題 : 如用維京絞來代替餅仔絞可以嗎?
答案 : 可以一試.但因為線軸內俓較細,令母線較易上氣.而前打竿的線導環好細,
令母線出線不夠順.及因體積比較細,令整體Balance冇咁好,其次收/放線較不便.
問題 : 請問前打/落入怎樣晃餌?
答案 : 如果個底比較平坦,口餌可以停留在水底較長一點時間或作出輕微拖動或跳動,
但如果個底D石高低好劇烈或有好多廢線垃圾的話,
辨法只好觀察口餌又落水後直到水底後有冇即時魚訊出現,如果冇,馬上抽回水面從新開始,
增加下沉次數好過係水底等魚訊.
控線時要清楚知道口餌到底是否,水流速度跟咬鉛的重量,步速跟流速是否配合,
如果每次出竿都要收線或抬竿才知到底是否,這樣掛底情況是比較多出現.
問題 : 前打為何最好用餅仔絞,分別在什麼地方?
答案 : 前打竿的線導環好細,如用紡車絞,母線即比較卷曲,出線不夠順.
其次就係可以單手控制收放釣線.
|
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡
樓主
