第三屆餌木補習班 (活動後感想加相片)

其實,當我第一日做餌木版既版主既時候~已經好想攪多d補習班,
希望可以將我所識既野,分享一下比大家,,,
有幸,都能夠順利攪左兩次既餌木補習班~
但係,原來攪一個補習班,真係唔係想像中咁容易,,,,
首先~就係大家對餌木認識既程度有所分別,,,
令到好多時,都唔能夠對應返大家既能力去教返相對既問題,,
另外,就係人數上既問題,,,
經過兩次活動之後,我真係好氣餒.....
兩次活動,都會出現有釣友缺席,,真係令到我地攪活動既人好失望,,,,
其實今次第三班,當日,我本人都好想對6位參加者講返聲對唔住,,,
因為本人近排都因自己既個人問題,令到活動當天冇乜心機教大家,,,
而且,當日網友既缺席,真係令到我感到沮喪,,,,,,
再次講多聲對唔住!!!!

感想就講住咁多先啦,,,,
之後落黎就係分享下D相啦
















以後落黎既日子,補習班既活動可能會暫停一段時間~
而餌木班黎緊既大活動就係第三屆比賽啦~名額係有限GA~希望大家多多參與~
記住~我地餌木比賽,係著重交流~及推廣放生~希望大家參加左既,都能夠玩得開開心心啦!!!
仲會唔會有其他既活動~?
咁就要大家多多留意下有冇新消息啦~~~~~~

係咪赤柱? 我從來都唔知有個咁好企既位

發仔,唔駛氣餒嘅!!
盡左力已經對自己有交代...
對於參加活動隨意放飛機,
小弟覺得真係非常不負責任,
要安排一個活動勞心勞力,
咁嘅反應都我地好大好大打擊,
我決定以後嘅網站所有活動或比賽,
如果有無固放飛機者,將不會再接受參與,
敬請大家尊重一吓無私付出自己時間嘅師兄,
尊重一吓魚樂網,尊重一吓自己吧...

抱歉,我當日要幫手假餌賽,未能出一分力...
再次感激基哥,肥豪同埋發仔!!

哈哈，無事呀，情緒問題，人人都會有，失戀呀？哈哈，好在你唔系個個月有，講到心灰....都唔系呀，其實我都有玩下魷魚，但只是皮毛，當日真系學到野架，最少原來我投出的方法一直系錯誤，今日用左你們教的方法，真系比以前遠好多，加上控線，到底後手法多左了解，我諗，下次要搞，就要真系分開初心和補習兩班囉，真系有D人連投都原全唔會就去參加補習班！！其實我系想學到怎樣選擇釣點，選擇場地有D咩因素會好D？話就話要看季節而去選擇，但都應該要有因素，當然，你唔好答我一定要系海水囉，哈哈，唔好甘快就死心，重有好多網友想跟你學野架

naobao 發表於 2011-11-25 00:47

                               
登錄/註冊後可看大圖

發仔,唔駛氣餒嘅!!
盡左力已經對自己有交代...
對於參加活動隨意放飛機,

不如下次就算免費活動都要先人數做保證金，到時人到左就比返佢，唔來就當貴網或版主的工資，我諗版主佢地當日應該都無人工掛？

大尾魷 發表於 2011-11-25 01:17

                               
登錄/註冊後可看大圖

不如下次就算免費活動都要先人數做保證金，到時人到左就比返佢，唔來就當貴網或版主的工資，我諗版主佢地 ...

如果攪活動要攪到咁樣就無謂喇...
出得黎幫手都無諗過錢嘅問題,
大家都唔係細路仔,
每個人不出席都有自己理由,
唔通俾左錢就可以抵償??
有無聽過清朝乾隆年間嘅議罪銀制度??

版大:
不要氣餒呀
仲有好多人要跟你們導師學習架, (包括我在內)

支持你們呀....加油呀...加油呀

                               
登錄/註冊後可看大圖

....

千奇唔好氣餒、、、努力
有機會我想參加

好感激基哥cHING,肥豪CHING,同埋發仔CHING當日的無私的教授,
仲有爆叔開設這個網比大家用.

其實我同我的太太今次的學習已經對餌木產生興趣, 加上這次各位導師很用心教授, 我相信各位學員都同我一樣學習到非常多知識同興趣.

其實真心講句, 放飛機問題在網上經常發生, 不要因為有人放飛機而感到難受同令自己無精打采, 這樣對於當日有準時出席的朋友很不公平(其實我本人都遲到20分鐘在這說句抱歉^^"), 反而應該用心做好自己本份, 就算只有一位學員出席都要用平常心去教, 你們已經付出了時間, 為什麼不好好地教呢? 只要有一個人去學習就等於多一個人學會這樣的技術. 當然有人放飛機真的很令人氣餒, 但只不過是冰山一角的問題, 就當飛機友家中有事不能出席而已, 損失就只有這位學員而已.

最後講句, 加油呀各位ching, 你們可以無私的教授技術已經很難得, 仲有這個平台可以令來自五湖四海的朋友可以聚集同分享都是很難得的事. 對於我來說這是很開心快樂的事, 每天返工都係第一時間上這個網睇下有咩睇呢, 可以令工作更加快樂.

希望可以令版主有動力吧

雖然今次我冇尼幫手，但上次我見到你地個個都係拎個心出尼教人架~
放飛機既人係佢自己既損失，打擊感一定會有，但只要我地盡左自己本份，
無愧於心咁就已經足夠啦~唔好唔開心啦發仔~支持你~^_^
有咩要幫手出聲啊~幫得到既一定幫~任何事都係~